Uagadugú
| Uagadugú Prantilla:Nombre original | ||
|---|---|---|
| Capital | ||
 | ||
|
Prantilla:Mapa de localización Localización de Uagadugú en Burkina Faso | ||
|
Prantilla:Mapa de localización Localización de Uagadugú en África | ||
 Ubicación de Uagadugú | ||
| Coordenadas | 12°22′07″N 1°31′39″O / 12.368611111111, -1.5275 | |
| Idioma oficial | Mossi | |
| Entidad | Capital | |
| • País | Prantilla:Geodatos Burquina Fasu | |
| • Región | Centro | |
| • Provincia | Kadiogo | |
| • Departamento | Ouagadougou | |
| Alcalde | Marin Casimir Ilboudo[1] | |
| Superficii | ||
| • Total | 219.3 km² | |
| Altol | ||
| • Media | 305 m s. n. m. | |
| Puebración (2019) | ||
| • Total | 2,453,496[2] hab. | |
| • Densidá | 6727 hab/km² | |
| • Metropolitana | 1 727 390 hab. | |
| Huso horario | UTC±00:00 | |
| Código postal | 10010 | |
| Prefijo telefónico | 5030 - 5038 | |
| Sitio web oficial | ||
Uagadugú[3] (del francés Ouagadougou, nel mossi: [ˈwaɡᵊdᵊɡᵊ]) es la capital i prencipal ciá de Burquina Fasu, i el centru Almenistrativu, de comunicacionis, coltural i económicu dela nación. Amás es la ciá más grandi del país, cona puebración de 2.453.496 abitantis (censu de 2019).[2] Abondas vezis la puebración local se refieri a ella como Ouaga.
La su economía se sostriba ena industria testil (algodón i tapicis), aceitera, xabonera i ena artesanía. Es sei dela Nuversidá de Uagadugú. Está comunicá col puertu de Abiyán ena Costa de Marfil pol ferrocarril i pol carretera con Niamey, Níger. Es servía amás pol Aeropuertu de Uagadugú.
Uagadugú es la sei dela Unión Económica i Monetaria del Áfria Ocidental o UEMOA, la organización delos ochu paísis qu'atallan el francu CFA como monea, una unión económica ábate del moelu uropeu. Assimesmu, la secretaría executiva del CILSS (Comité inter-États de lutte contre la sécheresse au Sahel) tieni la su sei en Uagadugú. Algunas atraicionis ena ciá encruyin el Museu Nacional de Burquina Fasu, el Palaciu Moru-Naba (sei dela ceremonia de Moru-Naba), el Museu Nacional dela Música, i varius mercaus de artesanías.
Toponimia
[adital | adital cóigu]La parabra nel prencepiu, ena luenga Mooré, es «Woogrtenga» i «Wogodogo» i sennifica «nuna ondi se s'arcibin onoris i respetu»[4].
Estoria
[adital | adital cóigu]La fecha esata dela fundación de Uagadugú se desconoci. Segundu las huentis, la ciá fue fundá nel sigru XI pol Nyonyonsé baxu el nombri Kombemtinga («ciá del guerreru»).[5];
[6]. En 1441 se convirtió en capital del emperiu Mossi mientris el reinau de Naba Niandéfo. Como consecuencia, la ciá creció sennificativamenti.[7] Al prencepiu se mantuvu de continas como sei del gobiernu ata 1691; nostanti, el estilu de vida nómada delos Mossi no era calculau pa crial una infraestrutura urbana, pol lo qu'la ciá conservó el su carátel ruru.[8]
En 1887 Louis-Gustave Binger calculó la puebración delas sieti aldeas dessistentis i unias prencipalmenti pol el islam i las sus creéncias autóctonas, en no más de 5000 abitantis; la mayoría delas casas eran construcionis sencillas de barru.[9] Kombemtinga, muá de nombri a Uagadugú, se convirtió en capital siguiendu la conquista dela çona pol parti delos francesis en 1896. El estau fue aropau xuntu con otrus tres ena colonia francesa del Altu Volta (Haute Volta en francés). En 1919, el gobernaol francés Édouard Hesling encetó cola tresformación dela aldea. Mientris las quatru istacionis secas de 1920 i 1923 se crealun amplias callis, eificius púbricos, se construyó el palaciu del gobernaol, escuelas i espitalis.[10] La ciá perdió la su importancia mientris los añus dela división del territoriu (1932-1947).
Los francesis construyerun los nuevos barrius con moernus eificius de dos prantas. Dendi la llegá del ferrocarril en 1954 ata la endependencia (1960), la puebración dela ciá se duplicó, pasandu de 30.000 a más de 60.000 abitantis. Uagadugú fue la sei del gobernaol colonial francés i la capital dela colonia, qu'en 1960 se convirtió en capital dela endependenti Repúbrica del Altu Volta, que cambió el su nombri pol el de Burquina Fasu con Thomas Sankara en 1984.
