Ir al contenido

Provincia d'Estremaura

Dendi Güiquipeya
Extremadura
Estremadura
país España
entidá Provincia desaparecida
idioma Castellanu
otus idiomas Estremeñu, portugués i fala de Xálima
capital Badajoz[1][2][3][4][5][6][7]
era Edá Meia / Edad Moderna
eventu d'aniciu Surgi cumu provincia en 1390, a parti de las Cortis de Toro de 1371. Compra del votu en Cortis en 1653
(dependía de Salamanca dendi 1591). Con oríginis cumu entidá territorial en los siglus Prantilla:Siglo y Prantilla:Siglo (Las Extremaduras).
añu d'aniciu 1653
eventu de final División d'Estremadura enas provincias de Caçris i Badajós
añu de final 1833
p1 Las Extremaduras
bandera_p1
s1 Provincia de Cáceres
bandera_s1
s2 Provincia de Badajoz
bandera_s2
miembru de Corona de Castilla i Lión, i endispués d'España.

Estremaúra (Estremadura nel castellanu antañu, tal i cumu s'amuestra enas huntis) fue una entiá dela corona castellanu-llionesa, correspondienti al territóriu dela mentá Estremaúra llionesa i fueraparti dela Estremaúra castellana. Fue una província dela Corona de Castilla i más tardi d'España, qu’arrepresentaríe el topónimu i la memória de Las Estremaúras (castellana i llionesa).

El su territóriu se correspondía de rumbón cola comuniá autónoma d’ogañu d’Estremaúra, dela que constituyi el su precedentin estitucional. Endispués dela devisión territorial d'España en 1833 (al atrás del praniu de 1822), la rehión estremeña devidió-se en dos nuevas províncias: la província de Caçris i la província de Badajós, que la entegrun.

Con oríginis cumu entiá territorial enos sigrus XI-XII. Surhi cumu província almenistrativa dela Corona castellanu-llionesa nel 1390 (sigún las Cortis de Toru de 1371), recupirandu hurídicamenti la su endependencia enti 1651 i 1653 cola compra del votu dela ciá de Praséncia en Cortis, a partil de deferentis partíus i territórius que la conformun (la província de Llion dela Ordin de Santiagu o la província de Truhillu, enti otras), ya que dependía hurídicamenti de Salamanca dendi 1591 (inque ya dessestía dantis una concepción heugráfica i territorial dela mesma). Con dantis, toparamus estitucionis estremeñas cumu la Capitanía Heneral d'Estremaúra (1641), dela que la su gobernación tenía competéncias pulíticas i melitaris, al frenti del Real Ehércitu d'Estremaúra. I conformándu-si formalmenti nel 1785, col su reconocimientu de hechu cola criación dela Real Audiéncia d'Estremaúra (1790), dela que la su dessestencia real i unitária proyeuta una particulal estoria i coltura compartías.[8]

Estoria

[adital | adital cóigu]

Antecedentis

[adital | adital cóigu]
Escú del Prioratu nel Conventu de San Marcus de Llion, que perteneció ala província de Llion dela Ordin de Santiagu.
Comuniáis de Villa i Tierra dela Estremaúra castellana (dendi el sigru XI).
L’antigua província de Salamanca nel 1591, sigún los votus enas Cortis de Castilla. Estendiéndu-si pola Estremaúra llionesa.[9]

Estremaúra, se constituyi cumu territóriu al sul del Dueru, hiziendu alusión a aquellas tierras assitiás enos estremos (ena raya) dendi los sigrus X i XI (ena Corona de Llion apaici referenciá cumu entiá territorial enas Cortis de Benaventi de 1202 huntu a Llion, Galícia i Astúrias), inque ai que tenel presenti la evolución etimolóhica i territorial del mesmu en otras rehionis, hiziéndu-si estensibri el términu, assina cumu la su apaición enas entitulacións reyalis (sigru XII). Cola mentá Reconquista la Estremaúra llionesa s'estenderíe de cara a Badajó (sigru XIII), conhormándu-si assina el su precedentin estitucional.

