Nuversidá de Potsdam

Nuversidá de Potsdam
Tradución	Universität Potsdam
Sigla	—
Lema	Klein aber Fein
Tipu	Púbrica
Fundamentu	1991
Ciudá	Potsdam
Estau	Brandeburgu
País	Prantilla:Geodatos Alemania Alemania
Dereción	Am Neuen Palais 10, 14469
Maestrus	266
Estudiantis	20.999
Retol	Prof. Oliver Günther
Sitiu web	www.uni-potsdam.de

La Nuversidá de Potsdam es una nuversidá púbrica en Potsdam, capital del estau de Brandeburgu, nordesti d'Alemaña. La nuversidá está assitiá prencipalmenti a través de tres campus ena ciá. Unus quantus eifícius dela facultá son parti del Paláciu Nuevu de Sanssouci qu'es conocíu pol su estau de Patrimoñu dela Umaniá (UNESCO).^[1] La Nuversidá de Potsdam es la nuversidá más grandi de Brandeburgu i la quarta más grandi nel área metrupulitana de Berlín-Brandeburgu. Más de 8.000 pressonas están labutandu enos estuyus i la ciéncia. Nel 2009 la Nuversidá de Potsdam llegó a sel ganadora ena iniciativa "Excellence in Teaching" del Stifterverband für die Deutsche Wissenschaft (ajéncia d'inovación de negócius pal sistema de ciéncia alemán).

Estoria

La Nuversidá de Potsdam fue hormá nel 1991 pola uñon del Karl Liebknecht College of Education i el Brandenburg State College, asín cumu d'otras varias estitucionis más pequeñas. Cumu la nuversidá en gran parti salió del College of Education, ogañu entavía se pon el pesqui ena hormación de maestrus.

Eifícius estóricus

Archivu:Babelsberg campus – House 1.jpg

Campus de Babelsberg – Casa 1

Argunas partis dela nuversidá están assitiás en eifícius estóricus qu'an síu mentaus cumu sitius de Patrimoñu dela Umaniá pola UNESCO. La bibliuteca dela nuversidá i el Estitutu d'Estoria se puen topar dendi una parti delos comunes nel parqui de Sanssouci, nel Paláciu Nuevu, asín cumu l'Estitutu de Matemáticas enas antiguas cavallerizas.

Los otros campus, Babelsberg i Golm, son tamién d'enterés estóricu. Los eifícius más antiguos del campus de Golm fuerun construíus enos años 30 p'aloja’l repartu d'enteligéncia dela Luftwaffe. Endispués dela Segunda Guerra Mundial s’asentó l'Academia de Derechu del Menistériu dela Seguridá del Estau de l’Alemaña d'Orienti.

L'atual Facultá de Derechu está assitiá en Babelsberg/Griebnitzsee enos antiguos eifícius presiyalis i alministrativus dela Crús Roja Alemana (1939/40). Otros salonis d'atrás i eifícius fuerun construíus enos años 50 d’atrás mesmu del Schloss Babelsberg pala Academia de Justícia i l'estau dela Alemaña d'Orienti.

Campus

Cumu la nuversidá más grandi nel estau de Brandeburgu, la Nuversidá de Potsdam se destendi prencipalmenti a través de tres campus enas afueras dela ciá:

Paláciu Nuevu

Paláciu Nuevu, Sanssouci (Am Neuen Palais): Facultais de Filosofia, Estitutos de Matemáticas i Deportis. El campus prencipal dela nuversidá, que ncluyi l'Auditorium Maximum, está assitiau ena cercanía mesmu del Parqui Sanssouci. Los Communs – los anexus prestígius del Paláciu Nuevu son el fogal d’argunus delos estitutos dela Facultá d'Artis. Los eifícius barrucus del sigru XVIII, que tapa’l su antiguu pesqui cumu oficinas del Paláciu i salas de servíciu con escaleras, pórticus, cúpulas i una decoración rica, son ogañu el fogal dela oficina presiyal dela nuversidá i l'alministración. Los Estitutos de Ciéncia del Deporti i Melecina del Deporti asín cumu l'Estitutu pa Matemáticas se puen topar nel Campus Am Neuen Palais.

