Windhoek

Windhoek
Capital de Namibia
Bandera Escudo
Prantilla:Mapa de localización Localización de Windhoek en Namibia
Prantilla:Mapa de localización Localización de Windhoek en África
Coordenadas	22°34′12″S 17°05′01″E
Entidad	Capital de Namibia
• País	Prantilla:Geodatos Namibia
• Región	Khomas
Alcalde	Matheus Shikongo (SWAPO)
Superficii
• Total	645 km²
Altol
• Media	1.650 m s. n. m.
Puebración (2020)
• Total	325,800 hab.
• Densidá	356,6 hab/km²
Huso horario	UTC+1 (WAT)
• en verano	UTC+2 (WAST)
Código postal	10000, 10005, 10015, 10012
Código de área	61
Sitio web oficial

Windhoek (Prantilla:Lang-en, Prantilla:AFI-en; de 1903 a 1917 Prantilla:Lang-de, Prantilla:AFI-de, Prantilla:Lang-pt) es la capital de Namibia. L'nombri puéi derival del afrikán Wind-Hoek («esquina del vientu») u delas montañas Winterhoek. Tié una puebración qu'alcança los Prantilla:Unidad en 2020 (el 15.7 % dela puebración del país) afrikaneris (6 %), mestizus (basters y coloureds, 11 %), asiáticus (7 %), ovambus, hererus y toas las otras énias nativas. Es el centru políticu, económicu y comercial (especializau en pielis d'ovejas) del país.

Windhoek fue en los sus orígenis el centru de mandu dun jefi nama que derrotó a los habitantis hererus dela región nel sigru XIX. L'Imperiu Alemán ocupó la región en 1885, y se trasfurmó nel assientu del régimu colonial en 1892 comu la capital dela colónia d'África del Sudoesti Alemana (Deutsch-Südwestafrika). Duranti la Primel Guerra Mundial, Windhoek fue capturá pol tropas sudafricanas y se convirtió en un domiñu británicu. Ata la endependencia de Namíbia, proclamá en 1990, la ciá de Windhoek fue reconociá comu la capital d'África del Sudoesti administrá pol el Gobiernu sudafricanu.

Etimulogía

Las teorías varian en alreol de cómu la ciá tuvu el su nombri moernu de Windhoek. La mayol parti créin qu'está derivau delas palras afrikán wind 'vientu' y hoek 'esquina'. Otra teoría sugieri que'l Capitán Jonker Afrikaner nombró a Windhoek endispués delas Montañas Winterhoek en Tulbagh nel Sudarfrica, ondi los sus ancestris avían vivíu. La primel mención conociá del nombri Windhoek fue en una carta dendi Jonker Afrikaner a José Tindal, fechá 12 d'abostu de 1844.

Al prencepiu dela colónia alemana eran gastás pala ciá las formas d'escrebil Windhuk comu tamién Windhoek qu'eran gastás d'igual forma. Nel deslinde de Klein Windhoek fue gastau tamién Groß-Windhoek (u Groß Windhoek) comu nombri la ciá. Pol mandau del goviernu publicau pol Theodor Leutwein con efeutu dendi'l 14 de mayu de 1903 fue determiau Windhuk comu'l únicu nombri oficial dela ciá. En 1918 fue cambiau el nombri oficial dela ciá a Windhoek, mientris que n'alemán entovía se mantuvu comu una léngua oficial del país. Nel usu la palra alemana fueraparti de Namibia se gasta nostanti entovía la forma d'escrebil Windhuk. Es la horma d'escrebil oficial del Ministeriu d'Asuntus Esterioris.

Estoria

Windhoek a finalis del sigru XIX

Windhoek denantis de 1908

Sellu de África Sorocidental Alemana, col nombri de Windhuk

Sanderburg, unu delos tres castillus de Windhoek

La ciá de Windhoek es tradicionalmenti conociá pol dos nombris: ǀAiǁGams, del puebru nama, que literalmenti refieri a las fuentis d'áuguas termalis que antañu se toparun en Windhoek, mientris qu'el segundu nombri, Otjomuise, fue dau pol el puebru hereru, senificandu «lugal de vapor». Dambus dos nombris tradicionalis refierin a los manantialis termalis.

Los primelis assientus de Windhoek tuvun essitu debíu al áugua de los manantialis termalis. A meyaus del sigru XIX el Capitán Jan Jonker Afrikaner s'estableció cerquina duna delas fuentis termalis prencipalis, localizás nel Klein-Windhoek atual, un barriu residencia de crassi alta de Windhoek.

