Nuversidá de Oxford
| Nuversidá d'Oxford | |
|---|---|
 | |
| Escudu | |
 | |
 | |
| Datus generalis | |
| Sigla | IGHG |
| Lema | Dominus Illuminatio Mea(El Señol es la mi Lus) Salmu 27 |
| Fundación | c. 1096.Intro. |
| Tipu | Pública |
| Afiliacionis | Grupu Russell, Grupu Coimbra, EUA, LERU, IARU, Europaeum |
| Almenistración | |
| Cancillel | William Hague |
| Vice-cancillel | Irene Tracey |
| Presupuestu i financiamientu | |
| Financiación | 6288 millonis €Oxford University Colleges Financial Statements 2017 (Nuversidá £989.4M)Financial Statements 2016/17 - University of Oxford. |
| Presupuestu | 167 572 millonis de €Financial Statements 2016/17 - University of Oxford. |
| Personal i estudiantis | |
| Professoris | 1 791Data for 2015 booklet - Headcount by staff group. |
| Estudiantis | 23 195 (2016)Student Numbers - University of Oxford. |
| Pregradu | 11 728 (2016)Student Numbers - University of Oxford. |
| Postgradu | 10 941 (2016)Student Numbers - University of Oxford. |
| Otros estudiantis | 500Supplement (1) to No. 5049 – Student Numbers 2013 - Oxford University Gazette. |
| Símbulus | |
| Coloris | Azul Oxford (Pantone 282) |
| Localización | |
| Ciá | Oxford |
| Estau | Ingalaterra |
| País | Reinu Uníu |
La Nuversidá d'Oxford es una nuversidá púbrica d'investigación ubicaá n'Oxford, Ingalaterra, nel Reinu Uníu. Sin conocel-si la fecha exacta dela su fundación, á evidencias duna institución d'enseñança ya en 1096, [1] lo que la convierti ena segunda nuversidá más antigua d'Uropa en continúu funcionamientu i la primera del mundu angloparlanti.[2] La nuversidá creció rápidamenti dendi 1167 quandu Enriqui II d'Inglaterra proibió quelos estudiantis inglesis asistieran ala Nuversidá de París. Comu consecuencia de disputas entri los estudiantis i los abitantis d'Oxford en 1209, algunus profesoris se marcharun al noresti, a Cambridge, dondi fundun la que sedríe endispués la Nuversidá de Cambridge.[3] Estas dos antiguas nuversidais son a menúu nombraás conjuntamenti col moti de «Oxbridge». La estoria i nfluencia dela Nuversidá d'Oxford la tié convertíu nuna delas más prestigiosas del mundu.[4]
La nuversidá está compuesta de varias instituciones, 39 colleges constituyentis i un ampliu abanicu de departamentus académicus que están organizaús en quatru divisionis.[5] Tos los colleges son instituciones con autogobielnu drentu dela nuversidá, controlan los sus biembrus i tién la su propia estrutura interna i actividais.[6] Pol regulal, cada unu delos colegius constituyentis d'Oxford están asociau a otru delos colleges dela Nuversidá de Cambridge, cola única adición ecepcionál del Trinity College (Dublín).[7][8] Oxford es una ciá nuversitaria que no cuenta cun campus prencipál, pos los sus edificius i facultais están repartíus pol tol centru dela ciá.
Una característica destintiva dela enseñança de grau n'Oxford (compartía con Cambridge) son las ‘tutorías’ (tutorials), que se realizan en grupos reducíus de normalmenti 2 a 4 estudiantis cun profesol, i que son organizaás polos colleges en treca de pol departamentu central dela asignatura. L'alumnau de grau tié aproximamenti entri 1 i 5 oras de tutorías ala semana. Tamién recibin clases magistralis impartías pol departamentu central dela asignatura, comu n'otras nuversidais.
