Reinu d'Iberia
| Reinu d'Iberia | |||
|---|---|---|---|
|
ქართლის სამეფო | |||
| Reinu desapaecíu | |||
| 302 a. C.-537 d. C. | |||
|
| |||
| Bandera | |||
|
| |||
| Escudu | Símbolu iberianu (Borjgali) | ||
|
| |||
| Antigus Estaus georgianus (600-150 a. C.) | |||
| Capital | Armazi Mtsjeta Tiflis | ||
| Entidá | Reinu desapaecíu | ||
| Idioma oficial | georgiano antiguo | ||
| Períodu estóricu | Antigüedá | ||
| Estoria | |||
|
• 302 a. C. Establecíu | |||
| Forma de gobiernu | Monarquía | ||
| Correspondencia atual | |||
| Precedíu por • Sucedíu por | |||
|
| |||
-es.svg)
Iberia (Ἰβηρίαgriegu antíguu {{{3}}}, en latín: Hiberia) era el exónimu gastau polos antiguos griegus i romanus pa desinal al antiguu reinu georgianu de Kartli (Prantilla:Lang-ka) (sigru IV a. C. a sigru V d. C.), qu'ocupava el oesti i el sudesti dela atual Georgia.[1]
Kartli duranti la Antigüedá Clásica i la Alta Edá Meya fue una emportanti monarquía nel Cáucasu, ya fuera comu estau endependienti o comu dependienti d'imperius mayoris, en particulal el Sasánida i el Imperio Romanu. [2] Iberia, centrá ena atual Georgia oriental, limitava al oesti con Cólquida, al esti con Albania caucásica i al sul col reinu d'Armenia.
Se gastan los términus Iberia caucásica, Iberia del Esti o Iberia asiática pa deferencial esta región caucásica dela península ibérica. Los íberus del Cáucasu formarun una basi pal huturu Estau georgianu i, al mesmu tiempu que los colchis de Cólquida (otru antiguu reinu situau ena costa oriental del mari Negru), el núcleu dela puebración georgiana atual.
Estoria
[adital | adital cóigu]Primerus tiempus
[adital | adital cóigu]El área estava abitá por varias tribus emparentás entri sí, quelos autoris antiguos llamavan pol generall «íberus». El reinu local de Kartli recibi el su nombri dun jefi míticu, Kartlos[1].
Los moscos (Tubal i Mesec), mentaus por varios estoriaoris clásicus, i los sasper, los sus possibris descedientis nombraus por Heródoto, podrían vel teníu un papel relevanti ena consolidación delas tribus dela región. Probablementi el origen etimológicu d'Iberia derive del su nombri (Sasper >Speri >Hberi >Iberi). Moscos se habríun trasladau al noresti nuna migración. La prencipal tribu eran los mtsjeta, que daríun nombri ala capital. Los autoris meyevalis georgianus llamavan al su primel asentamiento «Arrian-Kartli», baxu el gobiernu persa dela dinastía aqueménida. Tras ellu fuerun governaus por un préncipi local conociu comu Mamasajlisi[1].
La crónica meyeval Moktsevai Kartlisai («Conversión de Kartli») palra amás de Azo i la su genti, que se asentarun ena hutura capital de Mtsjeta. Segundu otra crónica, la Estoria de Kartli (Kartlis Tsjovreba), Azo sedríe un oficial de Alejandro Magno qu'asesinó a un governanti local i conquistó el territoriu, inque luegu Parnavaz I de Iberia lo espulsaría.
Parnavaz I i los sus descedientis
[adital | adital cóigu]Parnavaz, vitoriusu nuna luchi pol polvel, se convirtió nel primel rei d'Iberia (c. 302-c. 237 a. C.). Segundu las crónicas georgianas posteriores, tras rechazal una invasión, sometió las zonas vecinas, encluyía una parti senificativa del estau georgianu ocidental de Cólquida (conociu localmenti comu Egrisi), i paeci que consiguió el reconocimientu del recién fundau estau por parti delos seléucidas de Siria. Tamién se dici que Farnavaz construyó una gran ciá-forteleza, la Armazi, i un templu al dios Armazi, i que crió un nuevu sistema d'alministración, repartiéndu el país en varios condaus llamaus saeristavos.
