Vicente Aleixandre
| Vicente Aleixandre | ||
|---|---|---|
 | ||
| Información pressonal | ||
| Nombri de nacencia | Vicente Pío Marcelino Cirilo Aleixandre y Merlo | |
| Nacencia |
26 d'abril de 1898 Sevilla (España) | |
| Muerti |
14 de diziembri de 1984 (86 años) Madrid (España) | |
| Causa de muerti | Tuberculosis | |
| Sepoltura | Cementerio de La Almudena | |
| Nacionalidá | Española | |
| Lengua materna | Castellanu | |
| Educación | ||
| Educau en | Residencia de Estudiantes | |
| Información prehessional/profissional | ||
| Oficiu | Poeta, escrevienti y profesor | |
| Ária | Poesia | |
| Cargus acupaus | Miembro de la Real Academia Española (1950-1984) | |
| Movimientu | Generación del 27 | |
| Destincionis |
| |
Vicente Aleixandre i Merlo (Sevilla, 26 d'abril de 1898 — Mairil, 13 de diziembri de 1984) fue un poeta español dela llamá Generación del 27. Fue académicu dela Real Academia Española dendi 1950, ocupandu el sillón dela letra O.[1]
Obtuvu el Prémiu Nacional de Literatura en 1933 por La destrucción o el amor,[2] el Prémiu dela Crítica en 1963 por En un vasto dominio i en 1969 por Poemas dela consumación,[3] assin comu el Prémiu Nobel de Literatura en 1977.
Biografía
[adital | adital cóigu]Iju duna familia dela burguesía española, el su pairi fue engenieru de caminos de hierru. Tuvu nacencia en Sevilla en 1898, inque pasó la su enfancia en Málaga, ondi fue colega d'escuela del futuru escritol Emilio Prados.
Se muó pa Mairil ondi cursó Derechu i Comérciu. En 1919 se licencia en Derechu i obtén el títulu d'intendente mercantil. Exerci funcionis de professol de Derechu Mercantil a partil de 1920 ata 1922 ena Escuela de Comérciu.
En 1917 conoció a Dámaso Alonso en Las Navas del Marqués, ondi veraneaba, i al través deste contatu destapa a Rubén Darío, Antonio Machado i Juan Ramón Jiménez. Prencepia deste mou una prohunda passión pola poesía.
La su salú prencepia a deterioalsi en 1922. En 1925 le diagnosticun una nefriti tuberculosa, que termina cola extirpación dun riñón, operación realiçá en 1932. Publica los sus primels poemas ena "Revista de Occidente" en 1926. Conoci i se hadri amigu de Luis Cernuda, Manuel Altolaguirre, Rafael Alberti i Federico García Lorca, nombris qu'él va almiental nel su discursu d'agradecimientu al Prémiu Nobel de Literatura.[4]
Con probremas de salú, endispués dela Guerra Civil Española i col advenimientu dela ditadura no se exila, a pesar delas sus ideas repubricanas. Permaneci ena España, i se transforma nun delos maestrus i exempru palos poetas jóvenis.
Convirtió la su gran casa dela Calle Velintonia (ogañu Calle Vicente Aleixandre),[5] en Mairí, nun rincón de libertá en metá dela represión dela ditadura, una especi de "exíliu" enteriol pal escritol i los sus amigus artistas i intelectualis.[6]
Segundú el professol Carl W. Cobb, dela Nuversidá del Tennessee [7], Aleixandre puei sel comparau a Walt Whitman: "Como Whitman, Aleixandre es un poeta d'una visión telúrica i cósmica, del panteísmu místicu, del imaginariu eróticu del cuerpu, del tema revolucionariu, del velsu libri maciçu."Prólogu dela edición de A destruição ou o amor: [8]
Está aterrau nel Cimenteriu de La Almudena.
Obra poética
[adital | adital cóigu]La su obra poética presenta varias etapas: pura, surrealista, i de viejera. Amás esti personahi mos muestra el verdaeru rostru delas pressonas enos sus devessus poemas comu el de «vinieras i te fueras dulcementi».
