Víctor Gutiérrez Santiago

Víctor Gutiérrez
	; Víctor Gutiérrez en 2023
Información pressonal
Nombri de nacencia	Víctor Gutiérrez Santiago
Nacencia	6 de marçu de 1991 (34 años); Madrid (España)
Nacionalidá	Española
Educación
Educau en	Universidad Rey Juan Carlos
Información prehessional/profissional
Oficiu	Waterpolista y políticu
Cargus acupaus	Deputau d'España (desde 2023)
Sitiu web	www.victorgs.com
Correúra deportiva
Deporti	Waterpolo
	[editar datos en Wikidata]

Víctor Julián Gutiérrez Santiago (Mairil, 6 de marçu de 1991) es un waterpolista i políticu español, biembru dela seleción española i del Real Canoe Natación Club. Dendi 2021 es Segretariu de Políticas LGTBI del Partíu Socialista Obreru Español. En 2023 tomó el cargu de diputau nacional ena XV legislatura.

Biografía

Encetó a jugal al waterpolu nel Clú Natación La Latina alos 8 añus. Con 16 ingresó nel Centru d'Altu Rendimientu (CAR) deportivu de Mairil, ondi encetó a compaginal el su desenvolvimientu comu deportista cola su formación académica. Alos 18 añus fichó pol clú mairileñu Real Canoe Natación Club, firmandu el su primel contratu comu profissional. Nel Real Canoe hue capitán del equipu duranti 4 añus, dendi el añu 2015 ata la su marcha en 2019. Endispués de 10 añus nel equipu mairileñu, siendu las tres úrtimas temporás el mássimu goleaol dela competición nacional, en mayu de 2019 ficha pol Club Natació Terrassa.^[1], ondi juega ata otubri de 2021. Tras el su nombramientu políticu rescindió el su contratu col clú, i jugó el restu dela temporá nel C.N La Latina, el clú delos sus oríginis. Al finalizal la temporá, reguarda al Real Canoe N.C, ondi milita ogañu.

Tien los títulus de subcampeón d'Uropa sub-18, subcampeón del mundu sub-20, subcampeón dela Copa del Rei en 2013 i 2020, i á síu el mássimu goleaol dela Devisión d'Onol española las temporás 2016/17, 2017/18 i 2018/19. Á síu entrenacional en más de 70 ocasionis cola Seleción de waterpolu d'España, aviendu disputau el Mundial del añu 2017 en Budapest.

Ativista LGTBI

Hizu púbrica la su omosessualidá nuna entrevista en 2016 ena revista Shangay Express,^[2] lo que le convirtió nel primel deportista d'éliti de deporti d'equipu en palral abiertamenti dela su orientación sessual i hazel-si visibli. Essi mesmu añu, hue encluyíu ena lista de Los 50 omosessualis más enflujentis d'España de El Mundo, nel puestu 47.^[3]

Duranti la temporá 2021/22, sufrió insultus omófobus mientras competía. Víctor Gutiérrez denunció los hechus a través d'un videu enas sus redis socialis. Tras ellu, la Real Federación Española de Natación (RFEN), abrió un procesu d'investigación pa esclarecel los hechus.

Finalmenti, el 30 d'abril de 2021, la RFEN sancionó al waterpolista serbiu, Nemanja Ubovic, del CN Sabadell, pol insultus omófobus contra Víctor Gutiérrez. Hue un sucessu estoricu, al sel la primel sanción pol omofobia nel deporti en España.^[4]

La su labol comu ativista LGTBI+ dentru del mundu del deporti l'á hechu sel premiau i galardonau en abondas ocasionis. Algunas delas distincionis más destacás son el Premiu ala Diversidá nel Deporti enos II Premius Alan Turing, o el Premiu ala Visibiliá nel Deporti concedíu pol Mairil Diversa, entri otrus. Dendi el añu 2016 á síu encluyíu ininterrumpidamenti ena lista delas "100 pressonas LGTBI más enflujentis d'España" publicá pol diariu El Mundo.Prantilla:Cr

Hormau comu educaol en Deporti i Diversidá pola Comunidá de Mairil, es un conferencianti especializau en materia LGTBI. Á calavorau dandu charlas i formacionis con ayuntamientus, federacionis deportivas i con empresas comu ING, Google, Correus o Renault entri muchas sotras.Prantilla:Cr

