Roberto Iniesta

Roberto Iniesta
Roberto Iniesta en 2008
Información pressonal
SOtrus nombris	Robe
Nacencia	16 de mayu de 1962 (63 años) Plasencia (España)
Nacionalidá	Española
Información prehessional/profissional
Oficiu	Músicu Componedol Novelista Cantanti
Añus ativu	desde 1983
Seudónimu	Robe
Génerus	Rock, rock sinfónico y hard rock
Estrumentu	Quitarra y vos
Discográfica	Avispa Music
Biembru de	Extremoduro
Sitiu web	www.extremoduro.com

Roberto Iniesta Ojea (Praséncia, Caçris, Prantilla:Fecha) conocíu simplimenti comu Robe, es un componeol, músicu, poeta i escreviol español conocíu pol sel el hundadol i imahin del grupu de rock Extremoduro.

Biografía

Prencipius i juventú

Roberto tuvu nacencia en Praséncia, Caçris, el Prantilla:Fecha. Al dexal los estúdius en terceru de B.U.P. i trabajal col su pairi, emprencipia a escrebil cáncionis alos venti añus i munta el su primel grupu, "Dosis Letal", al lau de Luisma, Juano, Paco Doniga, Zósimo «Zosi» Pascual. Duranti estus añus tamién estuvu labutandu nun puestu de chucherías.

Primerus éxitús musicalis

Influenciau por bandas comu AC/DC o Leñu, hormó en 1987 la banda Extremoduro. Al nu tenel el dineru que se riquiría pa podel costeal-si una grabación, decidun dil vendiendu papeletas a tol que quisiera contribuyil (a mil pesetas ca una), que valdríen puna cópia dela maqueta quandu esta hueri grabá i ediá. Llegun a vendel 250 destus boletus, polo que s'encerrun nelos estudius Duplimatic en heneru de 1989 i editun una tirá de mil cópias desta primel maqueta intitulá Rock trasgresivu, la cual fue repartía por tola región estremeña. Essi mesmu añu, Avispa Music se afixa n'Extremoduro, i les ofreció un contratu por tres añus. En 1991 emprencipiarun a enicial-si las gestionis con Avispa pala grabación del segunderu discu, peru pol preblemas colas dietas, i antil las poquinas expetatives de futuru qu'el sellu les ofrecía, decidun rompel el su contratu i fichal pol sellu Área Creativa de Pasión Cía. Discográfica, de nuevu una compañia andependienti, peru esti vezi con mehoris condicionis i meyus. Las deferéncias económicas pol nu cobral derechus d'autol les llevó irremediabrementi a rompel con Pasión Cía. Estu hizu qu'a finalis dessi mesmu añu fichun pol DRO, filal de Warner Music.

A enicius de 1993, Robe Iniesta se mudó a Barcelona i crió los Q3. Robe dedicó to essi tiempu a componel i propusu ala discográfica grabal un álbum en solitariu peru alugueu prefirió rechazal la precaria oferta que le propusun. Assina mesmu, los biembrus de Q3 reemplazun alos sus antiguus compañerus de banda en Extremoduro. Fue con esta formación la que, duranti los conciertus dessi mesmu añu i el siguienti, arían qu'esta época se conociera comu la «era del caos» pola anarquía e imprevisión delas sus atuacionis, probabrementi a causia delas vivéncias i preblemas pressonalis de Robe. Assina pues, la formación volvió a cambial i entrun nuevus biembrus ala banda que fuerun apresentaus a Robe pol Iñaki Antón.

Saltu a la fama

Robe tocandu con Extremoduru en Madrid (2008).

Nun fue ata 1996 quandu se catapultó ala fama col su álbum Agila, el mesmu añu que recibi la notícia del fallicimientu del su pairi. La entrá a la banda del guitarrista i productol Iñaki «Uoho» Antón, pertenecienti pol aquel entoncis al grupu Plateru y Tú, supusu un puntu d'inflexión nel recorriu dela banda.

Tras el lanzamientu de Cáncionis proibías (1998) i, compaginandu la su atividá con la carrera de la banda, decidi se juntal a Iñaki Antón i Fito Cabrales (tamién dela banda Plateru y Tú) pa creal un supergrupu llamau Extrechinato y Tú, con el fin de realizal un álbum que rinda omenahi a la poesía del poeta Manolo Chinatu, quién tamién participaríi ena grabación. Tras cincu añus de trabaju, l'álbum Poesía básica fnalmenti vería la lus el 27 de abril de 2001.

En 2002, enicia una gira pol tol territoriu nacional, que se ajunta al lanzamientu del nuevu trabaju de la banda, Yo, minoría absoluta. Más tardí, tras añus al frenti del grupu de rock i duranti un parón del mesmu cria, en 2006 al lau de Iñaki Antón, la discográfica Muxik, pol meyu dela cual quierin dal a conocel primerus trabajus de grupos que piensin que merecin sel escuchaus. Unu de los primerus discus lanzaus pol Muxik fue el del grupu Inconscientis (La inconsciencia de Uoho) en 2007, nel que el propiu Robe colaboró nalgun arreglu.