A caberus del mes de abostu i setiembri de 2009 las huertis luvias inundarun la ciá, mientris el qual uvu dezenas de muertos i heríus. Tamién uvu dañus sennificativus enos eificius.[11][12]
Geografía
[adital | adital cóigu]
La ciá está asitiá ena meseta de Mossi, cerca del centru del país ena província de Kadiogo, un cruci de lagus enternacionalis i regionalis. Estus últimos proporcionan conexón con quatru puertos prencipalis: Abiyán (Costa de Marfil), Tema (Gana), Lomé (Togu) i Cotonú (Benín). Tamién ai un emportanti tráficu de tránsitu a Niamey (Níger) i Bamako (Malí). A unos 300 quilómetrus al norti, se llega a Gorom-Gorom i al desiertu. Ábate 200 quilómetrus al sul está Gourounsi i el puebru de Tiébélé, tamién la reserva natural Nazinga.
Uagadugú á creciu alreol del palaciu emperial del Mogho Naaba. La ciá se convirtió nun emportanti centru urbanu ena época poscolonial ebiu a qu'era el centru almenistrativu del gobiernu dela colonia.
Climi
[adital | adital cóigu]
Uagadugú tieni un climi semiáriu (BWh ena clasificación del climi de Köppen) con dos istacionis, seca i luviosa. La istación seca se destendi ábate dendi mediaus de otubri ata mediaus de mayu. Esta temporá se carateriza polos días soleaus, calientis i secus, con temperaturas que puein llegar ata los 45 °C. La temporá luviosa se destendi dendi caberus de mayu ata caberus de setiembri. Se carateriza pol una corrienti del suroesti, el monzón, que trai un airi cálidu i húmiu, nuna ondi se desenvolvun muchas luvias i tormentas eléctricas, con un picu en abostu. Esti períodu correspondi al pasu dela çona de converjéncia entertropical (ZCIT). Nostanti las temperaturas mucho más moerás (mínimas de 21 °C i másimas de 32 a 34 °C), la sensación es siempri pesá, ebiu ala alta umiá.
La ciá horma parti del Sahel, con unas precipitacionis meyas pol añu de unos 900 mm. El harmattan, un vientu secu, i el monzón, son los dos fautoris que determinan el climi dela ciá.
La ciá está asitiá nun climi tropical de sabana, qu'encruyi dos istacionis: la istación seca i la istación delas luvias.
La istación seca se destendi dendi mediaus de otubri ata mediaus de mayu, ábate. Esta temporá se carateriza pol un tiempu más o menos calienti i mu secu, una huerti solanera i, a vezis, vientus de polvu. Nesta istación, se puein estremal tres períodos bien marcaus:
de mediaus de otubri ata caberus de noviembri, el tiempu es a menú mu calienti, con temperaturas mínimas alreol delos 23 a 24 °C i másimas entri 35 i 38 °C. Entavía se puein observal algunos nuesperus nel mes de otubri, inque se s'alojan cuasi siempri nuna zona i son de poca juerça. Estamus estonci nuna etapa de transición, entri los vientus del monzón del sul-oesti, calientis i húmius (que van a menus ata que desaparecin de tó), i el harmattan, un vientu del norti-esti calienti, secu i a vezis polvorientu que se s'imponi día tras día;
de caberus de noviembri a mediaus de Hebreru, es el harmattan el que sopla. Trai una enfruéncia del desiertu, es dizil, un airi siempri mu secu, con una emportanti varianza térmica entri el día i la nuechi, mucha solanera, a vezis estorbá pol una borrina de polvu en suspensión. Las temperaturas son mu a menus bajas nesta época: las mínimas puein baxal ata los 14 o 15 °C, mesmu 12 °C en puntus concretus, sobri tó a caberus de diziembri i eneru, mientris que pola mañana, las másimas llegan a estal entri 28 i 33 °C. Esto la hazi la época ena que es más fáci d'aclimatar-si, gràcias alas temperaturas moerás i al tiempu cuasi siempri establi;
de caberus de hebreru ata caberus de abril, el harmattan va a menus ata que para de tó. Sin la enfruéncia del desiertu i sin garra d'airi, la ciá sufri estonci un tiempu de canícula, con días que queman (dendi 38 °C a caberus de hebreru ata 40 o 42 °C i mesmu 43 °C en abril) i nuechis calientis (con una meya de 24 a 26 °C al mínimu, mesmu con algunas nuechis ondi la temperatura no baxa delos 30 °C en abril). Los primeros nuesperus de tormenta puein a vezis cael a caberus del mes de abril, añadiendu estonci la umiá al calol, lo que da un sentíu mu pesáu.
