Valaquia

Valaquia
Valahia / Walachei / Wallachia / Valachie
Província istórica i geográfica
Esterior del monesteriu de Curtea de Argeș, primera capital istórica de Valaquia
Sitación geográfica
Continenti	Uropa suroriental
Coordenadas	44°26′N 26°06′E / 44.43, 26.1
Sitación alministrativa
País	Romanía
División	Județis d'Argeș, Brăila, Buzău, Călărași, Dâmbovița, Dolj, Gorj, Giurgiu, Ialomița, Ilfov, Olt, Mehedinți, Prahova, Teleorman i Vâlcea
Características geográficas
Límitis geográficus	Cárpatus (N) i ríu Danubiu (S)
Divisionis	Muntenia (u Gran Valaquia) i Oltenia (u Pequeña Valaquia)
Superfici	área km²
Otus accidentis	Gran llanura romana
Otus datus
Escudu d'armas istóricu
Bandera
Mapa de sitación
Valaquia Valaquia (Uropa)
Mapas istóricus
Sitación de Valaquia ena Romanía
La província de Valaquia, 1789

Valáquia (Prantilla:Lang-ro, dantis Walachei, Wallachia, Valachie) es una rehión estórica i geográfica del sul de Rumanía.

Etimolohia

«Valáquia» Sigún los estoriaoris Giurescu, Iorga i Xenopol, abríe teníu estoricamenti varias Valáquias: los tres prencipaus ena su mayoria de palra rumana de Transilvánia, Moldávia i Valáquia, dantis cartografiaus, respetivamenti, como «Valáquia enteriol», «Bogdano Valáquia» i «úngaro-Valáquia» i tamién como Despotau de Dobrogea, los «Vlašina», «Vlašić», «Vlahina» dela desaparecía Yugoslavia, la «Megali Valacheia» de Grecia setentrional i de Macedónia, i la «Valáquia morava» (Moravsko Valaško), al esti dela atual Repúbrica Checa. Nostanti, ai que sinyalar qu'el tres prencipaus ena su mayoria rumanófonus resurtaun dela fusión de pequeñas Valáquias dantis mas pequeñas (mentás ţări o ţinuturi nel rumano i Vlachföldek nel úngaro) como los vaivodatus o país de Maramureș, Oaş, Crasna, Lăpuş, Năsăud, Gurghiu, Bihor, Montana, Amlaş, Cibin i Făgăraş, en Transilvánia; Onutul, Străşineţul, Baia (Mulda), Soroca, Hansca, Bârladul et Tinţul (Tigheciul), en Moldávia; Severin, Motru, Jaleş, Gilort, Lotru, Argeş i Muscel, en Valáquia.

Los «valacos» son mentaus en crónicas bizantinas —como las de Teófanes el Confesol, Teofilacto Simocates, Constantinu VII, Ana Comnena, Juan Skylitzes, Georgios Kedrenos o Cécaumène—, árabis —como las de Abu al-Fida o Rashid al-Din—, ocidentalis —como Godofredo de Villehardouin o Robert de Clari—, úngaras —como la Gesta Hungarorum o los diplomas del rei Béla IV. es l'esónimu salíu dela antigua denominación delos rumanófonus qu'es «valacos».

