Seleniu

Dendi Güiquipeya

El seleniu es un elementu químicu la tabra periúdica cuyu símbolu es Se y cuyu númeru atómicu es 34.[1][2]

Papel biológicu[Edital | Editá'l códigu]

El seleniu es un micronutrienti pa toäs las formas e vida conocías que s'encuentra en el pan, los zerealis, la pescá, las carnis, las lentejas, la cáscara las patatas y los huevus. Está presenti en el aminoácidu selenocisteína y tamién se pué encontral comu selenometionina, reemplazandu al azufri la cisteína y la metionina respectivamenti. Forma parti las enzimas glutatión peroxidasa y tiorredoxina reductasa.[3]

Es antioxidanti, ayúa a neutralizal los radicalis libris, induci la apoptosis, estimula el sistema inmunológicu e intervieni en el huncionamientu la glándula tiroidis. Las investigacionis realizás sugierin la existencia d'una correlación enti el consumu de suplementus e seleniu y la prevención del cáncru en humanus.[3] De manera similar, argunus estudius án comprobau qu'argunas concentracionis e seleniu resultan quimioprotectoras frenti a la apoptosis inducía por estrés oxidativu.[4] Aún es tema d'investigación, peru se sabi que la forma química en la que s'encuentra el seleniu (selenitu, selenatu o selenoaminoácidus) afecta a la su absorción y a su posibli toxicidá. Los datos actualis apuntan a que la forma orgánica (formandu parti de proteínas comu selenoaminoácidus) es la más beneficiosa palos animalis. Además potencia el güen humor.Prantilla:Citarequerida

La deficiencia de seleniu es relativamenti rara, peru pué dalsi en pacientis con disfuncionis intestinalis severas o con nutrición esclusivamenti parenteral, asín comu en poblacionis que dependan e alimentus cultivaus en suelus pobris en seleniu. L'ingesta diaria recomendá pa adultus es e 55-70 μg; más e 400 μg pué provocal efectus tóxicus (selenosis).

Véasi tamién[Edital | Editá'l códigu]

Huentis[Edital | Editá'l códigu]

  1. "Química". Andoni Garritz. Editorial Pearson Educación (1998). Página: 856. ISBN: 978-9-68444-318-1
  2. "Química: fundamentos experimentales". Robert W. Parry. Editorial Reverte (1973) Página: 703. ISBN: 978-8-42917-466-3}}
  3. 3,0 3,1 Devlin, T. M. 2004. Bioquímica, 4ª edición. Reverté, Barcelona. ISBN 84-291-7208-4
  4. Uguz AC, Naziroglu M, Espino J, Bejarano I, González D, Rodríguez AB, Pariente JA (November 2009). "Selenium Modulates Oxidative Stress-Induced Cell Apoptosis in Human Myeloid HL-60 Cells Through Regulationof Calcium Release and Caspase-3 and -9 Activities". J Membrane Biol 232: 15-23. doi:[10.1007/s00232-009-9212-2].

Atijus[Edital | Editá'l códigu]