A meyaus de mayu de 2008 volvió ala carretera en Santander cola Gira 2008 i el 9 de setiembri dessi mesmu añu echa al mercau otru nuevu discu con Extremoduro intitulau La ley innata, una «suite rockera» compuesta pouna introducción, cuatru movimientus i una coda flamenca. Esti nuevu discu da un nuevu airi a esti grupu, que, inque sigui tratandu la mesma temática que antañu, gasta recursus musicalis colos que dantis nu contaban.

Duranti el su parón compositivu, reconoció públicamenti que estuva faltu d'inspiración. Entretantu, estuvo escrebiendu una novela, El viaje íntimu dela locura, ayuau polos sus estúdius de Gramática i Ortografía en la Universidad Nacional de Educación a Distancia, la cual se publicaría el 28 de setiembri de 2009. La novela tuvu una güena acoyía comercial, vendiendu 10 000 ejemplaris en poquinu más duna semana, agotandu la primel edición dela mesma.

El 24 de mayu de 2011 Extremoduro estrenó nuevu discu: Material defectuosu. A pesal de nu recibil nenguna promoción, logró estal quatru semanas consecutivas en lo más artu delas listas de venta españolas. Extremoduro emprencipió a grabal un nuevu álbum que dexó aparcau pa realizal la su gira Robandu Perchas del Hotel. Fue la primel vezi que el grupu ofreció atuacionis en Hispanoamérica. Tras acaballa, la grabación del nuevu álbum concluyó ena primavera de 2013. El undécimu álbum d'estudiu dela banda, Pa tol públicu, s'iba a publical el 19 de noviembri peru debíu a una filtración del mesmu, ubu de sel adelantá al 8 de noviembri de 2013. A pesal dessu, el álbum llegó a alcançal el númiru unu enas listas de venta españolas.

En setiembri de 2014, le es otorgá la Medalla de Estremaura; el mássimu galardón que otorga esta comunidá autónoma.

Etapa en solitariu

Robe en diziembri de 2019.

Robe tras un conciertu en solitariu en Madrid en huniu de 2017.

Paralelamenti a la atividá dela su banda; Robe emprencipió a trabajal colos músicus estremeñus Álvaro Rodríguez Barroso, Carlitos Pérez, Alber Fuentes, David Lerman i Lorenzo González. Con esta banda grabó un álbum duranti el vranu de 2013 que se acreitaría simplimenti baxu el nombri de Robe.

Finalmenti el 9 de huniu de 2015 se publicó esti primel trebaju en solitariu intitulau Lo que aletea en nuestras cabezas.

El 18 de noviembri de 2016, echa el su segunderu álbum d'estudiu en solitariu, de títulu Destrozares, cáncionis pal hinal delos tiampos.

En 2017 recorrió la Península, promocionandu los sus discus en solitariu, ena gira 'Bienveníus al temporal', tras la su confirmación el 7 de marçu, momentu nel que le hueru entregau el segunderu discu d'oru a la nuevu hormación.

En 2019 s'incorporó el guitarrista Woody Amores ala grabación del que sedríe el su próssimu trabaju.

Un tiempu endispués, el 30 de abil de 2021 sali ala venta el su terceru discu d'estudiu en solitariu intitulau Mayéutica.

El 11 de abostu de 2021, anuncia una nueva gira en solitariu de 20 conciertus, intitulá 'Agora es el momentu', que recorrió España dendi setiembri a noviembri de 2021. A pesal de sel-si eniciau comu una suerti de proyeutu en solitariu, Robe admitió que tenia la sensación de funcional más comu una banda que quandu componía pa Extremoduro.

El 11 de marçu de 2022 s'anunció la segundera parti de la gira, intitulá 'Agora es quandu' i que tuvu lugal dendi huniu a noviembri de 2022.Justu antil el eniciu de la segundera etapa de la gira, el 27 de mayu, echa el primel senciellu dun nuevu trabagu titulau "Ininteligible".

El 16 de noviembri de 2023, Robe, apressentó un nuevu senciellu que leva pol títulu "Ná que perdel" i que hormará parti del nuevu discu, titulau Se nos lleva el aire, que publicó el 15 de diziembri d'essi mesmu añu. La publicación de dichu senciellu venía anunciá pol un mensahi en la su web: cita|"Amenazábamus con volvel i lo hemus cumplíu. Endispués d'estus intensus mesis metíus nel a covacha, nun us imahináis las ganias que tienen las cáncionis de vel la luz. Nusotrus, de momentu, siguremus drentu ata que llegue el güenu tiempu, peru a partil de la meyanochi del miércolis, os dejarémus una luz encendía."}}

Al mes siguienti, el 19 de diziembri, anunciarun la su nuevu gira Ni santus ni inocentis que se desarrolló de mayu a noviembri de 2024.