Las teorías varian en alreol dela derivaura del nombri tradicional Ai-Gams/Otjomuise al atual de Windhoek. La teoría con mayol açetación es qu'el nombri deriva dela palra afrikán Wind-hoek, que se pué traduzil comu «la esquina del vientu». Tamién se piénsa que los afrikaneris la nombrarun assín polas Montañas de Windhoek, en Sudarfrica, ondi los antañu pobladoris afrikaneris avían vivíu. En aquil tiempu Windhoek era el puntu de contautu entri los guerrerus namas, conducíus pol Jan Jonker Afrikaner, y el puebru hereru.

En Windhoek, los afrikaneris costruyerun una ilesia de piedra que cobijó a 500 pressonas y que tamién fue gastá comu una escuela. Dos misionerus orígen dela Renánia, Ugu An y Enricu Cleinschmit, començarun a trebajal allí ena décaa de 1840 y fuerun sucedíus más tardi pol dos metodistas. S'empeçarun a cultivas algunus güertus y duranti un tiempu Windhoek se convirtió en una ciá próspera, inque las guerras entri los nama y los hereru acabarun pol afetar nel municipiu. Endispués duna larga auséncia, en 1873, An visitó Windhoek de nuevu y queó consternau al vél que ná permaneció dela antañu prosperiá dela ciá. En junetu de 1885, un botánicu proceenti de Suíça topó solamenti chacalis y gallinas de Guínea ambrientas entri árvolis frutalis descuidaus.

La época colonial alemana

En 1878 l'Imperiu Británicu s'apoderó de Walvis Bay y la encorporó ala Colónia del Cabu en 1884; nostanti, los británicus no estavan enteressáus en aumantal su enfluéncia n'África. Una petición de comerciantis establencíus ena ciá de Lüderitz facilitó la proclamación dun protectorau alemán sobri la región en 1884. U la región no fue reclamá pola Corona portuguesa, probabilmenti pol estal enclavá nel meyu del desiertu de Namíbia.

En 1840 llegarun los alemanis, que tomarun posesión del territoriu y lo colonizarun, nombrándolu comu África del Sudoesti Alemana en 1884. El severu régimu colonial conllevó la confiscación y la violéncia contra la puebración autóctona. La sublevación d'algunus grupus étnicus fue reprimía brutalmenti, ruchándusi la denominación del primel genocídiu del sigru XX.

La colónia alemana tuvu nacéncia cola delimitación delas sus rayas en 1890 y s'envió dendi Alimaña un ejércitu protector, llamau el Schutztruppe, baju las órdinis del Comandanti Curt von François, pa manténel l'ordin. Von François apostó la su guarnición en Windhoek, la qual estaba estratégicamenti assitiá comu un parachoquis entri los nama y los hereru, mientris qu'una docena de cargáus manantialis proporcionarun l'áugua neceçária pal cultivu delos alimentus.

La ciá atual de Windhoek fue fundá el 18 d'otubri de 1890, quandu Von François pusu la primel piedra dela fortaleza militar alemana, agora conociá comu la Alte Feste (Vieja Fortaleza). Duranti los siguientis 14 añus, Windhoek se desenvolvió lentamenti, solamenti con unus pocuos edificius oficialis y privaus en pi. Nel Klein-Windhoek, las parcelas fuerun asignás a los pobladoris que començarun a cultivas la tierra en chiquenina escala con fruta, tabacu y ganau vacunu.

Endispués de 1907, el desenvolvimientu s'aceleró quandu los pobladoris dela costa s'establecierun en Windhoek, assín comu cola llegaura d'algunus emigraus del esterior. Hubu tamién un crecienti fluju de colonus ocidentalis que llegarun de Alimaña y de Sudarfrica. S'erigierun negocis ena calli Kaiser, ogañu Avenida dela Endependéncia, y a lo largu del cerru montañosu dominanti sobri la ciá.

La era colonial alemana finalizó duranti la Primel Guerra Mundial, quandu las tropas sudafricanas ocuparun, en nombri delos británicus, la ciá de Windhoek en mayu de 1915. Duranti los siguientis cincu añus, un gobiernU militar administró l'África del Sudoesti. La ciá de Windhoek y dela nación que más tardi iba a sel conociá comu Namíbia tuvu un virtual estancamientu. Endispués dela Segunda Guerra Mundial, el desenvolvimientu de Windhoek ganó un ímpetu gradual. Endispués de 1955, grandis proyectus púbricus fuerun emprendíus. Tras la invasión sudafricana y ata el final dela guerra, la ciá fue administrá pol un gobiernU militar sudafricanu, y no se produju nengún desenvolvimientu adicional.