La istación delas luvias, que se destendi dendi mediaus de mayu a mediaus de otubri ábate, está marcá pol una corrienti del sul-oesti: el monzón. Trai un airi calienti i moito, nel que se s'arman abondus nuesperus i tormentas, con un picu en abostu. Esti períodu correspondi al pasu del frenti entertropical (FIT) pol cima delos paísis sahelienus i subsahelienus. Nostanti las temperaturas mucho más moerás (mínimas de 21 °C, sobri tó baxu las luvias, i másimas de 32 a 34 °C), la sensación es siempri pesá pol la huerti umiá del ambienti.
| Datus de clima pa Uagadugú | |||||||||||||
|---|---|---|---|---|---|---|---|---|---|---|---|---|---|
| Mes | En. | Feb. | Mar. | Abr. | May. | Xun. | Xul. | Ago. | Set. | Out. | Nov. | Dec. | Añu |
| Rècord altu (°C) | 45 | 45 | 45 | 47 | 48 | 44 | 41 | 38 | 39 | 41 | 42 | 45 | 48 |
| Máximu medi (°C) | 32.2 | 36.3 | 38.4 | 39.1 | 37.3 | 34.3 | 31.8 | 30.9 | 32 | 35.4 | 35.9 | 33.6 | 34.8 |
| Media diaria (°C) | 24.6 | 27.7 | 30.7 | 32.4 | 31.4 | 29.1 | 27.1 | 26.4 | 26.9 | 28.9 | 27.5 | 25.1 | 28.2 |
| Mínimu medi (°C) | 16.1 | 19.1 | 23 | 25.7 | 25.5 | 23.9 | 22.4 | 21.9 | 21.9 | 22.5 | 19.2 | 16.7 | 21.5 |
| Rècord baxu (°C) | 9 | 12 | 15 | 15 | 19 | 17 | 18 | 14 | 19 | 18 | 16 | 11 | 9 |
| Precepitación (mm) | 0 | 2 | 5 | 23 | 71 | 110 | 176 | 227 | 139 | 33 | 1 | 1 | 788 |
| Díis de precepitación (≥ 0.1 mm) | 0 | 0.1 | 0.5 | 0.6 | 3.3 | 4.8 | 8 | 10.9 | 5.7 | 1.3 | 0 | 0 | 35.2 |
| Humidá relativa (%) | 30.5 | 28.5 | 29.5 | 39.5 | 52.5 | 61 | 70 | 74 | 69.5 | 58 | 44 | 34.5 | 49.3 |
| Fontis: Climate-Data.org, altitú: 298 m.[13] · BBC Weather (humidá, sol, díis de precepitación i rècords).[14] | |||||||||||||
Demografía
[adital | adital cóigu]Se calcula qu'la puebración del área metropolitana asciendi a 1.200.000 abitantis, delos qualis un 48% son ombris i un 52% son mugeris. La puebración ruru es el 5% i la urbana el 95% del total.
Urbanismu
[adital | adital cóigu]
La ciá se á densificau col passu delos añus i, como todas las capitalis, está tocá pol el fenómenu dela perurbanización, la artificialización i la fragmentación ecopaisajística delos meyus.
La contaminación del airi, polos aerosolis «naturalis» (polvu en suspensión pol la arienti del suelu) i los que vienin dela combustión (leña, carbón vegetal, quemas de rastrojus...) i dela contaminación de carreteras, es un probrema en Uagadugú. Un proyeutu de sistema de alerta contra la contaminación en Uagadugú i en Burquina Fasu (llamáu «proyeutu Mousson») se está fendi en colaboración col CNRS[16]. La contaminación del augua i del suelu es otru probrema.
Nostanti, la capital tieni cuasi nel su centru (al noresti) el Parqui urbanu Bangr Weoogo (de 265 ectáreas), qu'es el primel ejemplu de retrocesión de tierras forestalis hecha pol el Estau a una coletiviá local drentu dela política de descentralización del Menisteriu encargau delos bosquis. Esti antigu macizu forestal se á convertíu nel pulmón verdi dela ciá i nel elementu prencipal dela trama verdi urbana de Uagadugú; un lugal pa el carabaun i el descansu, peru tamién de eucación ambiental abiertu a escuelas, nuversidais, envistigaoris i visitantis, ondi se puei esperimental la xestión, restauración i proteción dela biodiversidá, el papel del árbol ena ciá i, sobri tó, la lucha contra la desertización o el estuyu i resolución de ciertas contaminacionis. El parqui tamién tieni un museu centru de esposicionis sobri el meyu ambienti, asín como un parqui zoolóxicu (72 ectáreas ondi se s'identificun 136 especiis de páxarus en 1999 i algunos roedoris)[17] i un parqui botánicu (8 ectáreas ondi se presentan 95 especiis leñosas autóctonas de sabana arbustiva crara o espesa, en 8 setorIs, i especiis ornamentalis exóticas i localis nun novenu setol)[17]. Se puei descurril ellí, solu o en visita guiá, la frora i la fauna (páxarus, mamíferus i fauna de augua) del parqui, con una biblioteca i una sala audiovisual[18].