Golm

Golm: Facultais de Umanidais, Matemáticas i Ciéncia. La mayoría delos estitutos dela Facultá de Ciéncia asín cumu la Facultá de Ciéncias Umanas están assitiáus en Potsdam-Golm, hormandu unu delos parquis de ciéncia más grandis ena rejion. Tres Estitutos Max Planck i dos Estitutos Fraunhofer asín cumu el centru de d’arranqui GO:IN ya s’an assitiau aquí.

Babelsberg

Potsdam-Babelsberg/Griebnitzsee: Facultais de Derechu, Economía i Estuyus Socialis, Estitutos d’Informática, l'Estitutu Hasso Plattner de ngenieria de sistemas de software. El Campus Griebnitzsee está assitiau a lo largu dela raya dela ciá con Berlín, no lueñi delos famosus estuyus de cine de Babelsberg, i aloja la facultá de derechu i la facultá d'economía i ciéncias socialis. L'Estitutu de Ciéncias dela Informática tamién está assitiau aquí i se beneficia abondu dela su cercanía al Estitutu Hasso Plattner de ngenieria de sistemas de software, un estitutu en común dela Nuversidá de Potsdam pagau rondamenti cun deneru privau. Otros estitutos pequeñus i departamentos dessistin ena Ciá de Potsdam. El Botanischer Garten Potsdam es el jardín butánicu dela nuversidá.

Perfil académicu

Al encetu del semestri d'inviernu del año académicu 2020/2021, ábate 22.000 pressonas jóvenis estaban estuyandu ena Nuversidá de Potsdam.^[2]

La Nuversidá está puniendu un pesqui especial al establecel quatru enfoquis de smestigación nuversitária. El volumen de deneru de terceras partis qu’acontina creciendu da fe dela caliá dela smestigación hecha ena Nuversidá ogañu. La Nuversidá de Potsdam tamién tié alcuerdus de cooperación con déssitu i duna gran produción con más de 30 estitucionis de smestigación no nuversitárias ena rejion. Cun pran de smestigación entercultual, l'área d'esceléncia uñi los departamentos de Psiculogia, Lingüística i Ciéncia del Deporti i la Salú. La UP ufreci más de 150 programas de grau en varius campus, ufrecíus en alemán asín cumu n’otras luengas, especialmenti francés i inglés.

Facultais

Archivu:AudiMax (auditorium maximum) of the Potsdam University.jpg

AudiMax (auditorium maximum) dela Nuversidá de Potsdam

Cumu es normal n'Alemaña, los programas de docéncia i smestigación dela Nuversidá de Potsdam se llevan a cabu a lo largu delas facultais. La nuversidá tié las siguientis facultais:

Facultá de Ngenieria Degital

La Facultá de Ngenieria Degital, establecía d'una manera conjunta pola Nuversidá de Potsdam i l'Estitutu Hasso Plattner (HPI), es el primel repartu pagau cun deneru privau d'una nuversidá púbrica alemana.

Facultá de Derechu

El pran d'estuyus dela Facultá de Derechu ufreci los cursos básicos i nicesárius pal derechu pa llegal a sel un avorau capacitau rondamenti. Esta hormación ncluyi derechu cevil, derechu penal i derechu púbricu. En Potsdam, las áreas de concentración ena smestigación i la docéncia ncluyin los hundamentus del derechu, judicatura cevil, derechu de negócius, derechu enternacional, alministración púbrica asín cumu derechu de negócius, de tributus i penal del meyu ambienti. Toas estas áreas ufrecin una buena uportuniá pal estuyu especializau. Eventus amás pala hormación i acontinación dela educación pa pressonas que laburan nel mundu municipal son ufrecíus pol Estitutu p’Estuyus del Gobielnu Local i en rilacionis enternacionales pol Centru de Derechus Umanus. Amás, dessisti un programa de derechu alemán-francés en cooperación cola Nuversidá de París Ouest-Nanterre/La Défense.

Facultá de Filosofia

Enos últimus años, la Facultá de Filosofia dela Nuversidá de Potsdam s’á redefiníu ena idea delos estuyus colturalis entercultualis. La smestigación i la docéncia enos Estitutos p’Estuyus de Relijion, Estuyus Judius, Teulogia Judia, Filosofia, Estoria, Filulogia Clássica, Estuyus Alemánicus, Estuyus Angru-Amricanus, Estuyus Románicus, Estuyus Elávicus asín cumu Arti i Meyus están dedicaus a un entendimientu anchu dela coltura que se defini pol ncluyil tos los aspetus dela vida umana.