Poesía pura (1924-1927)
[adital | adital cóigu]El su primel libru, Ámbitu, compuestu entri 1924 i 1927 i publicau en Málaga en 1928, es la obra dun poeta incipienti, qu'entavía no tién topau la su propia vos. Predomina el velsu cortu asonantau i la estética dela Poesía pura de Juan Ramón Jiménez i de Jorge Guillén, amás d'ecos del Ultraísmu i dela poesía clásica española del Sigru d'Oru, en especial Frai Luis de León i Góngora.
Poesía surrealista (1928-1932)
[adital | adital cóigu]Enos años siguientis, entri 1928 i 1932, se produzi un cambiu radical ena su concepción poética. Inspirau polos preculsoris del Surrealísmu (en especial por Arthur Rimbaud i Lautréamont) i por Freud, adoptó comu forma d'espresión el Poema en prosa (Pasión dela Tierra, de 1935), el Velsu libri, i procedimientus plenamenti surrealistas comu el Versículu i la Imahin visionaria (Espás comu lábius, de 1932; La destrución o el amol, de 1935, Sombra del Paraísu, de 1944). La estética destos poemarius es irracionalista, i l'espresión s'aserca ala Escritura automática, inque sin acetal la mesma comu dogma de fe. En línia col Surrealísmu, el poeta no asumi tradición denguna, ni siquiá la métrica, i se libera, de muera qu'inclusu el su amigu Luis Cernuda puu dezil: "El su velsu no se pareci a ná". I en efetu el su estilu aporta novedais estilísticas inéditas comu el Símil enversu (Espás comu lábius) o el nexu desyuntivu equivalenti (La destrución o el amol), la Hipérboli suma, el Símbolu oníricu no codificau, enriqueciendu definitivamenti las possibilidais estilísticas dela luenga poética española, comu nun tiempu pasau hizun Garcilaso, Góngora i Rubén Darío, cada unu dellos un gran renovaol del luengahi líricu. El poeta celebra el amol comu fuerça natural ingovernabli, que destruyi todas las llimitaciones del sel umanu, i critica los convencionalismus colos que la sociedá intenta apresalu. La su estética es del Materialísmu i dun Pesimísmu cósmicu, al contrariu del otimísmu de Jorge Guillén; asumi la Mortalidá del endividuu comu una fusión ena naturaleza duna forma profundamenti umana.
Poesía antropocéntrica (1939-1968)
[adital | adital cóigu]Tras la guerra cevil española, la su obra cambió, asercandu-si alas preocupacionis dela poesía social imperanti. Dendi una posición solidaria aborda la vida del omri común, los sus sufrimientus i ilusionis. El su estilu se hazi más sencillu i acesibli. Dos son los librus hundamentalis desta etapa: Estoria del coraçón, de 1954 i En un vastu dominiu, de 1962.
Poesía de viejera (1968-1984)
[adital | adital cóigu]Enos sus úrtimus librus (Poemas dela consumación, de 1968, i Diálogus del conocimientu, de 1974) el poeta inicia el su ciclu de senectute i el su estilu vuelvi a dal un hiru volviendu a procedimientus que recuerdan el su Surrealísmu inicial. L'esperiencia frustrante del passu del tiempu («o tardi, o prontu, o nunca»), dela viejera (nel su poema «Comu Moisés es el viehu» i otrus) i dela sercanía dela muerti lo llevan a repranteal-si el su irracionalísmu juvenil, inque ya nuna modalidá estremadamenti depurá, meditativa i serena. Utiliza un comprehu Conceptísmu estilísticu qu'oponi concetus comu miral / vel, conocel / sabel i usa los tiempos verbalis i la metáfora negativa pa crial distanciamientu: "Tuvu nacencia, i no supu. / Respondió, i no tién palrau". El segundu, comu el su propiu títulu indica, contién Diálogus entablaus entri personahis simbólicus sumamenti abstratus. A estus dos títulus canónicos, estu es, delos publicaus en vida pol propiu poeta, podría añaldil-si un terceru, En gran nochi, d'aparición póstuma, en 1991, que recohi poemas no incluíus enos dos librus anterioris i ena su mesma línia metafísica i reflexiva.