Algunas enseñanças de Posgrau inclúin tutorías tamién organizaás pol facultais i departamentus. Oxford cuenta col Museu Ashmolean museu nuversitariu más antiguu del mundu, assín comu cola mayol Oxford University Press editorial nuversitaria[9] i la biblioteca académica d'ámbitu nacional más estensa.[10] La Nuversidá d'Oxford sueli figural entri las mejoris instituciones d'enseñança superiol del mundu según las valoraciones de deferentis organizacionis.[11][12] De fechu, de conformidá con Times Higher Education (THE) la Nuversidá dendi'l 2017 es catalogaá comu la mejol nuversidá del mundu.[13]
Oxford tié educaú abondus alumnos destacaús, incluyendu 29 galardonaús col Prémiu Nobel, 47 Prímerus Menistrus del Reinu Uníu e innumerabris jefis d'Estau i de gobiernu de tol mundu.[14] A fecha de 2017, 69 runchaoris del prémiu Nobel, 3 Medalla Fields i 6 runchaoris del Prémiu Turing tién estudiaú, trabajaú o colaboraú cola Nuversidá d'Oxford. Los sus alumnos tién lograú 160 Xuegus Olímpicus medallas olímpicas.[15] amás concedi la Beca Rhodes, una delas becas enternacionales más antiguas.[16]
Nel 2025 ocupa el 6º puestu nel Ranking Académicu delas Nuversidais del Mundu.[17]
Estoria
[adital | adital cóigu]Desconoci-si la fecha de fundación dela nuversidá, i tal ves no dessistió comu un sucessu en concretu, peru ala muesa d'actividais d'enseñança dendi l'año 1096. [18] Quandu Enriqui II d'Inglaterra proibió alos estudiantis inglesis l'asistencia alos colegius d'estudius superiolis de París, nel año 1167, Oxford encetó a crecel con rapidez. La fundación delas primeras residencias estudiantilis, que endispués vinun a hazel-si enos colleges, data dendi desta época n'alantri. Endispués del asesinatu de dos estudiantis acusaús de violación en 1209, la Nuversidá fue disuelta. El 20 de junio de 1214, la Nuversidá volvió a Oxford cuna carta d'aceptación negociaá pol Nicolás de Romanis, delegau papal, i nel 1231 recibi la carta de Nuversidá. Estoricamenti la nuversidá tié síu el gelmin i la sei d'algunas sociedais alas que pertencin los destintus biembrus delos colegius d'Oxford, asociau, i tamién alumni una ves graduaús. Algunas delas más destacaás son las Philosophy Society, Classical Drama Society, Physics Society, Byzantine Society o la U.O. Orchestra.[19]
El prencipál rival dela Nuversidá d'Oxford es la Nuversidá de Cambridge, fundaá pocu tiempu endispués. El conjuntu de dambas dos instituciones se conoci popularmenti comu Oxbridge. Tradicionalmenti se le tié consideraú a Cambridge superiol en temas científicus, i a Oxford n'umanísticus. Inque estu es más una percepción que una realidá, dichu biés deriva del énfasis que estoricamenti las nuversidais tién dau a algunas disciplinas. Dambas dos nuversidais pertencin al Grupu Russell de nuversidais británicas dedicaás ala investigación.
Organización
[adital | adital cóigu]
Oxford es una nuversidá colegiaá lo qual puei resultal confusu pal que no esté familiau con ella. La Nuversidá es esencialmenti una federación compuesta pol cerca de quarenta Halls (Permanent Private Halls, PPHs) i colegius (n'inglés colleges) autogobernaús cuna administración central que tié ala su cabeça un Vicecancilleu. Los departamentus académicus están adscritus ala su estrutura central. Estus no pertencin a dengún colegiu en particulal. Los departamentus precuran desenvolver la investigación, proveel facilidais pala enseñança i l'aprendizahei, organizar conferencias, seminarius i determinal los planis d'estudiu i las pautas pala enseñança delos estudiantis. Los colegius se encargan d'organizar las clases académicas palos sus biembrus de pregrau. Los biembrus dun departamentu académicu están desseminaús a través de destintus colegius. Ciertus colegius tiénen determinaás fortalezas (pol exempru, el Nuffield College especializau en ciencias sociales), peru son la ecepción, polque la mayoría tién una amplia varianti de profesoris i alumnos de todas las ramas del estudiu. Se proporcionan estalacionis comu bibliotecas a tos los nivelis: pola estrutura central (la Biblioteca Bodleiana), polos departamentus (bibliotecas departamentalis comu la Biblioteca dela Facultá de Leyis) i polos colegius (los qualis generalmenti mantienin bibliotecas multidisciplinaris pal usiu delos sus biembrus).
El sistema colegiau d'Oxford tié el su origi en que la nuversidá encetó a dessistir a través dela aglomeración gradual de instituciones endependientis ena ciá d'Oxford.