Saliendu dendi l'anchu rangu d'especialidais dela facultá, se creun las concentraciones temáticas de "Colturas ena/dela Mubeleá", "Hormas de Vida i el Sabel Cómu de Vivil" asín cumu "Rejion i Ientidá n'Uropa". Este pesqui en relación al contoníu ayuda ala cooperación entercultual, inque tamién ncluyi perspetivas qu'están fueraparti del canon de temas traicionalis dela Facultá de Filosofia. L'Área d'Enfoque de Colturas Inestablis, pol ejemplu, smestiga entri otras la estoria i la prática coltural del judaísmu, el cristianísmu i l'Islam i pol tantu uñi diferentis áreas d'estuyu, cumu la teulogia, literatura, ética, melecina i cosmulogia.

Ena idea d'una docéncia basá ena smestigación, se están desenvolviendu nuevos programas académicus cumu Estuyus de Mubeleá pa completal los programas de Máster entercultualis que ya dessistin en Estuyus Judius, Lingüística dela Comunicación, Estuyus Melitaris, Estuyus de Meyus Uropeus asín cumu otros. Amás, la facultá valora abondu l'apoyu de pressonas académicas jóvenis. Los colegius de graduáus, escuelas de graduáus i proyeutos pagaus cun deneru de fuerapartis baju l’apoyu dela Facultá de Filosofia ufrecin a pressonas académicas jóvenis l'uportuniá pala cooperación entercultual i enternacional.

Facultá de Ciéncia Umana

Colas Ciéncias Cognitivas i las Ciéncias dela Educación, la Facultá de Ciéncias Umanas ncluyi dos delas áreas d'enfoque entercultual dela Nuversidá de Potsdam que laburan más allá delas lindis delas facultais. L'esceléncia delas Ciéncias Cognitivas se basa prencipalmenti nel Centru de Smestigación en Común "Estrutura dela Enhormación: Los Meyus Lingüísticus pa Estrutural Frasis i Testus". La smestigación empírica s'está ogañu esperriandu enas ciéncias dela educación, i está uñía de cerca ala docéncia. Ena educación i hormación de maestrus que quierin sel-lo en toas las facultais, la Facultá de Ciéncias Umanas tié un papel prencipal.

L'"Área d'Esceléncia de Ciéncias Cognitivas" i l'"Área d'Enfoque de Ciéncias dela Educación" se dividun en más clústeres de smestigación i unidais de docéncia. La nstrución enos departamentos de psiculogia, lingüística, deportis i ciéncia dela salú se organiza en ciéncia dela educación i hormación de maestrus. Los enfoquis de smestigación son la luenga, azion i comportamientu, salú, deportis de pressonas que laburan en ellu i popularis, escuela i salón asín cumu la docéncia a lo largu dela vida.

Nel futuru, los putencialis que dessistin nel área de ciéncias dela salú i prevención se desenvolverán n'otra área d'enfoque. L'área de smestigación ena salú ogañu ya está bien uñía colos sistemas d'apoyu pa deportis prufesionales. La Facultá de Ciéncias Umanas media entri la téuria i la vida real de muchas maneras. Es un providó de servícius pala ciá de Potsdam i el estau federal de Brandeburgu. Mantieni varios centrus de cunsulta pa psicotirapia i tirapia dela palra asín cumu una clínica nuversitária. La clínica nuversitária ogañu tié licencia cumu centru d'esaminación dela Confederación Olímpica de Deportis Alemana. Al final, se desenvolverá una redi de salú rejional en cooperación con otros providoris de servícius.

Amás, la facultá está runchandu ativamenti por más caliá ena hormación d'estuyantis al establecel programas de Máster i graduau nacionales i enternacionales i desenvolver un sistema de seguridá de caliá ena docéncia.

Facultá d'Economía i Ciéncias Socialis

Con alministración de negócius i economía, ciéncias pulíticas i alministrativas, i sociulogia cumu campus d'estuyu, la Facultá d'Economía i Ciéncias Socialis s'á renovau d’una manera que no para i á creau la su propia marca única i endependienti.