Nuversidá de Burgus

Dendi Güiquipeya
(Rederigíu dendi Universidá de Burgus)
Patio de Romeros nel Hospital del Rey, sé dela Nuversidá de Burgus

La Nuversidá de Burgus es una nuversidá hundá en 1994 comu escisión dela Nuversidá de Valladolís a partil del campus qu'ésta tinia ena ciá de Burgus.

Centrus[Edital | Editá'l códigu]

La Nuversidá de Burgus tien 5 centrus propius:

  • Facultá de Cencias ([1])
  • Facultá de Cencias Económicas i Impresarialis ([2])
  • Facultá de Derechu ([3])
  • Facultá d'Umaniais i Eucáncia ([4])
  • Escuela Politénica Superiol ([5])

Amás, la nuversidá cuenta con otrus 3 centrus ascritus:

  • Escuela Nuversitaria d'Enfermeria ([6])
  • Escuela Nuversitaria de Relacionis Laboralis ([7])
  • Escuela Nuversitaria de Turismu ([8])

Assitiamentu[Edital | Editá'l códigu]

La Nuversidá de Burgus tieni los sus centrus assitiaus en dos campus:

  • San Amaro / Hospital del Rey: Al oesti la ciá, ena salia pola antigua carretera N620 a Valladolís. Aquí s'alcuentran el retorau, servicius centralis, biblioteca, comeol i una tupa resiencias universitárias, assín cumu las facurtais de Céncias, Céncias Económicas i Impresarialis, Derechu, Umaniais i Eucáncia, i el eificiu "La Milanera" (ondi s'alcuentra la Escuela Politénica Superiol, hormá polas escuelas ténicas d'Aparehaoris, Obras Púbricas i Caminus, Canalis i Puertus).
  • Riu Vena / Vigón: Nel centru la ciá, cercana a la salia norti direción Cantábria (Av. Cantabria, anteriolmenti Av. del General Vigón). Sei orihinal la Escuela Politénica Superiol, anteriolmenti Escuela Univelsitária Politénica dependienti e Valladolís, i embrión de la univelsiá atual. Aquí tamién s'alcuentran las dependencias la UNED.

Hospital del Rey[Edital | Editá'l códigu]

El Hospital del Rey, assitiau unta el Caminu de Santiagu, hue hundau por Afonsu VIII en 1195. Dependienti el Monesteriu Santa María la Real de Las Huelgas, costituía un gran centru d'acogía de peregrinus. Junta la su entrá prencipal, la Puerta de Romeros, s'encuentra la Ermita de San Amaro i el cementeriu ondi s'enterraba alos peregrinus qu'espenaban.

Atualmenti, s'encuentran assitiaus allí el retorau, la Facultá de Derechu i la biblioteca antigua. Nel bellu entornu enjardinau dessisti un tableru d'axedrés, ondi en veranu s'organizan ativiais musicalis coincientis conos cursus de veranu dela nuversidá.

Atijus p'ahuera[Edital | Editá'l códigu]