Txumari Alfaro

Txumari Alfaro
	; Txumari Alfaro en 2009
Información pressonal
Nacencia	25 de diziembri de 1952 ; Arguedas (España)
Muerti	18 d'abril de 2026 (73 años); Pamplona (España)
Nacionalidá	Española
Información prehessional/profissional
Oficiu	Presentaol de televisión, naturópata y presentaol
Empreaol	Televisión Española; Antena 3; Telecinco; Intereconomía Televisión ;
	[editar datos en Wikidata]

Txumari Alfaro o Jesús María Alfaro Martón (Arguedas, Navarra, 25 de deziembri del 1952-Pamplona, 18 d'abril del 2026) hue un naturópata i presentaol dela teli mu anombrau a acaberus del siegru XX i esmiençus del siegru XXI.

Biografía

Tuvu la su nacencia nel monicipiu de Arguedas en Navarra i s'endedicó ala naturopatía, añidiendu conocencias de iridiología, qu'es una diciplina que precura abrigual las maluras por mé de l'analís del iris del adolecíu, i d'acupuntura, qu'es un curiju tradicional de China, que gasta aújas en angunas partis del cuerpu cona gola d'amejoral los doloris.^[1]^[2]

Dendi'l 1988, derigió un centru de naturismu i nel 1996 hue un jetu mu conocíu n'España quandu esmençó a presental el pograma dela teli La Botica de la Abuela, ena TVE, nel que consejava a l'udencia delos curaerus tradicionais pa toa crassi d'aficionis i dolencias, comu una oción alos produtus boticarius corrientis. Dos añus endispués s'encorporó ala prantilla de Sabor a ti, un pograma de Ana Rosa Quintana en Antena 3, hata que ala finiquita nel añu 2000, se l'acenaga un nuevu pograma acomparanti a La botica de la abuela, peru col nombri de La botica de Txumari.^[3] Esti pograma, namás anduvu n'entena dentri aneru i abril d'aquel mesmu añu. Aluspués, dentri setiembri i deziembri del 2005 calavoró nel pograma de Telecinco A tu lado, que presentava Emma García, cona seción Los consejos de Txumari, que hue arretirá pola baxa udencia lográ.^[1]^[2]

Nel 2007 pubricó el libru Un cuerpo para toda una vida, mentris qu'en setiembri del 2008 calavoró nel pograma Salud a la carta, de La Sexta. En mayu del 2011, tuvu'l pograma Los consejos de Txumari en Intereconomía TV, seción mu ligera qu'él mesmu derigía i presentava, enque anduvu mu poquinu tiempu n'entena. El deziochu d'abril del 2026, espenó en Pamplona.^[1]^[2]

Porfías

Los sus consejamientus meicus án síu porfiaus por numirosus meyus de comunicación, redis sociais i comunidais meicas comu la catalana nel 2018, qu'espressarun la su indinación al concadecel angunas delas sus parabras, pos nuna delas sus chalras i palrandu del canci dixu de no hazel na, peru refiriendu-si al terrenu emocional i assina dispués añidió que los adolecíus i adolecías devían de siguil los sus tratamientus conos sus oncólogus.^[4]^[5]

Referencias

↑ ^1,0 ^1,1 ^1,2 Goñi, Jose Antonio (19 d'abril del 2026). «Txumari Alfaro, naturópata i presentaol de La botica de la abuela.». En Diario de Navarra, ed. Diario de Navarra. Consultado el 05 de mayu del 2026.
↑ ^2,0 ^2,1 ^2,2 AGENCIAS, 20minutos | (19 d'abril del 2026). «Txumari Alfaro, presentaol de La botica de la abuela, espena alos setenta i tres añus.». www.20minutos.es - Últimas Noticia. Consultado el 05 de mayu del 2026.
↑ Morales, Fernando (24 d'aneru del 2000). «La botica de Txumari s'endependiza de Sabor a ti.». Consultado el 05 de mayu del 2026.
↑ Gámez, Luis Alfonso (20 de setiembri del 2018). Muy Interesante, ed. «La gran piruga dela melecina alternativa.». Consultado el 05 de mayu del 2026.
↑ 20minutos (15 d'aneru del 2018). «Txumari Alfaro desata la porfía al consejal no hazel na pa tratal el canci.». www.20minutos.es - Últimas Noticia. Consultado el 05 de mayu del 2026.

Atijus p'ahuera

En Commons ai conteníu multimedia sobre Txumari Alfaro.
Consejamientus de Txumari Remedius Naturais.
El Café Remedius Caserus.

Datos: Q9090712
Multimedia: Txumari Alfaro / Q9090712

[:1-1] 1,0 ^1,1 ^1,2 Goñi, Jose Antonio (19 d'abril del 2026). «Txumari Alfaro, naturópata i presentaol de La botica de la abuela.». En Diario de Navarra, ed. Diario de Navarra. Consultado el 05 de mayu del 2026.

[:2-2] 2,0 ^2,1 ^2,2 AGENCIAS, 20minutos | (19 d'abril del 2026). «Txumari Alfaro, presentaol de La botica de la abuela, espena alos setenta i tres añus.». www.20minutos.es - Últimas Noticia. Consultado el 05 de mayu del 2026.

[:0-3] Morales, Fernando (24 d'aneru del 2000). «La botica de Txumari s'endependiza de Sabor a ti.». Consultado el 05 de mayu del 2026.

[4] Gámez, Luis Alfonso (20 de setiembri del 2018). Muy Interesante, ed. «La gran piruga dela melecina alternativa.». Consultado el 05 de mayu del 2026.

[5] 20minutos (15 d'aneru del 2018). «Txumari Alfaro desata la porfía al consejal no hazel na pa tratal el canci.». www.20minutos.es - Últimas Noticia. Consultado el 05 de mayu del 2026.

[1]

[2]

[3]

[4]

[5]