Amás del nivel colegiau d'organización, la nuversidá se subdividi en departamentus según áreas, comu muchas otras nuversidais. Los departamentus desempeñan un papel importanti ena educación de posgrau, i cada ves más ena de pregrau, ofreciendu conferencias i clases i organizandu evaluacionis. Los departamentus son tamién centrus d'investigación, apoiaús económicamenti pol instituciones externas que inclúin los prencipalis consejos d'investigación; si bien los colegius tiénen enterés ena investigación, la mayoría no son especialistas en algún área en términus d'organización.
El prencipál cuerpu legislativu dela nuversidá es la Congregación (Congregation, n'inglés), que es l'asamblea de tos los académicus que enseñan ena nuversidá. Otru cuerpu, la Convocatoria (n'inglés Convocation), engloba a tos los graduaús dela nuversidá, i era el prencipál órganu legislativu dela nuversidá. Ata 1949, la Convocation elegía alos dos biembrus del Parlamentu pala Nuversidá. Agora tié funciones mu limitaás, la prencipál delas qualis es elegel al Canciller dela Nuversidá (títulu en gran parti simbólicu). La elección más recienti tuvu lugal nel 2003, quandu fue elegíu Chris Patten.
El cuerpu ejecutivu dela nuversidá es el Consejo Nuversitariu. Esti está compuestu pol el vicecanciller (Dr. John Hood), los ditoris de departamentu i otrus biembrus elegíus pola Congregación, amás de osservaoris dela Unión Estudiantil. Amás dela atual Casa dela Congregación, tamién á una Antigua Casa dela Congregación que, dalguna manera, sobrevivió alas reformas nel sigru XIX i que oi sólo se usa pala otorgación delos graus.
El cursu académicu se divide en tres períodos, cada unu cuna duración de oçu semanas. El período Michaelmas va dendi'l encetu d'otubri ata diziembri; Hilary normalmenti va dendi eneru ata dantis dela Pascua; i Trinity se destiendi dendi endispués dela Pascua ata junio. Estus períodos son delos más cortus de qualquier nuversidá británica, i la carga de trabaju es intensa.
Colegios
[adital | adital cóigu]
Los colegius son entidais totalmenti endependientis, propietarias delos sus inmueblis, cun personal propiu i el su propiu presupuestu.
Á 39 colleges dela Nuversidá d'Oxford i cincu halls, cada unu cola su propia estrutura interna i actividais. Tos los estudiantis i la mayoría del profesorau devin sel biembrus tanto dela Nuversidá comu de algún colegiu o hall. Aquellus que presidin los colegius d'Oxford se conocin pol varius títulus (según el colegiu), incluyendu (n'inglés) warden, provost, principal, president, rector, master o dean. Los colegius se reúnen normalmenti ena Conferencia delos Colegios pala discutir políticas administrativas i académicas.
Muchas delas oficinas d'atención alos estudiantis son específicas de cada colegiu, peru estus son mu más que residencias estudiantilis. Proveen alojamientu, comida, bibliotecas, actividais deportivas i sociales, tamién nombran tutoris encargau d'acontinar el trabaju delos estudiantis. Por otra parti, la nuversidá provei las clases, realiza los exámenes i otorga los títulus. Los colegius tiénen la responsabilidá d'admitil estudiantis de pregrau i d'organizar la su tutoría académica. Pol contrariu, son los deferentis departamentus académicus los que se encargan dela formación delos estudiantis de posgrau.
La siguienti lista amuestra los colegius constituyentis dela Nuversidá d'Oxford i delos sus colegius germanus ena Nuversidá de Cambridge:
Admisión ena Nuversidá
[adital | adital cóigu]L'admisión ena nuversidá es mu rigurosa i se basa enos méritus académicus i nel potencial del candidatu. Los colegius son los que llevan a cabu las admisiones de pregrau, trebajandu juntos pala aseguración de que los mejoris estudiantis tengan un lugal ena nuversidá. La selección se hazi con basi alas referencias escolaris, los ensayos personalis, resultaús conseguiús, resultaús predichus, trabaju escritu, prebas escritas i entrevistas.[20]
Dantis de 2020, estas entrevistas normalmenti se realizaban en pressona, peru se tresladarun en línea duranti la pandemia de Covid-19 i tién permanecíu en línea dendi antoncis.[21]
La selección delos estudiantis de posgrau la realiza primeru el departamentu nel qual estudiará cada unu, i endispués de horma secundaria el colegiu al qual está asociau el departamentu.