Nel tránsitu del sigru XV al sigru XVI se fue asolviendu el concetu unitáriu de Las Estremaúras (castellana i llionesa) a miia que se fue adoptandu el nomi namás pola Estremaúra d’ogañu. Recordemus la conhormación, cumu entiá almenistrativa, de la mentá "Província d'Estremadura" enas Cortis de Segovia de 1390 (sigún las Cortis de Toru de 1371), enas que s'encluyía o se hazía mención ala mentá Estremaúra castellana (dela que la su zona contaba cun reconocimientu hurídicu enas mentás Comuniáis de Villa i Tierra).

La província d’Estremaúra (Provincia de Estremadura nel castellanu antañu, tal i cumu apaici enas huentis), apaici con essa denominación nel 1548, nel Libru delas grandezas i cosas memorablis d’España de Pedro de Medina, (nomándula Provincia de Estremadura ala rehión estremeña),[10] repartíu sigún un critériu rehional, nel qu'el estoriaol Miguel Ángel Ladero Quesada (biembru dela Real Académia dela Estoria) destaca: «el prenu reconocimientu dela Estremaúra d'ogañu cumu realiá bien definía"» dendi altoncis, denominación que conservaríun otros autoris del Antigu Réhimin pola rehión,[11] cona concéncia clara delo qu’es heugráficamenti Estremaúra, cumu Diego Pérez de Mesa ena su obra las Adicionis (1595), que deferencia con percisus carateris colturalis alos estremeñus,[12] i nel 1616 el dotol Juan Soropán de Rieros, ena su Melecina española contenía en proverbius vulgarìs presenta una particulal definición fisiohráfica d’Estremaúra,[13] assina cumu en mapas de meiáus i acabacionis del sigru XVI (ena Description D′Estremadure en Espagne).[14] Nel 1606, el pai Francisco de Coria redata el testu dela obra Descripción i estoria heneral dela província d'Estremaúra baxu una visión conhunta i una concepción unitária dela rehión.[15]

Ena Baxa Edá Meia, Estremaúra se componía delos partíus-obispáus de Praséncia, Badajó i las "sacás" de Cóia-Caçris (cun enclini al sel de Guadalupi —que correspondía ala sei toledana—, dau el su carátel de centru devocional). Dendi 1480 se desgahan los "partíus" de Truhillu, Casal de Palomeru-Herguihuela i Medellín, endividualizándu-si los "partíus" delos maestrazgus d'Alcántara i la Província de Llion dela Ordin de Santiagu.

Drentu dela distribución delas províncias ecresiásticas, la criación delas províncias de Hermandá, constituyíás a partil de 1282, cun huerti componenti estóricu-rehional, toparamus la província de Llion de Santiagu (la capital era Segura de Llion —província d’ogañu de Badajó—, sudevidía enos partíus de Mérida i Llerena), vinculás al Prioratu de San Marcus de Llion,[16] que comprendía tollo que era el Reinu de Llion, encluyendu la Estremaúra llionesa.

L'espáciu rehional estremeñu estaba mu señorializau, la mitá pertenecía ala hurisdición delas ordinis melitaris de Santiagu i Alcántara, una quarta parti a deferentis linahis nobiliárius i otra a tierras de concillus reyalengus (Praséncia, Truhillu, Caçris, Badajó, etc.), dela que la su arrepresentación en Cortis s'estigui a prencepius del sigru XV.

Sigún el repartu de contribución correspondienti al 1491 apaicin dos províncias de Hermandá nel espáciu estremeñu: la Província de Truhillu i la província de Llion dela Ordin de Santiagu, al assitial las sus cabeceras en Truhillu i nel señoríu dela Ordin de Santiagu, cada una colos sus deferentis "partíus". Dendi 1528, Truhillu fue la única capital del territóriu, contandu sigún el Censu de Pecherus de Carlos I, con 48.789 vecinus pecherus (el 6,75 % dela puebración dela Corona de Castilla).[17] Nel 1591, el Censu delos Millonis, reconoce la província de Truhillu cumu una delas províncias d'España, ala que pertenecíun la mayoría de localidáis dela Estremaúra d’ogañu.[18] Duranti la incorporación dela Estremaúra llionesa ena Corona de Castilla, este territóriu no tenía consolidau estitucionis propias, i dependía pa votal a Corti de Salamanca, (la província de Salamanca criá nel repartu provincial de 1591, nel que quedarun entegraus los partíus estremeñus nel que toca ala arrepresentación en Cortis), ya qu'el derechu a votal a Cortis s'estigui enas sus prencipalis ciais dendi el sigru XV.[19][20][21] Recordemus que Galícia tampoco tenía votu en Cortis i dependía de Çamora.

