San Sebastián
 Agora ain pessonas trebajandu nesti artícalu |
| San Sebastián | ||||
|---|---|---|---|---|
| Entidad subnacional | ||||
 | ||||
| ||||
| Coordenadas | 43°19′N 1°59′O / 43.32, -1.98 | |||
| Capital | Ciudad de San Sebastián | |||
| Entidad | Monicipiu d'España | |||
| • País |
 España | |||
| Superficii | ||||
| • Total | 60,89 km² | |||
| Altol | ||||
| • Media | 6 m s. n. m. | |||
| Puebración (2023) | ||||
| • Total | 188743 hab. | |||
| • Densidá | 3099,74 hab/km² | |||
| Huso horario | UTC+01:00 | |||
| Código postal | 20001–20018 | |||
| Prefijo telefónico | 943 y 843 | |||
| https://www.donostia.eus/, http://donostia.org/ y http://sansebastian.org/ Sitio web oficial | ||||
San Sebastián (en euskera Donostia, i oficialmenti Donostia-San Sebastián) es una ciá assitiá nel País Vascu, ena costa del golfu de Vizcaya i ena prossimidá cona frontera con Francia, i es capital del territoriu estóricu de Gipuzkoa. La su puebración es de 188.102 abitantis nel 2021. La su área metropolitana arcança los 405.099 qm cuairaus.
Las sus prencipalis ativiaís conómicas sonin el comerciu i el turismu, siendu unus delos más importantis destinus turísticus d'España. El su paisaji dominau pola Baía dela Concha, assín comu el su desarrollu arquitectónicu iniciau ena segunda metá del sigru XIX, que conhormó una ciá de corti francés i aburguesau i proporcionó el desarrollu dela atividá turística a escala uropea. Tó ellu uníu a eventus entrinacionalis comu’l Festival de cini de San Sebastián, á dau protagonismu nel esteriol a pesal delas sus reducías dimensionis.
San Sebastián tieni deferentis denominacionis
• San Sebastián es el nombri e la ciuá en castellanu. El su orihín se ebi a un monasteriu consagrau a San Sebastián que s’alcuentraba nel autual barriu “El Antigu” . La villa meyeval hué fundá pol rei Sanchu El Sabiu hacia el 1180 enas cercanías el monasteriu y pol esi motivu se le llama San Sebastián, hechu esti arrecohíu ena carta puebra la ciuá. La carta puebra está hecha en Latín y el nombri qu’apareci es Sanctus Sebastianu, dandu pol volución al romanci San Sebastián. San Sebastián á siu el nombri oficial de la ciuá hata 1980 anque pobabrementi nu á siu el mas usau polus sus abitantis, si es el nombri pol cual es conocía la ciuá.
• Sanse es la maera coloquial y cariciosa ena qu’es mentá y que deriva de San Sebastián.
• Donostia es el nombri la ciuá en Euskera. El nombri comu tal procei del Latín Domine Ostiam. Koldo Mitxelena lingüista hadi ya mas de meyu sigru nel su libru Apellius Vascus de 1953 «... el nombri vascu de San Sebastián. Cuya volución aprosimá á siu «Donasa(b)astiai, Donasastia, Donoastia, Donostia » (2ª eición, 1955, p. 96).Anque nu á siu la denominación oficial d’ella deriva el hentiliciu lus sus abitantis, donostiarras tantu en castellanu comu n’euskera.
• Donosti es una varianti e Donostia. Comu las "a" lus acabihus en euskera es l’artículu, esta vocal se pierdi al referilsi a sustantivus endeterminaus. Aún y to desistin una serie e parabras enas que la “a” es orgánica comu’l casu e Donostia, asinque’n prencipiu nu sedria correutu idil Donosti, peru es mu abitual especialmente palrandu en castellanu.
• Donostia- San Sebastián es la denominación oficial de la ciuá dendi 1980. Esta prehenti enus documentus e indicacionis oficialis. Al nu sel empreá ena palra coloquial y ebiu a la su larga estensión desiti una tendencia crecienti a empreal oficialmenti Donostia enus documentus escribius en euskera y San Sebastián enus documentus escribius en castellanu.
• La Bella Easo o Easo. Esti nombri sulhio pola creencia que l’antigua ciuá romana Oiasso o Easo s’alcuentraba ena ubicación de la muelna San Sebastián. Recientis descubrimientus alqueolóhicus confilman que l'antigua Oiasso s’alcuentraba en Irun y no en San Sebastián.
• Irutxulo o Hirutxulo: sinifica «tres buracus» en euskera y es el nombri que lus pescaoris daban a San Sebastián ya que dendi la mal la ciuá se guipa comu con tres entrás o buracus: el formau entri’l monti Igeldu y la isa Santa Clara, el situau entri San Clara y el monti Urgull y el situau entri Urgull y el monti Ulía.
Galería de afotus
[Edital | Editá'l códigu]-
Paseu d'Alderdi eder -
Ayuntamientu de Donostia -
Igresia de Santa María (Donostia)
-
-
Panorámica de la Bahía de La Concha -
Tradicional "tamborrada"