Economía
[adital | adital cóigu]
La ciá tieni un setol Endustrial pequeñu, lo que desprica la baxa competitiviá dela ciá compará colas prencipalis ciais asitiás ena costa de Áfria Ocidental. El setol informal es omnipresenti, cona huerti presencia de vendeoris ambulantis i minoristas, tresformación de proutus agrícolas, procesamientu testil a pequeña escala, negocius de reparación de tou tipu i restaurantis. Amás, la construción es unu delos setorIs más emportanti ena creación de empleus. El turismu tamién juega un papel cada vezi mayol, conun crecienti númeru de otelis de tous los precios. Tamién dessistin activiais colturalis nel sentíu más ampliu dela música, el teatru i la produción artesanal, como la carpintería, i el desenvolvimiento dela moa sobri la basi del turismu i festivais periódicus (FESPACO, SIAO). Las comunicacionis en general son güenas, ai tres operaoris de telefonía móvil i ena ciá es possibri conectal-si a Internet a través duna conexón ADSL. En parti ebiu ala estabiliá política i el contestu social relativamenti pacíficu, la ciá á alqueríu un ciertu renombri como centru eucativu i nuversitariu. Amás, el gobiernu tieni como pesqui perfilal ala ciá cona convención regional. Ena ciá se topan, amás dela sei del Bancu Central de Áfria Ocidental.
Augua i enerxía
[adital | adital cóigu]
Uagadugú es una delas pocas capitalis del mundu que no se topan ena costa o ena orilla dun ríu. La neccesiá de augua pala ciá de rápidu crecimientu —ábate ata 2025— es cubiertá pola presa de Ziga,[19] a unos 45 km al esti dela ciá nel ríu Nakambe. La eletriciá provién delos embalsis de Bagre i Kompienga,[20][21] i suministrá pun pal de centralis térmicas ena ciá. La eletriciá llega a Uagadugú a través duna línia de trasmisión conectá ala redi en Costa de Marfil. Los proutus derivaus del petróleu i el gas natural se suministran dendi los puertos mentaus dantis, en camionis cisterna i se s'atessuran i se repartin ena ciá.[22] Nostanti, la mayol parti (un 90%) del consumu total de enerxía entavía ogañu provién de huentis de enerxía tradicional de leña i carbón vegetal,[23] qu'es permitíu a partir duna área drentu dun radiu de 200 km alreol dela ciá.
Meyu ambienti
[adital | adital cóigu]La ciá se á densificau a través del tiempu i, como todas las capitalis, se vei afetá pol el fenómenu dela espansión urbana, la artificialización i la fragmentación delos ecosistemas i los entornos. Nostanti, ena capital se topa el "parqui urbanu Bangr Weoogo" de 265 ectáreas, el primel ejemplu de bosqui de retrocesión de tierras echu pol el estau a autoriáis localis baxu la política de descentralización del Menisteriu de Bosquis. Esti antigu bosqui se á convertíu nel pulmón verdi dela ciá i el prencipal componenti verdi del marcu urbanu de Uagadugú, un lugal pala eucación medioambiental dirigíu a escuelas, nuversidais, envistigaoris i visitantis, esperimentandu la xestión, restauración i proteción dela biodiversiá, el papel delos árbolis ena ciá i en particular ena lucha contra la desertización i el estuyu de determinaus axentis contaminantis. El parqui tamién cuenta conun centru de esposicionis i un museu sobri el meyu ambienti, un zoolóxicu (72 ectáreas nuna ondi se s'identificun 136 especiis de avis en 1999 i algunos roedoris),[17] un xardín botánicu (8 ectáreas, nuna ondi se presentan 95 especiis leñosas autóctonas dela sabana arbustiva, especiis ornamentalis en ochu setorIs, i localis i exóticas nel novenu setol).[24]
La contaminación atmosférica es causá polos aerosolis "naturalis" (polvu nel airi asociau cola aridé) i los proutus de combustión (leña, carbón vegetal i los incendius forestalis) i la contaminación pol probremas vialis ena ciá. Un proyeutu de sistema de alerta de contaminación se está construyendu en Uagadugú i Burquina Fasu (conocíu como "projet Mousson") en colaboración col CNRS,[25] la contaminación del augua i el suelu son otrus probremas ena ciá.