Badajó, sei dela capital dela província d'Estremaúra.
Estremaúra nel conhuntu dela Monarquía Hispánica (1734).[22]
Estremaúra ena España devidía por províncias, pun Thomas López (1757). Bivlioteca Nacional d'España.

Autonomía hurídica (1653)

[adital | adital cóigu]
Sei dela Real Audiéncia d'Estremaúra (Caçris).

La província d'Estremaúra conssigui juridicamenti la su endependéncia rentu dela Monarquía Ispánica nel 1653 al compral Praséncia ala Corona un votu conlluntu enas Cortis de Castilla (qu'abía goçau de votu en Cortis ata meyaus del sigru XV), juntu colas villas i ciais de Baajós, Méria, Trujillu, Caçris i Alcántara, al que no s'adhierun ni Llerena ni Jeré delos Caballerus, pol valol de 80.000 ducáus.[23] Se compusu nel su prencepiu polos antiguus partius o províncias de hermandá de Trujillu i León dela Ordin de Santiagu, juntu colos alfocis de Cória i Tierras de Granadilla.[24] Esti alcuerdu fue confirmau enas Cortis de Madrí el 18 de juñu de 1655.[25] Assina, las localidais dela província de Trujillu, alas qu'endispués s'uñirían otras, i algunas dela Província de León dela Ordin de Santiagu, tuvierun representación enas Cortis, atunándu-si pressonas delas distintas ciais nel cargu.[26][27] La criación dela Província d'Estremaúra servirá de basi territorial polas intendéncias o circunscricionis provincialis dela almenistración borbónica. Ata esi momentu dependía solu a nivel almenistrativu, en quantu a votu en Cortis, de Salamanca.

Dendi los sus encetus la capital d'Estremaúra se fue asentandu ena ciá de Baajós, tradicional praça hueroti, la su gobernaura estaba baju la jurisdición dela Capitanía General d'Estremaúra (o Gobiernu Militari d'Estremaúra), i un Gobernaol con funciunis de Capitán general,[28][29] al frenti del Real Ejércitu d'Estremaúra (formau alreol de 1640, dantis la guerra con Portugal, considerá la primera estitución unitária de toa la reñón, delas que se tenga constáncia).[30][31] Ya nel 1580, Felipe II treslau la Corti a Baajós, de horma provisional (duranti onci mesis), pal anessonal Portugal al conlluntu dela Monarquía Ispánica, amás de sel el tradicional eji delas relacionis entri dambas dos Coronas.

Nel 1766 apaici nel "Mapa dela Província d'Estremaúra", pol Thomas López, dedicau a Pedro de Alcántara Pimentel (dibujau col uesti arriba -norti ala derecha-), unus lindis mayoris ala su anteriol demarcación reflejá dendi el sigru XVI, i muchu más próssimas ala actual Estremaúra. Nestu mapa se refleja tantu los obispaus (Praséncia, Baajós i Cória-Caçris), como los diferentis partius (Baajós, Alcántara, Caçris, Llerena, Méria, Praséncia, Trujillu i Villanueva dela Serena), haciendu otru mapa pareciu nel 1798.[32]

Nel 1775 las ciais de Baajós, Méria i Praséncia, juntu cola villa d'Alcántara, únicus municipius d'Estremaúra que tenían votu enas Cortis, acudierun al Conseju de Castilla solicitandu una Real Audiéncia ena província, pal no tenel que acudil a resolvel los sus pleitus ala Real Audiéncia i Chancillería de Valladolís o ena Real Chancillería de Graná. Fue enagurá el 27 d'abril de 1791, asentandu la su sei en Caçris (inque treslaá pol motivus bélicus i políticus a Baajós, Garrovillas, Valéncia d'Alcántara i Trujillu), ata que fuerun suprimías pol decretu el 26 de eneru de 1834 (passandu las sus competéncias ala Audiéncia Territorial).

