Pairi Anhi

Dendi Güiquipeya
Sartal a: Güiquipeandu, landeal

El Pairi Anhi o Pateraggelos, tamién conociu comu The Father, es un filólogu dombenitensi. Se trata del primel çahoril la Güiquipeya,[1] amás de sel el hundaol de la mesma[2] i, pol tantu, unu los usuárius mas emportantis de la muestra wiki. Los sus endilguis se centrarun ena primel etapa (ena Encubaora), editandu 676 vezis nel domiñu definitivu (ext.wikipedia.org).[3] Ogañu está inativu.[4]

Via[eital | eital coigu]

Ángel Roncero, qu'assina se llama ena via real, s'enteressó pola muestra palra cuantis que leyó la tradución al estremeñu d'El Prencipinu de Antòniu Garríu Correas.[5] Alogu, comprebó que la su afición era compartia con mas genti cuandu descubrió la bitácora Cúyu pan eharras? de Ismael Carmona. Hue altonci cuando deciyó crial una velsión n'estremeñu la Wikipedia, encetandu la Güiquipeya ena Encubaora la Hundación Wikimedia. Finalmenti la Wikipedia estremeña hue aprebá el 6 de Marçu de 2008,[6] hechu polémicu albondu (el filólogu José Antonio González Salgado llamó a tolos promotoris "terroristas de la lengua").[7]

Bitácora[eital | eital coigu]

Amás de la atividá comu güiquígrafu, desempeñó las huncionis de almenistraol duna bitácora llamá "Si eris estremeñu, palra estremeñu: Enteracionis i pensaerus del puebru estremeñu", escrebia ena Ortografía del extremeño,[8] ondi endilgó angunas traducionis de testus famosus al estremeñu[9] i angunas críticas literárias.[10]

Huentis[eital | eital coigu]

Atijus[eital | eital coigu]