Los territorius dondi estus vivían eran llamaus «valacos» (en prural), delos qualis la rehión de Valáquia es la única qu'á manteníu essi nomi ata ogañu. En lo que toca alos «valacos», recibin la su denominación dela parabra protogermánica Walhaz, sigún Gerhard Rohlfs: Dictionnaire étymologique P.U.F., Paris, 1950, la parabra Walach tini l'origin nel'antigua germánica Walh que senifica 'palranti duna luenga latina o celta', qu'ala su vezi provini del nomi dun puebru celta: los volcos. Walach tamién desinyó alos celtas: los Welsh [galesis] anglosajonis, los Walhs delos francus. La «W» germánica da una G dura nel francés: Welsh á dau «Gales» (País de...) i Walh: «Galia». qu'el estuyosus án relacionau cola Gália romana. El patronímicu d'origin flamencu De Gaulle tamién senifica «el no germano». Wahl dio asimesmu Galles (pol Gales), pays Gallo i Gaule [Gália] nel francés de oïl, debíu a qu'en esta luenga el wa inicial i l' alh dan, respetivamenti, ga (wardan = garder, waidanjan = gagner) et aule (salh = saule): Gaule no provendríe del latín cultu Gallia, qu'en francés correnti abríe dau "Geaille" (ya qu'el latinus ga inicial i li i li danti de vocal dan en luenga de oïl ja o gea, respetivamenti. Esta parabra abríe dau igualmente Wallon i Wallonie, ya qu'essa rehión fue una delas zonas fronterizas entri los antiguus territorios celtas i germánicus (véasi nel francés: estoria del términu de Valonia). que senifica: «estranjeru» o «no germano»; assina llamaban los envasoris germánicus alos puebrus romanizaus o de palra céltica. Igual origin se cree que tenin «galés» i «valón».

Geografía

La rehión de Valáquia en Rumanía

Valáquia es la parti sul de Rumanía. S'atopa al sul delas montañas delos Cárpatus i al norti del ríu Danúbiu. La su parti sul i esti está constituía pola llanura danubiana (llanura valaca), muy plana, pero entrecalá con ríus encajaus duna docena de metrus i formandu, en argunus lugaris, lagus naturalis; la parti central i ocidental es montañosa, mentris qu'el su estremu norti enclui las estribaciones meridionalis delos Cárpatus.

El ríu Olt dividi Valáquia en dos partis: la Muntenia (o Gran Valáquia) i Oltenia (o Pequeña Valáquia). El área urbana mas grandi dela rehión es Bucarest, capital de Rumanía, pero ai muchas otras zonas muy urbanizás e endustrializás como Brăila, Ploieşti, Piteşti i Craiova.

El climi es continental con vranus calurosus i tormentosus, e enviernus muy fríus i nevaus (menus fríus duranti las úrtimas décadas); ena ciá, estus contrastis s'án acrecentau enos sigrus sigru XX i sigru XXI debíu ala pérdida d'espacios verdis i ala proliferación d'edificius artus de vídriu i hormigón.

Estoria

Ena Antigüedá, la rehión estaba poblá por tribus tracias de Dácia, que le dierun el su nomi a esta: la Dácia. El território de Valáquia s'entegró (106), en gran parti, ena província romana dela Dácia romana. Fronti alos ataquis delos carpus (dácius libris) i sármatas dendi los añus 230, i delos godus a partir delos 250, l'Empériu romano abandonó a poquinu a poquinu Dácia, i tolos demás territorios del norti del Danúbiu, dendi 256 i puru nel 275: alos sus abitantis romanizaus se les permitió establecel-si en Mesia entri los tracio-romanus. Los carpus i godus tomariun posesión dela totalidá de Valáquia. Endispués de sel atrauessau por muchos puebrus duranti las envasiones bárbaras, se establecierun ellí los búlgarus i formariun, en 681, un Estau pudurosu que s'estendió a dambos dos laus del Danúbiu: al sul del Danúbiu, l'Empériu bizantinu retomó los sus derechus, mentris qu'enel norti se instalariun los pechenegos i endispués los cumanos. Duranti la creación del Segundu Empériu búlgaru, Valáquia formó parti, de nuevu, dessi reinu qu'el crónicas dela época llamariun «Regnum Bulgarorum et Blachorum» ("Reino delos búlgarus i valacos"). Sigún las huentis bizantinas, úngaras, búlgaras i franciscanas (Guillaume de Rubrouck), la rehión se desputó a continuación entri esti reinu i el reinu de Hungría; fue goberná por príncipis (kniaz) o gobernaoris militaris (voivodas). En 1224, fue escarballá polos tártarus, i endispués d'essu, los voivodas rumanus passariun a estal bahu soberanía úngara (banato de Severin en Oltenia, voivodato de Seneslau en Muntenia), mentris qu'el valacos del sul del Danúbiu (dinastías de Deleanu, Caloian i Asen) dejariun passu a zares búlgarus (zaratos de Vidin i Tarnovo).