Los sus sucessoris controlarun los passos de montaña del Cáucasu, siendu el Daryal (tamién conociu comu las Puertas Ibéricas) el más emportanti dellus.
El periodu que siguió a esta época de prosperidá fue de incesantis guerras, ya qu'Iberia se viu obligá a defendel-si de numirosas invasionis delos sus berris. Algunas partis del sul d'Iberia, conquistás al Reinu d'Armenia, nel sigru II a. C. se unierun a Armenia i las tierras dela Cólquida se separarun pa formal prencipaus endependientis (sceptuchoi). A finalis del sigru II a. C., el rei Parnavasiu Pharnajom fue destronau polos sus propios súbditus, tras convertil-si al zoroastrismo, i la corona fue entregá al préncipi armeniu Artaxias, qu'ascendió al trono ibéricu nel añu 93 a. C., estableciendu la dinastía Artaxiad de Iberia.
Períou romanu i rivalidá romanu-parta
[adital | adital cóigu]Esta estrecha associación colos reinos d'Armenia i el Ponto truxu sobri el país la invasión (65 a. C.) del general romanu Pompeyo, qu'estava alora en guerra con Mitrídates VI del Ponto, i Armenia; peru Roma no estableció el su polvel de forma permanenti sobri Iberia. Veintinuevi añus más tardi, los romanus marchanun de nuevu (36 a. C.) sobri Iberia obligandu al rei Farnavaz II a unil-si ala su campaña contra Albania.
Mentris qu'otru reinu georgianu, el de Cólquida, era alministrau comu provincia romana, Iberia aceptó librementi la protección emperial romana. Una escrición en piedra descubierta en Mtskheta palra del governanti del sigru I Mihdrat I (58-106 d. C.) comu "el amigu delos Césaris" i el rei "delos íberus amantis de Roma". El emperador Vespasiano fortificó el antiguu emplazamientu de Mtskheta de Arzami palos reis íberus nel añu 75 d. C.
Enos dos sigrus siguientis acontinarun el enfruxu romanu sobri la zona, peru nel reinau del rei Farsmán II (116-132) Iberia abríe recuperau parti del su antiguu polvel. Las relacionis entri el emperador romano Adriano i Farsmán II eran tensas, inque se dici qu'Adriano ententó apaciguar a Farsmán. Nostanti, no fue ata el reinau de Antonino Pío, sucessor d'Adriano, quandu las relacionis mejoranun ata el puntu de que se dici que Farsmán inclusu visitó Roma, dondi Dión Casio informa de que se levantó una estatua nel su honol i se le concedierun derechos de sacrificio. Esi periodu supuso un emportanti chambu nel estatus políticu d'Iberia, ya que Roma los reconoció comu aliaus, en lugal del su anteriol estatus d'estau súbditu, situación política que se mantuvo inclusu duranti las ostilidais del Imperio colos Partos.
Dendi los primeros sigrus dela era cristiana, el cultu de Mitras i el Zoroastrismo se praticavan comunmenti en Iberia. Las escavacionis de ricos entierramientos en Bori, Armazi i Zguderi an dau copas de prata cola impresión dun cavallu de pie juntu a un altal de huegu. El cultu a Mitra, que se deferenciava pol su carácter sincréticu i, por tantu, complementariu alos cultos localis drentu dela mitología georgiana, especialmenti el cultu al Sol, llegó pocu a pocu a fusional-si colas antiguas creencias georgianas. Inclusu se cree que Mitra devió de sel el precursor de San Jorge ena Georgia pagana. Passu a passu, las creencias i formas de vida delos iranius penetrarun prefondamenti enas práticas dela corti i la éliti ibéricas: la escritura i la "lengua" arameas fuerun adoptás oficialmenti; la corti se organizó siguiendu modelos iranius, el vistíu dela éliti estava enfruíu pol traji iraniu, la éliti ibérica adoptó nombris personalis iranius, i el cultu oficial a Armazi fue introducíu pol rei Parnavaz nel sigru III a. C.