Al igual que Cambridge, Oxford se tié consideraú tradicionalmenti comu un lugal pala genti acomodaá, inque ogañu no es essu el casu. El costi delos estudius, enos días previus ala disponibilidad de becas estudiantilis, era proibitivu a no sel que se tuviera beca o se fuera, antañu, un criau (que tenía que servil alos sus compañerus comu compensación pola su matrícula).
Ena época moerna, el costi d'estudiu palos estudiantis británicus tié síu el mesmu que las otras nuversidais. Nostanti, escuelas privás i de gramática preparaban alos sus pupilus específicamente palas prebas d'ingresu, i enclusu algunas llegaban tan lexus comu pala instación delos alumnos a permanecel un año más estudiandu sólo pal dessamin. Los alumnos de otras escuelas púbricas raras vez podían permitil-si tal luju.
Últimamenti Oxford tié fechu grandis esfuerçus pala atracción d'alumnos delas escuelas púbricas, i l'admisión tanto n'Oxford comu en Cambridge sigui basándu-si enos méritus académicus i nel potencial. Aproximamenti la metá delos estudiantis d'Oxford vienin de escuelas púbricas. Nostanti, entavía á un gran debati púbricu ena Gran Bretaña sobri si sedríe possibri hazel-si argu más pala atracción d'aquellus que vienin de capas sociales más pobris.
Oxford ena literatura i los meyus de comunicación
[adital | adital cóigu]La novela Tolas almas, del escritol español Javier Marías, narra la estoria dun jovin profesol español qu'imparti crasis de traducción ena Tylor Institution d'Oxford i qu'ábate mantieni relacionis esporádicas con Clare Bayes, una muger casá. Se trata duna novela autobiográfica, dondi la ficción es la mínima parti dela estoria real del autol, Javier Marías, quandu impartió crasis de literatura española ena Tylor d'Oxford, a meyados delos años 80.
En palabras de Marías el fechu de qu'el protagonista dela novela diera crasis duranti dos años ena Tylor era un préstamu literariu. «Pocu de lo que nel libru se cuenta coincidi con lo que yo viví o supe n'Oxford, o sólu lo más accesoriu i que no afecta alos fechus: l'ambienti amortiguau dela ciá reservá o esquiva i los sus profesoris atemporalis […], las oscuras i minuciosas librerías de vieju…», dixu Marías años más tardi en Negra espalda del tiempu.
Véa-si tamién
[adital | adital cóigu]Crasificación académica de nuversidais
Referencias
[adital | adital cóigu]- ↑ cita web |url=http://www.ox.ac.uk/about/organisation/history |title=Introduction and History |publisher=University of Oxford |accessdate=21 de octubre de 2014
- ↑ cita libro|author=Sager, Peter|year=2005|title=Oxford and Cambridge: An Uncommon History|url=https://archive.org/details/oxfordcambridgeu0000sage|page=36
- ↑ cita web|url=http://www.cam.ac.uk/about-the-university/history/early-records|title=Early records|publisher=University of Cambridge
- ↑ Cita publicación|url=https://www.timeshighereducation.com/world-university-rankings/worlds-most-prestigious-universities-world-reputation-rankings-2016-results|title=World’s most prestigious universities 2016|date=4 de mayo de 2016|work=Times Higher Education (THE)|access-date=11 de marzo de 2018|language=enCita publicación|url=https://www.timeshighereducation.com/world-university-rankings/2018/world-ranking#!/page/0/length/25/sort_by/rank/sort_order/asc/cols/stats|title=World University Rankings|date=18 de agosto de 2017|work=Times Higher Education (THE)|access-date=10 de marzo de 2018|language=en
- ↑ cita web|url=http://www.ox.ac.uk/divisions/index.html|title=Oxford divisions|accessdate=26 de noviembre de 2013|publisher=University of Oxford|fechaarchivo=20 de octubre de 2013|urlarchivo=https://web.archive.org/web/20131020114217/http://www.ox.ac.uk/divisions/index.html|deadurl=yes
- ↑ cita web|url=http://www.ox.ac.uk/colleges/colleges_and_halls_az/index.html|title=Colleges and Halls A-Z|publisher=University of Oxford|accessdate=4 de octubre de 2008|fechaarchivo=27 de agosto de 2011|urlarchivo=https://web.archive.org/web/20110827214407/http://www.ox.ac.uk/colleges/colleges_and_halls_az/index.html|deadurl=yes