Librus de prosa i poesía
[adital | adital cóigu]Ámbitu, Málaga (6.º Suplemento de Litoral), 1928.
Espás comu lábius, M., Espasa-Calpe, 1932.
La destrución o el amol, M., Signo, 1935 (Prémiu Nacional de Literatura 1934).
Pasión dela tierra, Méxicu, Fábula, 1935 (2.ª edición aumentá: Mairí, Adonais, 1946).
Sombra del Paraísu, M., Adán, 1944.
Ena muerti de Miguel Hernández, Zaragoza, Quadernu delas Horas Situás, 1948.
Mundu a solas. Cun retratu i seis dibujus de Gregorio Prieto M., Clan, 1950.
Poemas paradisíacus, Málaga, El Arroyo delos Ángelis, 1952.
Nacimientu úrtimu, M., Ínsula, 1953.
Estoria del coraçón, M., Espasa-Calpe, 1954.
Ciá del Paraísu, Málaga, Dardo, 1960.
Poesías completas, M., Aguilar, 1960. (Edic. del propiu autor i Arturo del Hoyo)
En un vastu dominiu, M., Revista de Occidente, 1962 (Prémiu dela Crítica).
Retratus con nomi, B., Col. El Bardo, 1965.
Obras completas, M., Aguilar, 1968 (2.ª edición aumentá: 1977).
Poemas dela consumación, B., Plaza y Janés, 1968 (Prémiu dela Crítica).
Poesía surrealista. Antología, B., Barral, 1971.
Soníu dela guerra, Valencia, Hontanar, 1971.
Diálogus del conocimientu, B., Plaza y Janés, 1974.
Tres poemas seudónimus, Málaga, Col. Juan de Yepes, 1984.
Nuevus poemas varius, B., Plaza y Janés, 1987. (Edic. Alejandro Duque Amusco; recopilación: el mesmu i Irma Emiliozzi)
Prosas recobrás, B., Plaza y Janés, 1987. (Edic. Alejandro Duque Amusco)
En gran nochi. Úrtimus poemas, B., Seix Barral, 1991. (Edic. de Carlos Bousoño i Alejandro Duque Amusco)
Álbum. Velsus de joventú (con Dámaso Alonso i otrus), B., Tusquets, 1993 (Edic. de Alejandro Duque Amusco i María-Jesús Velo).
Prosa: Los alcuentrus. Evocaciones i pareceris. Otrus apuntis pa una poética, M., Austral, 1998 (Edic. Alejandro Duque Amusco)
Poesías completas, M., Visor/Comunidá de Mairí/Ayuntamientu de Málaga, 2001 (Edic. de Alejandro Duque Amusco).
Prosas completas, M., Visor/Comunidá de Mairí/Ayuntamientu de Málaga, 2002 (Edic. de Alejandro Duque Amusco).
Artículus i escritus
[adital | adital cóigu]Los alcuentrus: Rubén Darío nun puebru castellanu (Revista de Occidente, huniu de 1963).Véasi el comentariu de Miguel García-Posada en Blanco y Negro Cultural, 28-12-2002.
Correspondencia ala Generación del 27 (1928-1984).Véasi el comentariu de Miguel García-Posada en ABC Cultural, 24-11-2001.
Obras de poesía
[adital | adital cóigu]Ámbitu, Málaga (6.º Suplementu de Litoral), 1928.
Espadas como lábios - nel original Espadas como labios, M., Espasa-Calpe, 1932.
La destrucción o el amor, M., Signo, 1935 (Prémiu Nacional de Literatura 1934).
Pasión de la tierra, México, Fábula, 1935
Sombra del Paraíso, M., Adán, 1944.
En la muerte de Miguel Hernández, Zaragoza, Cuaderno de las Horas Situadas, 1948.
Mundo a solas, M., Clan, 1950.