Entri Roma/Bizancio i Persia
[adital | adital cóigu]Decisiva pa la hutura estoria d'Iberia fue la fundación del Imperio sasánida en 224 por Ardashir I. Al sustituil el débil reinu partu por un estau huerci i centralizau, chambó la orientación política d'Iberia, alejándola de Roma. Iberia se convirtió en tributaria del Estau sasánida duranti el reinau de Shapur I (241-272). Las relacionis entri dambos dos países paecen vel síu amistosas al prencepiu, ya qu'Iberia cooperó enas campañas persas contra Roma, i el rei íberu Amazasp III (260-265) figurava comu un artu dinitariu del reinu sasánida, no comu un vasallo que abríe síu sometíu pola huerça delas armas. Peru las tendencias agressivas delos sasánidas quearun patentes ena su propagación del zoroastrismo, que probablementi se estableció en Iberia entri los añus 260 i 290.
Nostanti, ena Paz de Nisibis (298) mentris el imperio romanu obtenía de nuevu el control dela Iberia caucásica comu estau vasallu, reconocía a Mirian III, el primero dela dinastía cosroide, comu rei d'Iberia.
Adopción dela ortodossia i periodo persa sasánida
[adital | adital cóigu]El predominio romanu resultó crucial en materia religiosa, ya quel rei Mirian III i los prencipalis noblis se convirtierun ala ortodossia oriental hacia el añu 317 i declararun la ortodossia comu religión del estau. El acontecimientu se relaciona cola misión duna muger de Capadocia, Santa Nino, que dendi el añu 303 abríe predicau la ortodossia nel reinu georgianu d'Iberia.
La religión se convertiría nun huerci vínculu entri Georgia i Roma (más tardi Bizancio) i tendría un impactu a gran escala ena coltura i la sociidá del estau. Los elementos iranius nel arti georgianu cessarun pocu a pocu cola adopción dela ortodossia oriental nel sigru IV.
Nostanti, endispués de quel emperador Juliano el Apóstata fuera asesinau duranti la su fallía campaña en Persia en 363, Roma cedió el control d'Iberia a Persia, i el rei Varaz-Bakur I (363-365) se convirtió en vasallu persa. Nostanti, un governanti posterior de Kartli, Pharsman IV (406-409), preservó la autonomía del su país i dejó de pagar tributu a Persia. Persia prevaleció, i los reis sasánidas encetarun a nombral un virrei (pitiaxae) pa vijilal al su vasallu. Finalmenti hizun ereditariu el cargu ena casa governanti de Baja Kartli. Inque siguió hormal parti del reinu de Kartli, los sus virreis convirtierun los sus dominios nun centru d'enfruxu persa. Los governantis sasánidas pusierun a dura prueba el cristianismo delos georgianus. Promoverun las enseñanzas de Zoroastro, i a mediaus del sigru V el zoroastrismo se abríe convertíu nuna segunda religión oficial en Georgia oriental juntu ala ortodossia oriental.
El reinau tempranu del rei íberu Vakhtang I (447-502) estuvo marcau pol relativo resurgimientu del reinu. Formalmenti vasallu delos persas, aseguró las rayas d'arriba subyugandu alos montañesis del Cáucasu i puso baxu el su control las tierras georgianas vecinas del oesti i el sul. Estableció un patriarcau autocefálicu en Mtskheta, e hizo de Tiflis la su capital. En 482 dirigió un levantamiento general contra Persia e encetó una guerra desesperá pola endependencia que duró veinti añus. No pudo obtenel el apoyo bizantinu i finalmenti fue derrotau, muriendu en batalla en 502.
