Sociedá Dante Alighieri
| Sociedá Dante Alighieri | |
| Tipu | asociación ensin ánimu de lucru d'utilidá social |
|---|---|
| Fundación | 1889 |
| Fundaol | Giosuè Carducci |
| Oxetivu | difusión dela cultura y dela lingua italiana |
| Sedi | Prantilla:Geodatos ITA Roma |
| Presidenti | Prantilla:Geodatos ITA Andrea Riccardi |
| Luenga | italianu |
La Sociedá Dante Alighieri (italiana: Società Dante Alighieri) es una estitucion criá n’Italia nel 1889 pola promoción dela luenga italiana i pola difusión dela su coltura alreol del mundu.
La sociedá está presenti en más de 60 países por tol mundu, espardiendu la coltura i luenga italiana. Tien la su sei central en Roma. Endispués dela Primera Guerra Mundial las atuacionis dela Sociedá s’esperrierun al estranjeru por causa delos milis de desplazaus italianus pola guerra, sobri to n’América. Endispués dela Segunda Guerra Mundial pasó a "defendel la luenga i la coltura alreol del mundu", estableciendu atijus d’amistá con todas las organizacionis colturalis italianas esperriás pol praneta.
Esta Sociedá es equivalenti al Estitutu Cervantes españu, l'Estitutu Camões portugués, l'Alliance Française francesa, el British Council británicu o l'Enstitutu Goethe alemán. Tos ellus laburan pa espardel las sus respetivas colturas, favoreciendu assina el conocimientu de angunas delas prencipis luengas uropeas, fecu pol qual se l’otorgó el Premiu Préncipi d'Asturias de Comunicación i Umanidais del añu 2005. [1]
Seis
[adital | adital cóigu]N'España ai comités dela "Società Dante Alighieri" enas siguientis ciais: Graná, Málaga, Mar Menol, Múrcia, Ovieu, Çaragoça, Sevilla, Arrecifi, Vigu.
N'Argentina tien escuelas en varias ciais: Santa Fe, Ramos Mejía, Córdoba, Carlos Paz, Salta, Ríu Cuartu, Güenus Airis, Rosário, General Pico, Caseros entri otras.
La certificación PLIDA
[adital | adital cóigu]La Dante Alighieri tien el su própiu Certificau (el PLIDA) pa acreital el conocimientu dela luenga italiana. El Certificau PLIDA es un títulu oficial que tien farta valiéncia en tol mundu, está reconocíu pol Menistériu d'Asuntus Estranjerus Italianu i tien l'aprobación científica dela Nuversidá de Roma La Sapienza. El Certificau PLIDA está basau enos criterius dela Unión Uropea i recoyíus nel MCER (Marcu Común Uropeu de Referéncia pa las Luengas). Ai seis nivelis de PLIDA (dendi l'encetu ata el más avançau): A1, A2, B1, B2, C1, C2.
Dendi'l 1993, basandu-si ena combención nº 1903 del 4 de noviembri col Menistériu d'Asuntus Estranjerus, la Sociedá Dante Alighieri labura pola certificacion del italianu de caliá cola certificacion PLIDA (Proyectu Luenga Italiana Dante Alighieri). Reconocía pol Menistériu de Labutu i de Políticas Socialis (decretu 18/10/2002) i pol Menistériu de l'Enseñáncia Púbrica, Menistériu dela Nuversidá i dela Envestigación (combención 11/2/2004), da fe dela competéncia ena italiana como luenga estranjera sigún la escala delos seis nivelis (A1, A2, B1, B2, C1, C2) del marcu común uropeu de referéncia pa las luengas.
Referéncias
[adital | adital cóigu]- ↑ Los enstitutus colturalis uropeus, premiu Préncipi d'Asturias de Comunicación i Umanidais | url=http://sociedad.elpais.com/sociedad/2005/06/01/actualidad/1117576801_850215.html | fecha=1 de juñu de 2005 | fechaacceso=26 de abril de 2017 | agencia=EFE | periódicu=El País | ubicación=Oviedo
Bibliografia
[adital | adital cóigu]- Caparelli, Filippo, La “Dante Alighieri” 1920-1970, Roma, Bonacci 1987
- Pisa, Beatrice, Nazione e politica nella società Dante Alighieri, Roma, Bonacci 1995
- Salvetti, Patrizia, Immagine nazionale ed emigrazione nella Società Dante Alighieri, Roma, Bonacci 1995
- Error de Lua en package.lua en la línea 80: module 'Módulo:Citas/Sugerencias' not found.
- Giardinetto, Armando, La Società Dante Alighieri e l'insegnamento dell'italiano L2 - LS in contesto migratorio, Roma, Fondazione Mario Luzi 2021
Atijus esternus
[adital | adital cóigu](en italianu) Página oficial dela Sociedá Dante Alighieri
Società Dante Alighieri - Comité de Graná
Fundación Préncipi d'Asturias, Premiu Préncipi d'Asturias de Comunicación i Umanidais 2005
Asociación Dante Alighieri de Ramos Mejía, en Buenos Airis, Argentina