En 1971, los trabajadoris contrataus generalis de Namíbia partirun de Windhoek col pesqui d'abolil el sistema de trebaju contratáu, oponel-si al apartheid y promovel la endependencia de Namíbia.

A partil dela endependencia

Tras la endependencia de Namibia, que tuvu lugal en 1990, la ciá essperimentó un nuevu vientu del cambiu que la conduju a un acelerau crecimientu y desenvolvimientu. Windhoek se convirtió nel assientu del primel gobiernU elegiu democráticamenti dela Repúbrica de Namibia, encabeçau pol el entocis Presidenti Sam Nujoma.

La puebración blanca y mestiza («baster») representaba en 1971 el 52 % dela puebración dela ciá, en 2020 el 35%, lo que haci de Windhoek una delas ciais africanas más ocidentalizás.

Véasi tamién: Katutura Esti

Geografía

Montañas Auas

Estación de lluvias

Espandil l'área del puebru a probau sel un desafíu – a parti delas restricionis financeras – debíu a la su localiçación geugráfica. Enas direçionis sul, esti y oesti, Windhoek está rodeá pol áreas rocosas y montañosas, lo qual hazi caru el desenvolvimientu del terrenu. La parti sul nu es adequá pal desenvolvimientu industrial pol culpa la preséncia d'aquíferus bahu tierra. Estu deja el ampliu área de Brakwater al norti del puebru comu'l únicu lugal posibri p'ala espansión de Windhoek.

El conceju municipal de Windhoek tié pranis pa espandil dramáticamenti los límitis dela ciá de tal manera que l'área del puebru cubrirá 5133,4 quilómetrus cuadraus. Windhoek se gorvería la tercel ciá más grandi nel mundu pol área,Prantilla:Citation needed endispués de Tianjin y Estambul, inque la su densiá de puebración es namás de 63 abitantis pol quilómetru cuadrau.

Clima

Windhoek está assitiá en una altiplanici alreol de 1600 m. s. n. m. en una región de clima secu templau. Los días son mayormenti cálidus, con temperaturas entri los 25 °C y 35 °C, con días mu calentis a más de 40 °C duranti los mesis de vranu, mientris que las nochis son generalmenti frescas.

Los mesis de inviernu (junetu, jullu y abostu) pol lo general essperimentan las menoris precipitacionis. Las temperaturas mínimas s'estiendin entri 5 °C (41 °F) a 18 °C (64 °F). Las nochis son pol lo general frías, inque la temperatura rara vezi desciendi delos 0 °C, y ábate nunca nieva.

La región paeci una sequía más u menus una vezi ca décaa.

Archivu:Few clouds.svg	Parámetrus climáticus promedius de Windhoek, Namibia												Archivu:WPTC meteo task force.svg
Mes	Ene	Feb	Mar	Abr	May	Jun	Jul	Ago	Sep	Oct	Nov	Dic	Añu
Témplu máximu récord (°C)	36.0	35.8	34.9	31.3	31.8	26.1	25.7	30.0	33.2	35.0	36.5	36.6	37
Témplu máximu promediu (°C)	30.0	28.6	27.2	25.6	22.7	20.2	20.5	23.4	26.5	29.1	29.6	30.7
Témplu mediu diariu (°C)	23.3	22.1	21.0	18.9	15.8	13.2	13.1	15.8	19.3	21.7	22.5	23.5
Témplu mínimu promediu (°C)	17.2	16.5	15.4	12.8	9.2	6.7	6.3	8.6	11.9	14.6	15.6	16.9
Témplu mínimu récord (°C)	7.5	6.8	3.7	2.4	−1.6	−2.8	−2.6	−3.9	−1.1	1.6	0.4	3.3	−4
Precipitacionis totalis promedias (mm)	78.1	80.3	78.7	37.7	6.6	1.2	0.7	0.9	2.8	11.8	26.9	41.7
Días de precipitacionis promedius (≥ 1 mm)	11.1	10.7	10.5	5.5	1.9	0.7	0.5	0.3	0.9	2.8	5.3	7.5
Umedá relativa promedia (%)	42	56	51	44	37	32	27	19	17	22	30	34
Oras de sol mensuais promedias	288	254	282	273	310	309	326	341	321	319	297	290
Fuenti 1: BBC Weather. Fuenti 2: Ministeriu de Trabajus y Tresporti (División del Serviciu Meteorolóxicu). Tabulation of Climate Statistics for Selected Stations in Namibia (2012).