- ↑ Cita web|url=https://www.ireland.anglican.org/index.php?do=news&newsid=515|título=Church of Ireland - A Member of the Anglican Communion|fechaacceso=2024-02-10|sitioweb=www.ireland.anglican.org
- ↑ Cita web|url=https://www.thetimes.co.uk/|título=The Times & The Sunday Times|fechaacceso=2024-02-10|fecha=2024-02-10|sitioweb=www.thetimes.co.uk|idioma=en
- ↑ cita publicación|url=https://www.nytimes.com/1994/02/16/news/16iht-presseduc.html|archive-url=https://web.archive.org/web/20110924191930/http://www.nytimes.com/1994/02/16/news/16iht-presseduc.html|dead-url=yes|archive-date=24 de septiembre de 2011|title=400 Years Later, Oxford Press Thrives|last=Balter|first=Michael |date=16 de febrero de 1994|publisher=The New York Times|accessdate=28 de junio de 2011
- ↑ cita web|url=https://web.archive.org/web/20140219024745/http://www.ox.ac.uk/research/libraries/index.html|title=Libraries |publisher=University of Oxford |archivedate=16 de diciembre de 2012 |archiveurl=https://www.webcitation.org/6CxjD4pNq?url= |deadurl=yes
- ↑ Cita publicación|url=http://fortune.com/2016/09/22/worlds-best-universities-2016/|title=An American University Is No Longer the Best in the World|work=Fortune|access-date=2 de julio de 2018|language=enCita publicación|url=https://www.topuniversities.com/student-info/university-news/university-oxford-tops-times-higher-education-world-university-rankings-2018|title=University of Oxford Tops the Times Higher Education World University Rankings 2018|date=5 de septiembre de 2017|work=Top Universities|access-date=2 de julio de 2018|language=en
- ↑ Cita publicación|url=https://www.forbes.com/sites/nickmorrison/2017/09/05/oxford-cambridge-top-world-rankings-as-u-s-slips-again/#28b23687582c|title=Oxford, Cambridge Top World Rankings As U.S. Slips Again|last=Morrison|first=Nick|work=Forbes|access-date=2 de julio de 2018|language=en
- ↑ Cita web|url=https://www.ox.ac.uk/news/2021-09-02-oxford-retains-top-spot-world-rankings-sixth-consecutive-year|título=Oxford retains top spot in world rankings for sixth consecutive year | University of Oxford|fechaacceso=2022-08-04|sitioweb=www.ox.ac.uk|idioma=en
- ↑ Famous Oxonians
- ↑ cita web|url=http://www.ox.ac.uk/about/oxford-people/Oxford-at-the-Olympics|title=Oxford at the Olympics|access-date=26 de agosto de 2018|publisher=University of Oxford Oxford
- ↑ cita web|url=http://www.rhodeshouse.ox.ac.uk/about/ |title=Rhodes Scholarships |work=rhodeshouse.ox.ac.uk |accessdate=25 de julio de 2010 |deadurl=yes |archiveurl=https://web.archive.org/web/20121019065901/http://www.rhodeshouse.ox.ac.uk/about |archivedate=19 de octubre de 2012 |df=
- ↑ Cita web|url=https://www.shanghairanking.com/institution/university-of-oxford|título=ShanghaiRanking-Univiersities|fechaacceso=2025-10-22|sitioweb=www.shanghairanking.com
- ↑ (en inglés) «Introduction and history.» Sitio web oficial. Consultado el 8 de diciembre de 2015.
- ↑ Cita web|url=https://www.ox.ac.uk/students/life/clubs/list|título=Register of Student Clubs | University of Oxford|fechaacceso=2024-02-09|sitioweb=www.ox.ac.uk|idioma=en
- ↑ Weston, 2022|doi=10.1016/j.linged.2022.101017|title=Gatekeeping EpiSTEMic territories: Disciplinary requirements in Engineering and Natural Sciences undergraduate admissions interviews at the University of Cambridge |year=2022 |last1=Weston |first1=Daniel |journal=Linguistics and Education |volume=69 |pages=101017
- ↑ cite web|url=https://www.universityadmissionstutors.co.uk/post/5-hacks-to-ace-your-online-oxbridge-interview|title=5 Hacks to Ace Your Online Oxbridge Interview|access-date= |last=|first=|date=19 -12- 2023|website=|publisher=University Admissions Tutors|quote=
Enlacis esternos
[adital | adital cóigu]
En Commons ai conteníu multimedia sobre Nuversidá de Oxford.
Inocencio IV acogi ala Nuversidá d'Oxford baxu la protección dela Sedi Apostólica,