Ir al contenido

Repion

Dendi Güiquipedia

Repion es un bandu musical de Cantabria de rock alternativu i grunge-pop. Está hormau polas ermanas Marina Iñesta qu'es la quitarra i la vos i Teresa Iñesta qu'es la batería i los corus. La su música dessali nel parorama endependienti nacional pola su nirgía, los sus sonis apegaíçus i pola su asseñalá infrugencia del rock delos añus noventa.

Estoria

[adital | adital cóigu]
Repión pa juegal los zagalinus i zagalinas ena calli o enos passeus.

El proyeutu Repion hue esmençau polas ermanas Iñesta ena su edá volandera i el nombri del bandu musical es una adatación dela parabra repión n'estremeñu o castú, que es la luenga estremeña i senifica peonza en castillanu, haziendu referimientu alas raízis familiaris delas integrantis. Enos sus primel añus, el bandu se centró ena ecena musical de Cantabria, tocandu en festivais locais comu ena Semana Grandi de Santandel, junta angunus artistas comu Marea o Melendi.[1][2]

Nel 2018, el bandu ganó'l concussu Mad Cool Talent, lo que les premitió atual nel festival Mad Cool d'essi añu i nesti mesmu añu del 2018, hondearun l'Eli Pe Donde escapa la luz, que hue prouzíu pol considerau Paco Loco.[3][4] Enque'l que le hizu estumpil en l'andal nacional hue'l hondeu del su albu col su mesmu nombri, Repion pal 2023, dispués d'ajuntal-si col sellu discugráficu Mushroom Pillow Music i l'agencia Ártica, siendu esti trebaju considerau pola presa especializá comu'l su primel discu lanteru.[3] Nel 2024, hodearun l'Eli Pe Entre todas lo arreglamos, col mesmo sellu discugráficu i qu'es un trebaju cona calavoración de Xoel López, nel tema Elevarte Caer, que trata de l'amistá. Amás del su trebaju en Repion, Marina Iñesta á calavorau con Mikel Erentxun, mentris que Teresa Iñesta es la batería de Yawners, amás dela guitarrista i vogalista de Aiko el Grupo.[5][6][7]

N'otubri del 2025, anunció'l hondeu del su segunderu albu d'estuyu titulau 201 i pubricau el ventiunu de novembri del 2025 embaxu'l sellu Mushroom Pillow Music. El discu tieni diés cantaris originais, que sonin una volución del soníu delas ermanas, manteniendu el su estilu caraitirísticu del grunge-pop con sonis del pop i caidillas mu apegaíças. Dentri los sus cenzillus promovicionais estan El sueño dura una semana i X, pubricaus anteriolmenti comu adelantu.[8][9][10]

Estilu Musical

[adital | adital cóigu]

Las ermanas se definin endrentu del géneru grunge-pop, enque sin siguil estritamenti la estrutura pop, assina las sus melodías sonin mu del pop i las sus caidillas apegaíças.[11] El su estilu es una juntura dela nirgía del rock delos añus noventa i el grunge-pop conas letras viscerais, escrevías por Marina Iñesta, qu'án síu descrevías comu un diariu musical d'acordanças que reflexan ravia, renegación i mangría por mé d'esperencias corrientis. Dentri las infrugencias mentás polas ermanas Iñesta estan bandus comu Dover, Nirvana, Blink-182, siendu acomparás pola crítica con bandus comu Sleater-Kinney.[12][13][14]

Discugrafía

[adital | adital cóigu]
Añu Títulu Crassi Sellu
2014 La Lágrima Y La Naranja Albu/Eli Pe Autoeditado
2016 Amapola Dueles Albu/Eli Pe Autoeditado
2018 Donde escapa la luz Eli Pe Autoeditado
2023 Repion Albu Mushroom Pillow Music
2024 Entre todas lo arreglamos Eli Pe Mushroom Pillow Music
2025 201 Albu Mushroom Pillow Music

Referencias

[adital | adital cóigu]
  1. ↑ Leal, Nadia (13 de hebreru del 2023). «Repion sonin dos ermanas de cantabria que hazin grunge pop.». Neo2 Magazine. Consultado el 12 de mayu del 2026.
  2. ↑ Allende, Oscar (15 d'aneru del 2018). «Repion s'assitia ena ecena indie nacional.». El Faradio | Periodismo que cuenta. Consultado el 12 de mayu del 2026.
  3. 1 2 Cazón, Patricia (27 de marçu del 2025). «Repion, que móu de resuscital el grunge: Los sonis mos descubrin.». Diario AS. Archivado desde el original el 20 de abril de 2025. Consultado el 12 de mayu del 2026.
  4. ↑ Magazine, dod (07 d'otubri del 2018). «Repion anuncian el nuevu Eli Pe: 'Donde escapa la luz'.». dod Magazine. Consultado el 12 de mayu del 2026.
  5. ↑ Alonso, Rubén (10 de hebreru del 2023). «Teresa Iñesta de Repion: "Las letras d'ugañu tién mas reparu i musotras semus viscerais i no tenemus mieu a espressal sentiris".». elDiario.es. Consultado el 12 de mayu del 2026.
  6. ↑ Arjona, Jaime (30 de juñu del 2024). «Repion – Eli Pe "Entre todas lo arreglamos".». Science of Noise - Rock Magazine. Consultado el 12 de mayu del 2026.
  7. ↑ Vegas, Joseba (20 de mayu del 2025). «Repion: «Lo muestru: apreparación i calandariu movi atualizau».». BI FM. Consultado el 12 de mayu del 2026.
  8. ↑ Apple, Music (25 de novembri del 2025). «201 de Repion.». Consultado el 12 de mayu del 2026.
  9. ↑ González, Fran (30 d'otubri del 2025). «Repion ahilan pal su apróssimanti segunderu discu, '201'.». dod Magazine. Consultado el 12 de mayu del 2026.
  10. ↑ Eme, Efe (30 d'otubri del 2025). «“X”, segunderu alantu del nuevu discu de Repion.». Efe Eme. Consultado el 12 de mayu del 2026.
  11. ↑ «Marina Iñesta, de Repion: «Hazemus pop-rock, que seamus tías no puei sel la muestra ensínia».». La Voz de Galicia. 28 de juñu del 2025. Consultado el 12 de mayu del 2026.
  12. ↑ Disturbios, Don (19 de juñu del 2023). «Repion, entrevista en Mondo Sonoro nel 2023.». MondoSonoro. Consultado el 12 de mayu del 2026.
  13. ↑ Terrazas, Víctor (06 d'abostu del 2024). «Entrevistamus a Repion.». Muzikalia. Consultado el 12 de mayu del 2026.
  14. ↑ Disturbios, Don (29 de mayu del 2024). «Repion, crítica del su discu "Entre todas lo arreglamos" nel 2024.». MondoSonoro. Consultado el 12 de mayu del 2026.

Atijus p'ahuera

[adital | adital cóigu]
Arrecuperau dendi "https://ext.wikipedia.org/w/index.php?title=Repion&oldid=143181"