Economía

La ciá es el centru alministrativu, comercial e industrial de Namíbia. Un estudiu de 1992/93 estimó que Windhoek proporciona más dela mitá del empleu no agrícola de Namíbia, con una participación nacional d'empleu en servicius púbricus del 96 %, en trasporti y comunicacionis del 94 %, y servicius financerus y comercialis del 82 %. Debíu a su tamañu relativu, Windhoek es el centru social, económicu y cultural del país. Casi toas las impressas nacionalis tienin su sedi aquí. Es sedi amás dela Nuversidá de Namíbia, el solu teatru del país, toas las oficinas centralis delos ministerius y tous los prencipalis meyus de comunicación y entidais financeras. El presupuestu gubernamental dela ciá de Windhoek cuasi igua al de toas las otras autoridais localis de Namíbia juntas. Delos 3.300 millonarius en dólaris Estausuníus de Namíbia, 1.400 vivin en Windhoek.

Trasporti

Pol carretera

Centru de Windhoek.

Independence Avenue.

Las tres prencipalis carreteras d'accesu a Windhoek dendi Rehobot, Gubabis y Okahandja están pavimentás, y están diseñás pa puel soportar la mayol inundación posibri en un orizonti de cincuenta añus. Las carreteras puedin transportal tráficu a Prantilla:Convertir y s'esspera que durin 20 añus.

En 1928, la Kaiserstraße, enti Endependencia Avenue, fue la primel carretera pavimentá de Windhoek. Diez añus más tardi se pavimentó tamién la siguienti, la carretera de Gubabis, enti Sam Nujoma Drive. Ena atualiá, delos ábati Prantilla:Convertir dela ret total de carreteras de Namíbia, unus Prantilla:Convertir están selláus.

En 2014, la Autoridá de Carreteras á planeáu ameloral la carretera Windhoek-Okahandja pa convertil-la en una autuvía. Cuesta unus 1000 millonis de dólaris neozelandesis y s'esspera qu'esti terminá en 2021. Más alantri, tamién se prevé convertil en autuvía la carretera entri Windhoek y l'Aeropuertu Entrinacional Husea Kutaku. S'esspera qu'esti terminau en 2022.

Comu en toa Namíbia, el trasporti púbricu es escasu y el esprantellamientu pola ciá se realiza en gran mediá en taxi. En 2013 abía 6.492 taxis registráus.

Trasporti aereu

Windhoek cuenta con dos aeropuertus, siendu el más cercanu l'Aeropuertu Erus, assitiáu Prantilla:Convertir al sul del centru dela ciá pa las aeronavis más chiqueninas, y l'otru l'Aeropuertu Entrinacional de Windhoek Husea Kutaku, Prantilla:Convertir al esti dela ciá. Varias compañías aéreas estranjeras operan dendi y pal Windhoek. Tamién á vus chárter y alquiletu de helicopterus y avionis.

L'aeropuertu con su torri de control, en 2017.

L'Aeropuertu Entrinacional Husea Kutaku atendi a más de 800.000 pasajerus al añu. Tié una pista sin limitacionis de capacidá. L'otru aeropuertu entrinacional se topa en Walvis Bay, con aeropuertus nacionalis en Lüderitz, Oranjemund y Ondangwa.

L'Aeropuertu Erus es el más concorriu de Namíbia en quantu a despegis y aterrizajis. Esti aeropuertu urbanu realiza aprissimámenti entri 150 y 200 movimientus al día (unus 50.000 al añu). En 2004, l'aeropuertu atendió a 141.605 pasajerus, la mayol parti delos qualis son aeronavis ligeras. Prencipalmenti, limitacionis comu la largura dela pista, el ruiu y la congestión del espaciu aereu an impediu qu'Erus se convierta en un aeropuertu más grandi. La mayol parti delos operáoris de vus chárter de Namíbia tienin Erus comu basi.

Ferrocarril

Estación de ferrocarril de Windhoek.

Windhoek está conectá pol ferrocarril a:

Okahandja (norti)

Rehobot (sul)

Gubabis (esti)