Baju el reinau de Carlos III, el 22 de marçu de 1785, el condi de Floridablanca promovió la hechura dun Prontuáriu o nomenclatol delos puebrus d'España i s'aviarun mapas pal aliviinal el control del reinu.

Mapa dela província d'Estremaúra, pol Thomas López (1756), nel que s'especifica la su capital: Baajós.
Mapa dela província d'Estremaúra (1766), colos lindis ya muy parecius alos dela actual Estremaúra. Dibujau col uesti arriba i el norti ala derecha.
Mapa de 1841, realizau pol J. Archer, que muestra pal España la división territorial de Floridablanca de 1785.

Ena publicación de 1789 de «España dividía en províncias e intendéncias i subdividía en partius, corregimientus, alcaldías, mayoris, gobiernus políticus i militaris... », Estremaúra era una delas 38 províncias d'España, i se dividía en ochu partius: Alcántara, Baajós, Caçris, Llerena, Méria, Praséncia, Trujillu i Villanueva dela Serena.,[33] i nel censu de 1799 se describi que tenía una estensión de 40.357 km²[34] Nel 1810, el menistru d'Estau de José I Bonaparte, Mariano Luis de Urquijo, firmó el Decretu de 17 d'abril de 1810 qu'establecía la división territorial en prefeturas sigún el prán de José María de Lanz y de Zaldívar, inque no tuvu nengún tipu d'emplantación, inque la división d'Estremaúra en dos prefeturas: Taju i Alagón, Guadiana i Guadajira, sí tuvu repercusión enas divisionis posterioris, como antecedentis delas atualis províncias de Caçris i Baajós.[35]

Nel Itineráriu descriptivu delas províncias d'España (escritu pol Alexandre Louis Joseph Laborde nel 1826) dici qu'ena província encierra 3 obispaus que son: Baajós, Praséncia i Cória (Cória-Caçris), 3 cabildus catedralis, 30 encomiendas delas órdinis militaris, 415 parrócuias, 172 casas religiosas, 31 hospitalis, 2 hospicius, 2 colegius pala estrucción dela juventú, 7 ciais, 322 villas i lugaris, capitanía general 11 gobiernus militaris subalternus, intendéncia i real audiéncia. Las prencipalis ciais son Baajós (la capital dela província), Praséncia, Cória, Méria, Medellín, Trujillu, Jeré delos Caballerus, Llerena, Alburquerque, Alcántara, Zafra, Caçris, Olivença i otras.[36]

Nel 1810 el gobiernu afrancesau estableci las prefeturas de Caçris i Méria. A meyaus de 1813, la Regéncia encargó a Felipe Bauzá una nueva división provincial en aplicación dela Constitución de Cadis de 1812. Nestu proyetu la província d'Estremaúra fue dividía enas províncias de Caçris i Baajós, peru no entró en vigol pol regresu de Fernando VII d'España i la anulación dela legislación delas Cortis. Esti proyetu fue recuperau duranti el Triéniu Liberal i reformau pol Felipe Bauzá i José Agustín de Larramendi i endispués del trámiti parlamentáriu fue aprebau nel 14 de eneru de 1822,[37] i promulgau pol Real Decretu de 27 de eneru de 1822. Peru el prán de 1822 nunca entró en vigol cola restauración del assolutismu. I una ves muertu Fernando VII, Javier de Burgos, secretáriu d'Estau del Despachu del Fomentu General del Reinu, tomó como antecedentis los proyetus anterioris,[38] i estableció pol Real Decretu de 30 de noviembri de 1833 la definitiva división provincial:[39] «Estremaúra se dividi enas de Baajós i Caçris». Nel 1837 apaici mentau qu'esta reñón d'Estremaúra se subdividí en alta i baja, compuestá, ala su ves, de diferentis partius.

Nel 1983 se constitúi la región d'Estremaúra en comunidá autónoma rentu del nuevu marcu autonómicu español (manteniedu las sus dos províncias) i constituyendu-si una nueva capital con sei en Méria.