En 2022 publicó el su primel libru, Balón amarillu, bandera arcoíris, nel que relata la su estoria i las sus vivencias comu deportista omosessual ena éliti, i reflessiona sobri las barreras i dificurtais alas que el coletivu s'enfrenta nel ámbitu deportivu.^[5]

Saltu ala política

El 17 d'otubri de 2021, hue nombrau Secretariu de Pulíticas LGTBI del PSOE pol Secretariu General del partíu, Pedro Sánchez, duranti el 40 congressu que se celebró en Valencia.^[6]

El 5 de diziembri de 2023 tomó el cargu de diputau pol Mairil delas Cortis Generalis ena XV legislatura,^[7] en sustitución de Óscar López Águeda.^[8]

Maestrança

Es dobli graduau en Pediorismu i Comunicación Udiovisual pola Nuversidá Rey Juan Carlos, tien un Máster en Comunicación Corporativa, Eventus i Protocolu pol ESERP, i un MBA pola UCAM.

Polémica pol dichus sobri inmigrantis

En abostu de 2025, los dichus de Gutiérrez sobri los inmigrantis duranti la su participación nel programa En boca de todos generarun controversia, aluegu endispués de que respondiera ala propuesta de deportacionis masivas cola frasi: «¿Quién le va a limpial el culu alos agüelus?», siendu catalogau de clasista i racista.^[9]

Publicacionis

Balón amarillu, bandera arcoíris

Referencias

↑ diarideterrassa Gutiérrez ficha pol CN Terrasa
↑ «Víctor Gutiérrez: “Como deportista homosexual, siento la responsabilidad de dar la cara”». La Vanguardia. 26 de mayu de 2016. Consultau el 19 de noviembri de 2016.
↑ «Los 50 homosexuales más influyentes de 2016 - 47. VÍCTOR GUTIÉRREZ.». ELMUNDO. 2016-06-25. Consultau el 2023-12-10.
↑ «Primera sanción por homofobia en el deporte español profesional». La Vanguardia. 2021-04-30. Consultau el 2022-10-24.
↑ «Balón amarillo, bandera arcoíris». MARCA. 2022-09-28. Consultau el 2023-12-05.
↑ «El PSOE celebra su 40º Congreso en Valencia». eldiario.es. 16 d'otubri de 2021. Consultau el 17 d'otubri de 2021.
↑ «El waterpolista Víctor Gutiérrez, nuevo diputado por Madrid». MARCA. 2023-12-05. Consultau el 2023-12-05.
↑ «Víctor Gutiérrez Santiago - XV Legislatura - Congreso de los Diputados». www.congreso.es. Consultau el 2023-12-05.
↑ Fdez-Chillón, Ramiro. 22 d'abostu de 2025. «Víctor Gutiérrez, el diputado del PSOE que relega a los inmigrantes a «limpiar culos» y que criticó a Unai Simón». El Debate. Consultau el 27 d'abostu de 2025.

Datos: Q24249975
Multimedia: Víctor Gutiérrez / Q24249975

[1] rideterrassa Gutiérrez ficha pol CN Terrasa

[2] «Víctor Gutiérrez: “Como deportista homosexual, siento la responsabilidad de dar la cara”». La Vanguardia. 26 de mayu de 2016. Consultau el 19 de noviembri de 2016.

[3] «Los 50 homosexuales más influyentes de 2016 - 47. VÍCTOR GUTIÉRREZ.». ELMUNDO. 2016-06-25. Consultau el 2023-12-10.

[4] «Primera sanción por homofobia en el deporte español profesional». La Vanguardia. 2021-04-30. Consultau el 2022-10-24.

[5] «Balón amarillo, bandera arcoíris». MARCA. 2022-09-28. Consultau el 2023-12-05.

[6] «El PSOE celebra su 40º Congreso en Valencia». eldiario.es. 16 d'otubri de 2021. Consultau el 17 d'otubri de 2021.

[7] «El waterpolista Víctor Gutiérrez, nuevo diputado por Madrid». MARCA. 2023-12-05. Consultau el 2023-12-05.

[8] «Víctor Gutiérrez Santiago - XV Legislatura - Congreso de los Diputados». www.congreso.es. Consultau el 2023-12-05.

[9] Fdez-Chillón, Ramiro. 22 d'abostu de 2025. «Víctor Gutiérrez, el diputado del PSOE que relega a los inmigrantes a «limpiar culos» y que criticó a Unai Simón». El Debate. Consultau el 27 d'abostu de 2025.

[1]

[2]

[3]

[4]

[5]

[6]

[7]

[8]

[9]