Güiquipedia:Ayúa general
(Rederigíu dendi Prencipial)
Esta ayua trata d'endical-te los primerus pasus pa eital ena Güiquipeya contestandu-te las custionis mas frecuentis.
Pa hazel prebas cona Güiquipeya pueis dil a la zona prebas.
Lo cúmu pueu eital una página?
[Editá'l códigu]- Ebis pursal sobri la pestaña "Eital", assitiá al esmiençu el endirgui, ena retolá pestañas ubicás sobri el entítulu, u en cualisquiel atiju d'eición [edit] que apacin enas cabeceras de las secionis, a la derecha las mesmas. Con ellus puein crial-se enlacis, gastal carateris en negrina u en cursiva, atijal angunas imagis i algotras cosas.
Lo cúmu pueu crial atijus?
[Editá'l códigu]- Un atiju es el nombri dun endilgui assitiau endrentu un dobri corcheti. Tamien se puei crial el atiju con un testu deferenti al que muestra el atiju mesmu, pol ponel un clusu:
- [[Nombri el endirgui]] -- atiju normal
- [[Nombri el endirgui]]s -- el sufiju añiiu (nesti chascu, la letra s) apaici cumu parti el atiju.
- [[Nombri el indirgui|algotru nombri]] -- açoncha el nombri el endilgui i muestra cualisquiel algotru testu ligiu nel su lugal (gástalu con mueración, i enjamás añás testu cumu "as click aquí!").
- [[Nombri el endirgui(defiu)|algotru nombri]] -- el "trucu contestual": la parti entri paréntesis nu se muestra.
- Pa tós estus atijus nu es mestel escrebil guionis bajus ("_") pa atual cumu separaoris cumu se puein vél en algunus enlacis. Los espacius tamien tienin la mesma huncion, i nu originan pobremas pa atijal.
Lo cúmu pueu renombral una páhina?
[Editá'l códigu]- Los usuárius puein tresladal páhinas. Estu muevi el caltiniu las mesmas i el su estorial d'eicionis a un nuevu entítulu, criandu al mesmu tiempu una redireción nel antigu entítulu que lleva al nuevu. Esti métodu es mas efetivu que copial i pegal el caltiníu a manu, preservandu assina el estorial d'eicionis el artículu. Pa tresladal un artículu tienis que pursal la pestaña "Movel". Una vezi qu'aigas moviu el artículu, pol favol, pursa sobri el atiju Lo qu'atija aquina que apaci a la gocha, i corriji los enlacis que llevin pal entítulu antiguu (que apaicirá aseñalau cumu una redireción), que apacin ena lista proporcioná.
- Las imagis i otrus archivus murtimeya nu puein cámbeal el su nombri. Pueis hazel una copia el archivu al tu propiu sistema, rellamalu allí, i altonci, empuntalu con el nuevu nombri. Corriji tolos atijus que llevin al nombri antiguu, hiziendu que conduzan al nuevu nombri, i aluspués, aseñala el archivu antiguu cumu archivu pa esborrau ligeru, pa que assina un almenistraol puea esborralu por tí.
Lo cúmu pueu esborral una página?
[Editá'l códigu]- Anti tó, nu branqueis la página. Los branqueus de páginas suelin sel revertius en seguia. El procedimientu pal esborrau páginas ebi siguil-se cumu el de los archivus multimeyas, llevau a cabu por almenistraoris; los usuárius puein recomendal la su eliminación.
Lo cúmu pueu eital una página redireción?
[Editá'l códigu]- La horma mas sencilla es pursandu el atiju qu'apaci embaju el entítulu el artículu quandu llegas por meyu duna redireción "(Redirijiu endi...)". Pol sabulugal, si ententas llegal a Ehtremaura, sedrás rederijiu al artículu Estremaúra, ondi justu embaju el entítulu vedrás el testu "(Rederijiu endi Ehtremaura)". Al pursal nesi momentu sobri el atiju Estremaura llegarás a la redireción, ondi pudrás eitala.
Lo cúmu pueu comprebal los cámbeus d'otrus usuárius nun artículu?
[Editá'l códigu]- El software MediaWiki puei creal una lista que muestra los cámbeus entri dos velsionis dun artículu (tantu entri dos velsionis cunsecutivas, cumu entri la velsión atual i una anteriol). Estu apaci refrehjau ena páhina "Estorial" de c'artículu, ena que pueis entral a través duna las pestañas superioris. Pa comprebal los cámbeus entri dos velsionis, solu ebis aseñalal las eicionis que quieas comparal, i hazel click en Comparal velsionis aseñalás. Nesta comparáncia, anombrá def, se muestran en ruyu los chambus que s'aprecian entri dos eicionis aseñalás.
Lo cúmu pueu añiil angunas imagis nun artículu?
[Editá'l códigu]- Anti tó, as de tenel el premisu pala pubricación de la imagin, lu cual senifica que, u bien eris el autol de la imagin, i pol tantu tienis el su copyright, u bien, la imagin es de domeñu púbricu u está liberá con una licencia cóigu abiertu. Si la imagin s'alcuentra nun sirviol de la tu propieá, pueis referencial la imagin endi el artículu con solu añiil el atiju URL, cumu endica esti sabulugal:
- http://mi.sirvior.com/imagin.png
- D'esta horma, el atiju sedrá encluiu nel artículu, si bien nu apaicirá cumu una imagin, solu cumu un enlaci. Si en lugal d'esu, te petaria empuntal una imagin, pueis gastal la oción "Empuntal archivu" (upload file) que apaici nel menú assitiau ena gocha, sempri cumu usuáriu rugistrau. Una vezi que la imagin seya empuntá, pueis referila al tu artículu cumu se muestra embaju.
- [[Image:Nombri la tu imahin.jpg|Testu descritivu la imahin]]