Referencias

[adital | adital cóigu]
  1. ↑ Aparato bibliografico para la historia de Extremadura, Volumen 1, pág. 183. https://books.google.es/books?id=HFJmAAAAcAAJ&pg=PA183&dq=badajoz+capital+de+extremadura&hl=es&sa=X&redir_esc=y#v=onepage&q=badajoz%20capital%20de%20extremadura&f=false
  2. ↑ Cuenta dada de su vida politica, Volumen 1, pág. 23. Escrito por Manuel de Godoy Alvarez de Faría Ríos Sánchez y Zarzosa (príncipe de la Paz) https://books.google.es/books?id=1YYHAQAAIAAJ&pg=PA23&dq=badajoz+capital+de+extremadura&hl=es&sa=X&redir_esc=y#v=onepage&q=badajoz%20capital%20de%20extremadura&f=false
  3. ↑ Boletin de la Real Academia de la Historia. TOMO CLXXIV. NUMERO II. AÑO 1977, pág. 239. https://books.google.es/books?id=KyH18j3hvFgC&pg=PA239&dq=badajoz+capital+de+extremadura&hl=es&sa=X&redir_esc=y#v=onepage&q=badajoz%20capital%20de%20extremadura&f=false
  4. ↑ Memorial ajustado del expediente de concordia que trata el honrado Concejo ..., 1783, pág. 107. https://books.google.es/books?id=__2GvGdFOEQC&pg=PA204&dq=badajoz+capital+de+extremadura&hl=es&sa=X&redir_esc=y#v=onepage&q=badajoz%20capital%20de%20extremadura&f=false
  5. ↑ Diccionario geográfico universal, que comprehende la descripción ..., Volumen 2, 1814, pág. 364-365. https://books.google.es/books?id=_qxAAQAAMAAJ&pg=PA364&dq=badajoz+capital+de+extremadura&hl=es&sa=X&redir_esc=y#v=onepage&q=badajoz%20capital%20de%20extremadura&f=false
  6. ↑ Itinerario descriptivo de las provincias de España: su situación geográfica ..., Escrito por Alexandre Louis Joseph Laborde, 1826, https://books.google.es/books?id=xB6PBn7LaBwC&pg=PA422&dq=badajoz+capital+de+extremadura&hl=es&sa=X&redir_esc=y#v=onepage&q=badajoz%20capital%20de%20extremadura&f=false
  7. ↑ Geografía astronómica, natural y política de España y Portugal, Escrito por Isidoro de Antillón, pág. 17. https://books.google.es/books?id=GYAAmHzc_GwC&pg=PA17&dq=badajoz+capital+de+extremadura&hl=es&sa=X&redir_esc=y#v=onepage&q=badajoz%20capital%20de%20extremadura&f=false
  8. ↑ MARCOS ARÉVALO, Javier: "La identiá estremeña. Reflexionis dendi l’antropología social", Gaceta d'Antropología, Nº 14, 1998, Artículu 04.
  9. ↑ Ladero Quesada, Miguel Angel: Las rehionis estóricas i la su articulación política ena Corona de Castilla duranti la Baxa Edá Meia, Nº 15, 1992, páhs. 213-248.
  10. ↑ Libru de grandezas i cosas memorablis d'España Pedro de Medina https://books.google.es/books?id=9Mya3K4OKyUC&pg=PP15&hl=es&source=gbs_selected_pages&cad=2#v=onepage&q=estremadura&f=false
  11. ↑ LADERO QUESADA, Miguel Ángel: Las rehionis estóricas i la su articulación política ena Corona de Castilla duranti la Baxa Edá Meia, Nº 15, 1992, páhs. 228-229.
  12. ↑ D. Pérez de Mesa: Primera i segunda parti delas grandezas i cosas notablis d'España. Juan Gracián. Alcalá de Henares, 1595
  13. ↑ J. Soropán de Rieros: Melecina española contenía en proverbius de nuestra luenga. Mui provechosa pa toa crassi d'estaus, pa filólofus i méicus, pa teólogus i huristas, pal güenu réhimin dela salú i más larga vía. Madril, Impr. Cosano. Real Académia Nacional de Melecina, 1975 (1616)
  14. ↑ http://sanvicentedealcantaraenlamaleta.blogspot.com.es/2009/11/mapa-de-extremadura-de-1570.html
  15. ↑ F. de Coria: Descripción i estoria dela província d'Estremadura, que contieni lo más memoriabri dendi el prencepiu dela fe, fundación delas sus ilésias i obispáus, con otras cosas de notal. Sevilla, 1608.
  16. ↑ En lo relihiosu dependía del Prioratu de San Marcus de Llion
  17. ↑ Censu de Pecherus de Carlos I, Tomu II (1528) Disponibri en PDF INE
  18. ↑ SÁNCHEZ MARROYO, Fernando: Estrucutura político-estitucional d'Estremaúra (1808-1874). Revista d'Estudius Estremeñus, 2013, Tomu LXIX, Númeru I, pp. 141-206
  19. ↑ Error en la cita: Etiqueta <ref> no válida; no se ha definido el contenido de las referencias llamadas sanchezarroyo