Almenistración
[adital | adital cóigu]
Las primeras elecionis monicipalis fuerun celebrás en 1956. Uagadugú está goberná pol un alcaldi, quien es elegíu pol un períodu de cincu añus, dos concejalis superioris, i noventa concejalis. Dendi las elecionis de 1995 Simon Compaoré ocupó el cargu de alcaldi, siendu reemplaçau pol Marin Casimir Ilboudo dendi el 11 de marçu de 2013.[26]
La ciá se dividi en cincu comunas, que constan de 30 setorIs, que a la su vezi son dividíus en destritus. Algunos delos setorIs de Uagadugú son Gounghin, Kamsaoghin, Koulouba, Moemmin, Niogsin, Paspanga, Peuloghin, Bilbalogho, i Tiendpalogo. El área metropolitana de Uagadugú comprendi 17 puebracionis i se destendi sobri unos 219,3 km².
Turismu
[adital | adital cóigu]Parquis
[adital | adital cóigu]El parqui urbanu Bangr-Weoogo, dantis del colonialismo, perteneció alos jefis Mosse. Considerau un bosqui sagrau, muchas pressonas asistían allí pa ceremonias de iniciación o pa buscal abrigU. Los colonialistas francesis, descartandu el su sennificau i estoria local, lo establecierun como un parqui enos añus 1930. En 1985 se hizun renovacionis nel parqui. En eneru de 2001, el parqui fue renombráu "Parc Urbain Bangr-Weoogo", que sennifica "el parqui urbanu del bosqui del conocimientu".
Otru parqui en Uagadugú es "L'Unité Pédagogique" (La Uniá Pedagóxica), qu'alberga animalis nun estau de semi-libertá. Esta meçcla de xardín botánicu i biosfera abarca más de 8 ectáreas i tamién servi como museu sobri la estoria del país.
El "Jardin de l'amitié Ouaga-Loudun" (Xardín dela Amistá Uaga-Loudun), conun gran espaciu que fue renovau en 1996, es un símbolu dela relación de amistá entri Uagadugú i Loudun en Fráncia. Está asitiáu nel centru dela ciá.
Otrus sitius
[adital | adital cóigu]"Naba Koom" es una estatua que representa a una muger que lleva una calabaça pa tresportal augua. La estatua de 6 metrus de altura se topa frenti ala istación de trenis, dandu la bienvenida alos viaheros que llegan a Uagadugú. El lugal lleva el nombri dun emportanti jefi ena estoria de Burquina Fasu.
"Laongo", a 30 quilómetrus al esti dela ciá, presenta enormes estruturas de granitu que fuerun diseñás pol varius escultoris. La ebisición tieni obras de arti delos cincu continentis.
"La Place du Gran Lyon" es un monumentu que frefrexa la relación entri la capital de Burquina Fasu i Lyon en Fráncia. Está ubicáu cerca del Centru Coltural Francés George Melies i presenta un lión. Un zoolóxicu llamáu "Parc Animalier de Ziniaré" está ubicáu a 30 quilómetrus al esti dela ciá ena ciá de residencia del presidenti.
Dessistin 2 museus en Uagadugú:
Museu dela Música: Ebibi tous los estrumentus musicalis de Burquina Fasu.
Museu de Manéga: Tamién ebibi estrumentus musicalis de Burquina Fasu, amás de riflis Mossi i otrus oxetus colturalis. Ubicáu a 55 quilómetrus al noroesti dela ciá.
Sitius d'interés
[adital | adital cóigu]-
El lagu artificial N° 2 en Uagadugú -
Una mezquita nel centru de Uagadugú. -
Una calli en Bodogodo. -
Rood Woko, el mercáu central. -
Palais Kosyam, la residencia presidencial. -
Avenia Kwame Nkrumah n'Uagadugú.
Trasporti
[adital | adital cóigu]
Abondus residentis viajan en motocicletas i ciclomotois. Tamién gastan taxis de colol verdi, los qualis trasladan alos passageroIs a qualquiel parti dela ciá pol 200 a 400 CFA, inque el preciu es más caru endispués delas 22:00 i puei alcançal los 1000 CFA.