En hebreru de 2024, el Museu del Prau de Madrid, puxu imáginis de Velázquez, Tizianu i Caravaggiu a la cánción "El poder del arte", en una promoción en las sus rehis. En marçu de 2024 recibió las "Cerezas de Oru", mássimu galardón que otorga el Valli del Jerti en Caçris, pol la su promoción de la çona.

En huniu de 2024, la poeta Irene Sánchez Carrón promovió una campaña de recoyía de hirmas "pa solicitál a la RAE que s'incluya a Roberto Iniesta 'Robe' comu Premiu Cervantis", esplicandu entri las sus razonis pa asignal-li el galardón, la su poesía trasgresiva, el su espíritu dionisíacu i pol sel un "poeta de la caye i del campu".

A finalis de diziembri de 2024 le fueotorgá la Medalla de Oru al Méritu enas Bellas Artis aprobá pol Consehu de Ministrus, a propuesta del ministru de Coltura español.

Discografía

Robe (Banda)

Lo que aletea en nuestras cabezas (2015)

Destrozares, cáncionis pal hinal delos tiampos (2016)

Bienveníus al temporal (2018, direutu)

Mayéutica (2021)

Se nos lleva el aire (2023)

Con Extremoduru

Artícalu prencipal: Anexu:Discografía de Extremoduru.

Rock trasgresivu (1989)

Somos unos animales (1991)

Deltoya (1992)

¿Óndi están mis amigos? (1993)

Pedrá (1995)

Agila (1996)

Iros todos a tomar por culo (1997, direutu)

Cáncionis proibías (1998)

Yo, minoría absoluta (2002)

Grandis éxitús y fracasus (Episodiu primel) (2004, recopilatoriu)

Grandis éxitús y fracasus (Episodiu segunderu) (2004, recopilatoriu)

La ley innata (2008)

Material defectuosu (2011)

Pa tol públicu (2013)

Con Extrechinatu y Tú

Poesía básica (2001)

Novelas

El viaje íntimu de la locura. El Hombre Del Sacu, S.L. (2009) Prantilla:ISBN

Giras en solitariu

Bienveníus al temporal (2017)

Agora es el momentu / Agora es quandu (2021-22)

Ni santus ni inocentis (2024)

Colaboracionis

Con Extremoduru

Rosendu: La Cánción De Los Oficius; Perru Cayeru (guitarra)

Manolo Chinatu: Ama, Ama, Ama Y Ensancha El Alma (versión 2004)

Ariel Rot: Volandu Solu (guitarra)

Fernandu Madina: Pepe Botika

Albert Pla: ¡Qué sonrisa tan rara!, El día de la bestia

Fito Cabrales: Golfa; La Vereda De La Puerta De Atrás; Puta

Ara Malikian: La ley innata (primel violín)

Con otrus grupos

The Flying Rebollos: Mis amigos (con Fito Cabrales)

Gatibu: Mila doinu aidien; Doniene

Neurastenia: Miro la ventana

Marea: En tu agujero

La Gripe: Barrancus rocosus

Capitán Kavernikola: La playa; Amol suciu; Arrambandu polas Ramblas

Fito & Fitipaldis: Ni negru ni brancu; Troçus de cristal; Callejón sin salía (versión de Barricada)

Plateru y Tú: Si miro a las nubis; Humu de mis pies; Entrandu cruzáu (versión libri de Barón Rojo); Juliette (con Evaristu Páramus); Y yo que sé (versión de Tequila); No hierve tu sangre (versión 2005); Pol mí (solu de guitarra); Naufragiu (direutu); Ya no existe la via (direutu)

Ratanera: Pol el estrechu

Sin Vergüenza: Levantandu polvareda

Chorra 'n Rock: La cánción del osu marinu

Tabletom: No tengu ná

Reincidentis: Dos colegas

Doctor Deseu: Sueñus gastaus; Óndi acaban las parabras; De nuevu en tus brazus (con Fito Cabrales)

Albert Pla: Veintegenarius (con Manolo Kabezabolu, Fermín Muguruza i Joseba Tapia); Pepe Botika; No (versión de poema de José María Fonollosa); Viva Espanya, El día de la bestia (BSO)

Forrahe: Puñalis

Lülu: Puñalis

Memoria de Pez: To tuyu

Ponchu K: Verborrea (con Iñaki Antón)

Ciclonautas: Kamikaze del niu (con Iñaki Antón)

Boikot: Dopaje

Quattro Clavus: Robe, mi pequeña historia

Rupatrupa: Flores de Trinchera

Leiva: Caída libri

Enacis esternus

• Datos: Q3181267