  20. ↑ Salgado Fuentes, Carlos Javier: L'evolución dela identiá rehional enos territórius del antigu Reinu de Llion, 2016, Edicionis Nuversidá de Salamanca, páhina 128
  21. ↑ Ladero Quesada, Miguel Angel: Las rehionis estóricas i la su articulación política ena Corona de Castilla duranti la Baxa Edá Meia, Nº 15, 1992, páh. 13. https://dialnet.unirioja.es/servlet/articulo?codigo=122273
  22. ↑ Matthaeus Seutter, Novissima et Accuratissima Regnorum Hispaniae et Portugalliae Mappa Geographica..., Augsburg, 1734
  23. ↑ CLEMENTE CAMPOS, María Belén: La adquisición del privilegio de voto por la "provincia" de Extremadura. Notas para el estudio de las Cortes de Castilla en la Edad Moderna. (1993)
  24. ↑ Cita libro|apellidos=Sánchez Badiola|nombre=Juan José|enlaceautor=|título=Símbolos de España y de sus Regiones y Autonomías|url=https://books.google.es/books?id=6hMSB-2MiSUC&lpg=PA290&dq=&hl=es&pg=PA290#v=onepage&q=&f=false%7Cfechaacceso=%7Caño=2010%7Ceditorial=Editorial Visión Libros|isbn=9788499836768|editor=|ubicación=|página=290|idioma=es|capítulo=
  25. ↑ Salgado128
  26. ↑ sanchezarroyo
  27. ↑ clementecampos
  28. ↑ https://www.regiondigital.com/blogs/50-el-blog-de-fernando-cortes-cortes/1723-capitanes-generales-de-extremadura.html
  29. ↑ https://www.elperiodicoextremadura.com/noticias/badajoz/defensa-realiza-obras-recuperar-palacio-antigua-capitania-general_444191.html
  30. ↑ CORTÉS, CORTÉS, Fernando: Studia historica: Historia moderna, Volumen 12, 1983, pág. 137. https://books.google.es/books?id=4xEqAQAAMAAJ&q=real+ejercito+extremadura&dq=real+ejercito+extremadura&hl=es&sa=X&redir_esc=y
  31. ↑ Diccionario geográfico universal, que comprehende la descripción ..., Volumen 2, pág. 364-365. https://books.google.es/books?id=_qxAAQAAMAAJ&pg=PA364&dq=badajoz+capital+de+extremadura&hl=es&sa=X&redir_esc=y#v=onepage&q=badajoz%20capital%20de%20extremadura&f=false
  32. ↑ Cartografía del siglo XVIII: Tomás López en la Real Academia de la Historia, Escrito por Antonio López Gómez,Carmen Manso Porto, pág. 531. https://books.google.es/books?id=eiULCzhVNfUC&pg=PA123&dq=provincia+de+extremadura&hl=es&sa=X&redir_esc=y#v=onepage&q=extremadura&f=false
  33. ↑ España dividida en provincias e intendencias y subdividida en partidos, corregimientos, alcaldías, mayores, gobiernos políticos y militares...|apellidos=|nombre=|fecha=1789|publicación=Biblioteca Virtual Miguel de Cervantes|volumen=I|fechaacceso=|página=31|idioma=es|doi=|pmid=
  34. ↑ Las prefecturas de 1810|apellidos=Burgueño Rivero|nombre=Jesús|fecha=2012|publicación=Argutorio|volumen=29|páginas=23|fechaacceso=|página=|issn=1575-801X|doi=|pmid=
  35. ↑ Las prefecturas de 1810|apellidos=Burgueño Rivero|nombre=Jesús|fecha=2012|publicación=Argutorio|volumen=29|páginas=24-25|fechaacceso=|página=|issn=1575-801X|doi=|pmid=
  36. ↑ Itinerario descriptivo de las provincias de España: su situacion geográfica..., 1816, pág. 422. https://books.google.es/books?id=xB6PBn7LaBwC&pg=PA422&dq=badajoz+capital+de+extremadura&hl=es&sa=X&redir_esc=y#v=onepage&q=badajoz%20capital%20de%20extremadura&f=false
  37. ↑ La provincia de Jaén y los proyectos de división territorial|apellidos=María José Ortega Chinchilla|nombre=María José|apellidos2=Jesús A. Marina Barba|nombre2=Jesús A.|fecha=2004|publicación=Chronica nova|volumen=30|páginas=349-351|fechaacceso=|issn=0210-9611|doi=|pmid=
  38. ↑ La provincia de Jaén y los proyectos de división territorial|apellidos=María José Ortega Chinchilla|nombre=María José|apellidos2=Jesús A. Marina Barba|nombre2=Jesús A.|fecha=2004|publicación=Chronica nova|volumen=30|páginas=322 y 326|fechaacceso=|issn=0210-9611|doi=|pmid=
  39. ↑ López-Davadillo Larrea|nombre=Julio|enlaceautor=|título=Geografía Regional de España|url=https://books.google.es/books?id=eRO7AwAAQBAJ&lpg=PT49&dq=&hl=es&pg=PT50#v=onepage&q=&f=false%7Cfechaacceso=%7Caño=2014%7Cfecha=%7Ceditorial=Editorial UNED|isbn=9788436268980|editor=|ubicación=|página=50|idioma=es|capítulo=