Poemas paradisíacos, Málaga, El Arroyo de los Ángeles, 1952.
Nacimiento último, M., Ínsula, 1953.
Historia del corazón, M., Espasa-Calpe, 1954.
Ciudad del Paraíso, Málaga, Dardo, 1960.
Poesías completas, M., Aguilar, 1960. (Edic. del própiu autol i Arturo del Hoyo)
En un vasto dominio, M., Revista de Occidente, 1962 (Prémiu dela Crítica).
Retratos con nombre, B., Col. El Bardo, 1965.
Obras completas, M., Aguilar, 1968
Poemas de la consumación, B., Plaza y Janés, 1968 (Prémiu dela Crítica).
Poesía surrealista. Antología, B., Barral, 1971.
Sonido de la guerra, Valencia, Hontanar, 1971.
Diálogos del conocimiento, B., Plaza y Janés, 1974.
Tres poemas seudónimos, Málaga, Col. Juan de Yepes, 1984.
Nuevos poemas varios, B., Plaza y Janés, 1987. (Edic. Alejandro Duque Amusco; recopilación: el mesmu i Irma Emiliozzi)
Prosas recobradas, B., Plaza y Janés, 1987. (Edic. Alejandro Duque Amusco)
En gran noche. Últimos poemas, B., Seix Barral, 1991. (Edic. de Carlos Bousoño i Alejandro Duque Amusco)
Álbum. Versos de juventud (con Dámaso Alonso i otrus), B., Tusquets, 1993 (Edic. de Alejandro Duque Amusco i María-Jesús Velo).
Prosa: Los encuentros. Evocaciones y pareceres. Otros apuntes para una poética, M., Austral, 1998 (Edic. Alejandro Duque Amusco)
Poesías completas, M., Visor/Comunidá de Mairí/Ayuntamiento de Málaga, 2001 (Edic. de Alejandro Duque Amusco).
Prosas completas, M., Visor/Comunidá de Mairí/Ayuntamiento de Málaga, 2002 (Edic. de Alejandro Duque Amusco).
Referencias
[adital | adital cóigu]- ↑ cita web|título=Vicente Aleixandre|url=https://www.rae.es/academico/vicente-aleixandre|editorial=Real Academia Española|fechaacceso=18 d'abril de 2023
- ↑ Calderón, 2016, p. 223
- ↑ cita web|título=Vicente Aleixandre. Premios|url=https://www.cervantes.es/bibliotecas_documentacion_espanol/biografias/tetuan_vicente_aleixandre_premios.htm|editorial=Instituto Cervantes|fechaacceso=18 d'abril de 2023
- ↑ https://www.nobelprize.org/prizes/literature/1977/aleixandre/25770-vicente-aleixandre-nobel-lecture-1977/
- ↑ https://cvc.cervantes.es/literatura/escritores/aleixandre/sanz.htm
- ↑ https://www.elmundo.es/madrid/2024/01/30/65b8ff62e9cf4ab92d8b45a5.html
- ↑ https://mellenpress.com/author/carl-w-cobb/4315/
- ↑ https://www.istoedicoes.com.br/produtos/vicente-aleixandre/
- ↑ .Obra citada|título=Poesía - 'Poesía Completa' de Vicente Aleixandre|idioma=es|url=https://www.rtve.es/alacarta/videos/telediario/poesia-completa-vicente-aleixandre/4424950/|fechaacceso=2021-04-15|fecha=2018-01-16
- ↑ Cita web|url=https://www.lasexta.com/ahoraqueleo/libros/visitar-todos-cielos-vicente-aleixandre_202005205ecae57a12cd420001b1813e.html|título=Visitar todos los cielos - Vicente Aleixandre: Autor, sinopsis, editorial y toda la información|fechaacceso=2021-04-15|fecha=2020-05-24|sitioweb=AhoraQueLeo|idioma=es
Atijus esternus
[adital | adital cóigu]- Prantilla:Link
- Biografía sumaria.
- Biografía i poemas ena página d'António Miranda.