L'Aeropuertu Enternacional de Uagadugú se topa nel Setol 5, cerca del centru dela ciá. Sedrá ata 2017 que sedrá reemplaçau pol el nuevu aeropuertu de Uagadugú-Donsin nel noresti del departamentu Loumbila. Pa Uropa salen vuelus dretus a París i Bruselas, amás, ai vuelus regularis drentu de Áfria. Air Burkina tieni la su oficina prencipal nel Eificiu Air Burkina (en francés: Immeuble Air Burkina) en Uagadugú.[27]
La istación prencipal de trenis es una terminal del ferrocarril Abiyán-Níger que conecta a Uagadugú con Abiyán (Costa de Marfil). Palos trenis de carga, ai una conexón adicional a Kaya.
Varias carreteras nacionalis encetan el su cursu en Uagadugú. La N1 lleva al oesti pa Bobo-Dioulasso, la N2 acia el noroesti a Ouahigouya i Malí, la N3 en direción noresti acia Dori, la N4 en direción esti acia Níger, la N5 i N6 acia Gana i la N22 en direción norti acia Djibo. Nel transcursu de 2009, se llevó a cabu la ampliación a quatru carrilis dela carretera N1, en direción a Bobo-Dioulasso, se encetó dendi la place de la Bataille du rail detrás dela barrage de Boulmiougou. Desta manera tamién se crealun carrilis pa bicicletas i senderus. Se calcula quelos costos ascendierun a 17 mil millones de francus CFA (26 millones de euros).[28]
Salú
[adital | adital cóigu]
La ciá disponi de varius centrus sanitarius púbricos.
El Centru Espitalariu Nacional Yalgado Ouédraogo, que disponi de 750 camas.
El Espital Nacional Blaise Compaoré: Construíu entri el 12 de marçu de 2008 i el 25 de otubri de 2010,[29] conun costo total de 65 mil millones de francus CFA. La su superficie es de 16 ectáreas i tieni 600 camas. Es unu delos espitalis más grandis de Áfria Ocidental, proporcionandu diversas especialiais.[30]
El Espital Pediátricu Charles de Gaulle: Inaugurau el 30 de eneru de 2001, es el espital más moernu del país, con capaciá de 132 camas. Atiendi entri 7000 a 8000 niños de urxencia pol añu.[31] La colocación dela primera piedra fue el 6 de diziembri de 1996 ena cumbre Fráncia-Áfria polos presidentis Jacques Chirac i Blaise Compaoré.
Tamién tieni diversas enstitucionis sanitarias de carátel privau.
Coltura i eucación
[adital | adital cóigu]
La nuversidá más grandi del estau es la Nuversidá de Uagadugú, que fue fundá en 1974. La UUPN es la Nuversidá delas Nacionis Unias, está basá nel populal sistema enternacional de aprendizaje.
Ena ciá ai abondus lugaris colturalis i de arti, como la Maison du Peuple i la Salle des Banquets, amás de atuacionis de gran varieá de xénerus musicalis, encruyendu música tradicional (folk), ritmos atualis i rap.
Se puei destacal tamién la cantidá de festivais enternacionalis i activiais que se s'organizan nel monicipiu, talis como FESPACO (Festivall Panafricanu de Cini i Televisión de Uagadugú), qu'es la mayol fiesta deste tipu en Áfria, SIAO (Salón Enternacional dela Artesanía de Uagadugú), FESPAM (Festivall Panafricanu de Música), FITMO (Festivall Enternacional de Teatru i Marionetas) i FESTIVO.[32]
Enseñança superiol
[adital | adital cóigu]
La ciá tieni dos nuversidais púbricas:
La nuversidá Joseph Ki-Zerbo (antañu nuversidá de Uagadugú), fundá en 1974, es el primel centru de enseñanza superiol de Burquina Fasu. Dendi la su creación, á jugáu un papel central ena formación delas élitis i nel desenvolvimientu enteletual del país.
La nuversidá Thomas-Sankara, fundá en 2010, se destendi pol una superficie de 2111 ectáreas, a una ventena de quilómetrus al esti de Uagadugú, ena comuna de Saaba. Dendi el añu nuversitariu 2007-2008, esta enstitución acoxi alos estudiantis delas Uniáis de formación i de envistigación (UFR) en céncias xurídicas i políticas (SJP), asín como en céncias económicas i de xestión (SEG), que dantis dependían dela UO.
La ciá tieni tamién otras escuelas i enstitutus superioris de nombradía, con vocación regional en Áfria Ocidental, talis como el Enstitutu enternacional de inxeniería del augua i del meyu ambienti (2iE).
Pol otru lau, abondus centrus privaus de enseñanza superiol s'an criáu ogañu, ayudandu a hazel más variá la uferta eucativa, como la nuversidá Aube nouvelle, la nuversidá Al Houda, la nuversidá Saint-Thomas-d'Aquin o mesmu el enstitutu africanu de Management (IAM).