Prencipau de Valáquia

A partir de 1330, Valáquia, ya unificá, se convirtió nun prencipau endependienti. Pero cien añus endispués, debió aceptal convertil-si nun estau vasallu del Empériu turcu (sin chegal nunca a sel una província otomana, como marraumenti se ve ena mayoria delos atlas estóricus ocidentalis). Conservó la su autonomía, las sus leis, el su ehiército, la su frota, los sus embajaoris i los sus príncipis, siendu el mas conociu en Ocidenti Vlad III (1431-1476), que dio el su nomi al personahi del Conde Drácula. I a vezis hizun la guerra al su soberanu, el sultán turcu: assina, el príncipi Miguel el Valienti unió cortu en 1600 los prencipaus de Valáquia, Transilvánia i Moldávia. Dendi 1716, los sultanes turcus prencipiariun a nombral ellus mesmus los príncipis (dantis elegíus pola nobleça rumana) entri los griegos otomanus «phanariotes», provocandu el descontentu dela puebración autóctona. El gobiernu delos fanariotas chegu al su fin en 1821, endispués dela revolución liderá por Tudor Vladimirescu. En 1831 s'aprobó un "reglamentu orgánicu" pa Valáquia i formó, en 1859, junta con Moldávia, los Prencipaus Unius de Moldávia i Valáquia teniendu como cabeça a Alejandro Juan Cuza. Esti declaró la endependéncia del nuevu estau —Rumanía— el 24 de diciembri de 1861, pero esta endependéncia de facto no sedríe reconocía de jure ata el fin dela guerra ruso-turca (1877-1878) i los trataus de San Stefano i de Berlín.

Puebración

Puebración estórica

Los estoriaoris contemporáneus estimas que la puebración de Valaquina nel sigru XV era de 500.000 pressonas. En 1859, la puebración de Valáquia era de 2.400.921 (1.586.596 en Muntênia i 814.325 en Oltênia).

Puebración atual

D'acuerdu colos últimos datus del censu de 2011, la región tieni una puebración total de 8.256.532 abitantis, distribuius entri los seguintis grupus étnicus (conformi al censu de 2001): rumanus (97%), gitanus (2,5%), otrus (0,5%).

Ciais

Las mayoris ciais, sigún el censu de 2011 ena región son:

• Bucarest (1.883.425)
• Craiova (269.506)
• Ploieşti (209.945)
• Braila (180.302)
• Piteşti (155.383)
• Buzău (115.494)
• Drobeta-Turnu Severin (92.617)
• Râmnicu Vâlcea (92.573)

• 
  Bucareste
• 
  Craiova
• 
  Ploieşti
• 
  Braila
• 
  Piteşti
• 
  Buzău
• 
  Drobeta-Turnu Severin
• 
  Râmnicu Vâlcea
• 
  Târgoviște
• 
  Târgu Jiu
• 
  Călăraşi
• 
  Giurgiu
• 
  Caracal
• 
  Câmpina
• 
  Râmnicu Sărat
• 
  Calafat
• 
  Câmpulung
• 
  Calímonești
• 
  Curtea de Argeș
• 
  Sinaia

Referencias

Bibliografia

• Berza, Mihai. "Haraciul Moldovei și al Țării Românești în sec. XV–XIX", in Studii și Materiale de Istorie Medie, II, 1957, pp. 7–47.
• Brătianu, Gheorghe I (1980). Tradiția istorică despre întemeierea statelor românești (The Historical Tradition of the Foundation of the Romanian States). Editura Eminescu.
• Prantilla:Cite book
• Djuvara, Neagu. Între Orient și Occident. Țările române la începutul epocii moderne, Humanitas, Bucharest, 1995.
• Giurescu, Constantin. Istoria Românilor, Vol. I, 5th edition, Bucharest, 1946.
• Giurescu, Constantin. Istoria Bucureștilor. Din cele mai vechi timpuri pînă în zilele noastre, ed. Pentru Literatură, Bucharest, 1966.
• Ștefănescu, Ștefan. Istoria medie a României, Vol. I, Bucharest, 1991.
• Prantilla:Citar periódico.
• Prantilla:Citar livro.