Solanum lycopersicum

Tomatis.

Solanum lycopersicum, conocia comu tomatera, es una pranta de la familia de las solanáceas (Solanaceae) oriunda d'América i cautivá en tol mundu pol su frutu comestibli, llamau tomati. Essi frutu es una baya mu coloreá, típicamenti de tonus que van del amarillentu al roju, debiu a la presséncia de los pigmentus licopenu i carotenu. Posei un sabol ligeramenti aceu, mii de 1 a 2 cm de diámetru enas especiis silvestris, i es muchu mas grandi enas varieais cautivás. Se prouci i consumi en tol mundu tantu frescu comu processau de deferentis mós, ya sea comu salsa, puré, jugu, desidratau o enlatau.