Bibliografía

[adital | adital cóigu]

Véa-se tamién

[adital | adital cóigu]
Dibujo de la ciudad fortificada y fronteriza de Badajoz, capital de la provincia de Estremadura (mediados del siglo Prantilla:Siglo). Murallas de la Alcazaba en el margen izquierdo. Hornabeque de la Cabeza del puente de Palmas en primer plano. Muralla medieval, catedral y Puerta de Palmas al fondo.

Enlacis

[adital | adital cóigu]


Estoria d'Estremaúra
Preestória: Canchu Roanu | Cueva de Maltraviessu | Cueva de Santa Ana | Dolmen de Magacela | Dolmen de Toriñuelu | Dolmen del prau de Lácara | El Turuñuelu | Ídolu de Garrovillas | Ídolu d'Estremaúra
Eá Antígua: Bronzi d'Alcántara | Lusitania | Augusta Emerita
Edá Meia: Alcaçaba de Méria | Alcaçaba de Badajós | Batalla de Sagrajas | Cora de al-Belat | Taifa de Badajós | Dinastía aftasí
Eá Moelna‎: Provincia de Trugillu | Provincia d'Estremaura | Sitiu de Badajós | Real Audiencia de Extremadura
Eá Contemporana‎: Siegru XIX: Provincia d'Estremaura | Guerra dela Endependencia Española n'Estremaúra (Prefetura de Taju i Alagón) | Prefectura de Guadiana y Guadajira) | Provincia de Caçris | Provincia de Badajós
Siegru XX: Rebelión campuza estremeña | Guerra Cevil Española n'Estremaúra
Cronolohia dela Estoria d'Estremaúra · Presidentis la Junta d'Estremaúra
Arrecuperau dendi "https://ext.wikipedia.org/w/index.php?title=Provincia_d%27Estremaura&oldid=142230"