L'aballu del reinu
[adital | adital cóigu]La acontinnua rivalidá entri Bizancio i Persia pola supremacía nel Cáucasu, i la fallía insurrección delos georgianus nel añu 523, truxun trágicas consequéncias pal país. Dendi entoncis el Rei d'Iberia tuvu solu un polvel hormal, mentris quel país fue alministrau polos persas. En 580 Hormizd IV abolió la monarquía endispués dela muerti del rei Bakur III, e Iberia se convirtió nuna provincia persa, alministrá por un governaol. Los noblis georgianus solicitun ayua al emperaol Mauricio de Constantinopla pa hazel resurgil el reinu d'Iberia en 582; peru en 591 Bizancio i Persia acordun entri sí la división d'Iberia: Tiflis morocó en manus persas i Mtsjeta baxu control de Bizancio.
Al enceti del sigru VII, la tregua entri Bizancio i Persia llegó al su fin. El préncipi d'Iberia Stephanoz I decidió en 607 aunal las sus huerças con Persia pa reunir todos los berris d'Iberia. Nostanti, la ofensiva del emperador Heraclio en 627-628 llevó ala derrota delos georgianus i persas, i aseguró el predominio bizantinu ata la invasión del Cáucasu polos árabis.
El períou árabi
[adital | adital cóigu]Los árabis lleganun a Iberia alreol del 645 i forçun al su príncipe Stephanoz II a cessar la su lealtá hacia Bizancio i reconocel al Califato comu el su protetor. Iberia se convirtió assina nun Estau tributariu, i el emir árabe fue instalau en Tiflis hacia el añu 653. Al prencepiu del sigru IX, el préncipi Ashot I (813-830) se aprovechó del debilitamientu del dominio árabe pa erigil-si, dendi la su basi nel sudoesti de Georgia, comu préncipi erederu de Iberia. Un sucessor, Adarnase II, fue coronau «rei delos georgianus» en 888. El su descedienti Bagrat III (975-1014) reunió los diversos prencipaus i crió un reinu georgianu uníu.
Reyis d'Iberia
[adital | adital cóigu]| Dinastía | Rei | Períou | Notas |
|---|---|---|---|
| Samara de Mtsjeta | 355-322 a. C. | ||
| Azon de Mtsjeta | 322-302 a. C. | ||
| parnavaziana | Parnavaz I | 302-237 a. C. | |
| Saurmag I | 237-162 a. C. | ||
| Mirian I | 162-112 a. C. | ||
| Parnadjom | 112-93 a. C. | ||
| arsháquida | Arshak I | 93-81 a. C. | |
| Artag | 81-63 a. C. | ||
| nimródida o parnavaziana
(restauración) |
Parnavaz II | 63-32 a. C. | |
| Mirian II | 32-23 a. C. | ||
| Arshak II | 23 a. C.-2 d. C. | ||
| parnavaziana (restauración) | Parsman I | 2-58 d. C. | |
| Mitrídates I | 58-106 | ||
| Amazaspo I | 106-116 | ||
| Parsman II Kvéli, el Güenu | 116-132 | ||
| Radamisto I | 132-135 | ||
| Parsman III | 135-185 | ||
| Amazaspo II | 185-189 | ||
| arsácida | Rev I el Justu | 189-216 | |
| Vache I | 216-234 | ||
| Bakur I | 234-249 | ||
| Mitrídates II | 249-265 | ||
| Amazaspo III, antirrey | 260-265 | ||
| Aspacures I de Iberia | 265-284 | ||
| Dinastía cosroida | Mirian III | 284-361 | introduxo el cristianismo en Georgia |
| Rev II, correi | 345-361 | ||
| Sauromaces II | 361-363 | ||
| Varaz-Bakur I | 363-365 | ||
| Mitrídates III | 365-380 | ||
| Varaz-Bakur II | 380-394 | ||
| Tiridates | 394-406 | ||
| Parsman IV | 406-409 | ||
| Mitrídates IV | 409-411 | ||
| Archil | 411-435 | ||
| Mitridates V | 435-447 | ||
| Vakhtang I | 447-502 | ||
| Vache II | 502-514 | ||
| Bakur II | 514-528 | ||
| Parsman V | 528-542 | ||
| Parsman VI | 542-547 | ||
| Bakur III | 547-580 |
Íberus del esti i del oesti
[adital | adital cóigu]La semilitú del términu Iberia colos antiguos abitantis de Iberia, los íberus 'del oesti', á arrojau la idea dun parentescu étnicu i genéticu entri ellus i las puebracionis dela Iberia caucásica, los íberus del 'esti'.