Deporti
[adital | adital cóigu]La capital tieni abondus clubis de fútbol, encruyendu los clubis nacionalis más essitosus: el Étoile Filante Ouagadougou i el ASFA Yennenga.[33] Otrus emportantis clubis dela ciá son:
- AS SONABEL.[34]
- Commune FC.[35]
- RC Kadiogo.[36]
- Santos FC (Uagadugú).[37]
- Union Sportive de Ouagadougou.[38]
- USFA Ouagadougou.[39]
Referencias
[adital | adital cóigu]- ↑ Marin Casimir Ilboudo, nouveau maire de Ouaga: «Je ne suis pas Simon Compaoré…», fasozine.com. Consultado el 20 de julio de 2013 (en francés)
- ↑ 2,0 2,1 https://www.citypopulation.de/en/burkinafaso/cities/
- ↑ Cita web |url=https://www.rae.es/dpd/Uagadugú |título=Uagadugú |fechaacceso=22 de agosto de 2010 |autor=Real Academia Española |enlaceautor=Real Academia Española |año=2005 |obra=Diccionariu panispánicu de dudas |editorial=Madrid: Santillana
- ↑ site académique officiel du Burkina Faso Copie archivée
- ↑ Cita web |apellido=Office National du Tourisme Burkinabè |título=Cités impériales |fechaacceso=25 de diciembre de 2011 |fecha=2007 |url=http://www.ontb.bf/tourisme/sites-thematiques/cites-imperiales/index.htm |urlarchivo=https://web.archive.org/web/20120417161436/http://www.ontb.bf/tourisme/sites-thematiques/cites-imperiales/index.htm |fechaarchivo=17 de abril de 2012
- ↑ Cita libru |editorial=Il Viaggiatore | otros = Baietta, Cristiana (Hrsg.) |título=Africa nera |ubicación=Milano |fecha=2005 |página=250
- ↑ Coll, Jean Louis & Jean-Jacques Guibbert, Hrsg. 2005. L’aménagement au défi de la décentralisation en Afrique de l’ouest. Toulouse: Presses universitaires du Mirail, p. 185.
- ↑ Söderström, Ola, Blaise Dupuis, Stephanie Geertman & Pierrick Leu,. 2010: La mondialisation des formes urbaine à Hanoi et Ouagadougou, version provisoire, 3. Teil. Neuchâtel: Institut de géographie et Fonds national suisse de la recherche scientifique, p 9.
- ↑ Binger, Louis-Gustave. 1892. Du Niger au Golfe de Guinée par le pays de Kong et le Mossi, Bd. 1, Paris: Hachette, P 459.
- ↑ Salfo Albert Balima: Le Gouverneur Édouard Hesling (1869–1934). In: Gabriel Massa, Yénouyaba Georges Madiéga: La Haute-Volta coloniale. Karthala, Paris 1995, ISBN 2-86537-480-7
- ↑ Markus M. Haefliger: Hauptstadt Burkina Fasos überschwemmt. En: NZZ Online 3 de setiembri de 2009, consultau el 20 de eneru de 2010
- ↑ Dutzende Tote nach Überschwemmungen in Westafrika. En: NZZ Online 3 de setiembri de 2009, consultau el 20 de eneru de 2010
- ↑ Climate-Data.org, altitú: 298 m.
- ↑ BBC Weather (humidá, sol, díis de precepitación i rècords).
- ↑ Cita web |url=http://www.insd.bf/fr/ |autor=Institut National de la Statistique et de la Démographie |título=Ouagadougou |idioma=francés |fechaacceso=16 de julio de 2013 |urlarchivo=https://web.archive.org/web/20130705043320/http://www.insd.bf/fr/ |fechaarchivo=5 de julio de 2013
- ↑ Site du ite du projet-pilote Mousson, et Documents publics, consultaus el 14-07-2012.
- ↑ 17,0 17,1 17,2 Parc Bangr-Weoogo, Découvrir le parc, consultau el 14-07-2012. Error en la cita: Etiqueta
<ref>no válida; el nombre «Decouvr» está definido varias veces con contenidos diferentes - ↑ À la découverte du Parc urbain Bangr-Weoogo, Natura, boletín trimestral de eucación ambiental dela Fundación Naurama, juliu-abostu de 2008, Ouagadougou.
- ↑ BURKINA FASO: First drops flow from dam to help thirsty capital irinnews.org (2004). Consultau el 17 de juliu de 2013
- ↑ Bagre dam project to boost agriculture in Burkina Faso, panapress.com, Consultau el 17 de juliu de 2013
- ↑ Manson, K., Knight, J. (2006), Burkina Faso, p.194, Bradt Travel Guides, The Globe Pequot Press Inc., Consultau el 17 de juliu de 2013
- ↑ Cita web |título=Burkina Faso: Country Brief |url=http://web.worldbank.org/WBSITE/EXTERNAL/COUNTRIES/AFRICAEXT/BURKINAFASOEXTN/0,,menuPK:343886~pagePK:141132~piPK:141107~theSitePK:343876,00.html |fechaacceso=20 de julio de 2013 |obra=worldbank.org |idioma=inglés
- ↑ Cita web |autor=Jean Noël Marien |título=Peri-Urban Forests and Wood Wnergy: What Are the Perspectives for Central Africa? |url=http://www.observatoire-comifac.net/docs/edf2008/EN/SOF_13_Wood%20energy.pdf |fechaacceso=20 de julio de 2013 |obra=observatoire-comifac.net |idioma=inglés |fechaarchivo=6 de marzo de 2016 |urlarchivo=https://web.archive.org/web/20160306055216/http://www.observatoire-comifac.net/docs/edf2008/EN/SOF_13_Wood%20energy.pdf |deadurl=yes
- ↑ À la découverte du Parc urbain Bangr-Weoogo, Natura, bulletin trimestriel d'éducation environnementale de la Fondation Naurama,juillet-aout 2008, Ouagadougou
- ↑ Site du ite du projet-pilote MOUSSON, et Documents publics, consultau el 14 de juliu de 2012
- ↑ Cita web |autor=Abdou Zoure |título=Marin Casimir Ilboudo, nouveau maire de Ouaga : « Je ne suis pas Simon Compaoré» |url=http://burkina24.com/news/2013/03/marin-casimir-ilboudo-nouveau-maire-de-ouaga-je-ne-suis-pas-simon-compaore/ |fechaacceso=21 de julio de 2013 |obra=burkina24.com |fecha=11 de marzo de 2013 |idioma=francés
- ↑ Contact-us. Air Burkina. Consultau el 19 de otubri de 2009.
- ↑ Cita web |título=Elargissement de la sortie ouest de la ville : le ministre des Infrastructures et le maire de Ouagadougou sur le site |url=http://www.mairie-ouaga.bf/detailnews.php?id=52 |fechaacceso=21 de julio de 2013 |obra=mairie-ouaga.bf |idioma=francés |urlarchivo=https://web.archive.org/web/20131228021127/http://www.mairie-ouaga.bf/detailnews.php?id=52 |fechaarchivo=28 de diciembre de 2013
- ↑ Cita web |url=http://www.gouvernement.gov.bf/spip.php?article561 |título=L’Hôpital National Blaise Compaoré officiellement inauguré |obra=Gobierno de Burkina Faso |fecha=27 de octubre de 2010 |fechaacceso=15 de julio de 2013 |idioma=francés
- ↑ Cita web |url=http://www.zedcom.bf/hebdo/op680/4.php |título=Hôpital National Blaise Compaoré. Le joyau tant attendu es là |obra=L'Opinion |fecha=27 de octubre de 2010 |fechaacceso=15 de julio de 2013 |idioma=francés |fechaarchivo=4 de junio de 2015 |urlarchivo=https://web.archive.org/web/20150604060449/http://www.zedcom.bf/hebdo/op680/4.php |deadurl=yes
- ↑ Cita web |url=http://pediatrieburkinafaso.wordpress.com/ |título=Le Projet |obra=Aide pour l'hôpital Pédiatrique CDG |fechaacceso=15 de julio de 2013 |idioma=francés
- ↑ Portal cultural de Uagadugú. Consultau el 22 de juliu de 2013
- ↑ Cita web |url=http://es.soccerway.com/teams/burkina-faso/asfa-yennega/3874/ |título=AS DU FASO-YENNENGA |fechaacceso=21 de julio de 2013 |editorial=soccerway.com
- ↑ «AS SONABEL». ceroacero.es. Consultado el 21 de julio de 2013.
- ↑ «COMMUNE FOOTBALL CLUB». soccerway.com. Consultado el 21 de julio de 2013.
- ↑ «RAIL CLUB DE KADIOGO». soccerway.com. Consultado el 21 de julio de 2013.
- ↑ «SANTOS FC». soccerway.com. Consultado el 21 de julio de 2013.
- ↑ «UNION SPORTIVE DE OUAGADOUGOU». soccerway.com. Consultado el 21 de julio de 2013.
- ↑ «UNION SPORTIVE DES FORCES ARMÉES». soccerway.com. Consultado el 21 de julio de 2013.
Atijus esternus
[adital | adital cóigu]
En Commons ai conteníu multimedia sobre Uagadugú.- Guía de viaje y fotos de Uagadugú