Varios autoris dela Antigüedá i la Edá Meya sostribanun esta idea, con basi en falsas etimologías, inque deferierun en relación col problema del lugal del su origen. La teoría paeci que se hizo populal ena Georgia meyeval. El prominenti escritol religiosu georgianu Jorge el Hagiorita (1009-1065) escribió sobri el deseu de dalgunus noblis georgianus de viajar ala península ibérica i visitar alos «georgianus del oesti».
Relación cola península Ibérica
[adital | adital cóigu]El fechu de qu'una mesma pallabra íberus se gastara pa desinal alos primitivus abitantis dela península Ibérica i alos súbditus del Regne d'Ibèria á criau, nel primel lugal, la nessesiá pa deferencial-lus de crial las espressionis íberus ocidentalis i íberus orientalis (i tamién íberus del Cáucasu), i nel segundu lugal la d'envestigal si huvo dalgún vínculu étnicu entri dambos dos puebrus.
Dalgunus estoriaoris antiguos i meyevalis sugerirun, inque la llonjanía entri los berris abitaus por ca unu destus puebrus, que podrían vel teníu un origen común. Esta teoría tuvu defensoris sobritodo ena Edá Meya; un escritol georgianu d'aquella época, el religiosu Jordi l'Hagiorita (1009–1065) narra el deseu de dalgunus noblis georgianus de viajar hacia el oesti i conocel alos otros, qu’él llama georgianus d'ocidenti. Los estoriaoris moernus, nostanti, no an topau ninguna evidencia que demuestri un vínculu común.[3]
Referencias
[adital | adital cóigu]- ↑ 1,0 1,1 1,2 Rayfield, Donald (2012). Edge of Empires: A History of Georgia.
- ↑ Ehsan Yarshater, La estoria de Cambridge sobri Irán: Los períodos seléucida, partu i sasánida, Cambridge University Press, 1983, págs. 520–
- ↑ Alexander Mikaberidze, George Nikoladze, Kingdom of Iberia, Andreas Andersen; Center for Military and Strategic Studies, 2002
Bibliografía
[adital | adital cóigu]- Braund, David. Georgia in Antiquity: A History of Colchis and Transcaucasian Iberia, 550 BC-AD 562 (New York: Oxford University Press, 1994) Prantilla:ISBN
- Prantilla:Cite encyclopedia
- Prantilla:Cite book
- Prantilla:Cite book
- Roger Rosen, Jeffrey Jay Foxx. Georgia: A sovereign country of the Caucasus
- Thomson, Robert W. Rewriting Caucasian History (1996) Prantilla:ISBN
- Lang, David Marshall. The Georgians (London: Thames & Hudson, 1966).
- Preud'homme, Nicolas J. À la porte des mondes. Histoire de l'Ibérie du Caucase, Bordeaux, Ausonius, 2024, ISBN 978-2356136084.
- Toumanoff, Cyril. Studies in Christian Caucasian History. Washington D.C.: Georgetown University Press, 1963
- Edward Gibbon, Volume II, Chapter XLII, discusses Iberia as one of the areas in the "Barbaric world"