Yamusukro

Yamusukro Prantilla:Nombre original
Capital de Costa de Marfil
Prantilla:Mapa de localización Localización de Yamusukro en Costa de Marfil
Prantilla:Mapa de localización Localización de Yamusukro en África
Ubicación de Yamusukro
Coordenadas	6°48′58″N 5°16′27″O
Idioma oficial	Francés Baoulé
Entidad	Capital de Costa de Marfil
• País	Prantilla:Geodatos Costa de Marfil
• Distrito	Lacs
Dirigentes
• Alcalde (2001)	Gnrangbé Kouakou Kouadio
Superficii
• Total	3500 km²
Altol
• Media	214 m s. n. m.
Puebración (2021)
• Total	381 688 hab.
• Densidá	86 hab/km²
Huso horario	GMT
Sitio web oficial

Yamusukro (en francés: Yamoussoukro) es la capital de Costa de Marfil, assitiá al pie del lagu de Kossou, un embalsi artificial construíu sobri el riu Bandama. Es dendi 1983 la capital Almenistrativa del Estau en sustitución de Abiyán, assitiá a 240 km al sul, qu’acontina siendu nostanti la ciá prencipal i la que concentra la activiá económica del país. Está partía en 169 barrius.

La ciá tenía 155.803 abitantis sigún el censu de 1998 i una puebración estimá de 200.103 abitantis en 2006, polo qu’es la quarta ciá más puebrá de Costa de Marfil tras Abiyán, Bouaké i Daloa i por delantri de Korhogo; originalmente la etnia predominanti era la baoulé, inque ogañu convivi ena ciá genti de procedencia mu diversa, ya que se topa nuna cruzijá de caminus.

Destaca nella la Basílica de Muestra Señora dela Pas de Yamusukro.

El su gobernaol es N´Dri Koffi Apollinaire.

Toponimia

Antañu nel lugal nel que se levanta la ciá dessistía una chiquenina aldea agrícola desiná comu N'Gokro. La reina baoulé deste assentu se llamaba Yamoussou i quandu se refundó la ciá s'atajó onral la memoria desta reina assinando ala ciá Yamoussoukro, de forma que s'ayuntó al nombro dela reina el sufiju «kro», qu’en luenga baoulé quieri izil «ciá».

Geografía

Assitiamientu

Yamusukro se topa nel centru del país, ena región de Lacs, a 248 quilómetrus d'Abiyán. Está assitiá nuna mesa, arrodeá duna sabana arbórea i atravessá por correnteras d'augua, entri los que se topan el Marahoué i el N'Zi, dos afluentis del Bandama.

El destritu de Yamusukro está assitiau entri los 6° 15' i 7° 35' de latitú norti, i los 4° 40' i 5° 40' de longitú oesti.

Clima

Yamusukro está sujetu a un clima ecuatorial con quatru estacionis.

• Largu tiempu seca dendi meyaus de noviembri ata meyaus de marçu, que se caracteriza pola presencia del harmattan un airoteu secu i potenti provienienti del Sáhara, lo que reduci considerabrienti la emelancia.
• Larga temporá de lluvias de meyaus de marçu ata meyaus de júliu.
• Corta estación seca dendi meyaus de júliu ata meyaus de setiembri.
• Brevi estación de lluvias dendi meyaus de setiembri ata meyaus de otubri.

Ena temporá de lluvias puei llovel de forma continuá duranti varius días consecutivus, quandu la lluvia es intensa duranti una ora, un períodu qu’es siguíu por calol mu fuerti.

La precipitación meya zangarrea entri 900 a 1100 mm por añu, cuna destribución mu variabri. La temperatura promeyu ena región es de allegamenti de 26 °C. La emelancia relativa varía entri el 75 i cai un 85% a 40% nel períodu de harmattan i entri el 80 i el 85% ena temporá de lluvias.

El clima dela región de Yamusukro es del tipu AW ena clasificación de Köppen.

Parámetrus climáticus promediu de Yamusukro
Meis	Ene.	Feb.	Mar.	Abr.	Mai.	Jun.	Jul.	Ago.	Sep.	Oct.	Nov.	Dic.	Añu
Temp. máx. meya (°C)	31.5	33.5	33.5	32.9	31.7	30.1	28.6	28.5	29.3	30.1	30.7	30.1	30.9
Temp. meya (°C)	25.2	27.3	27.6	27.3	26.5	25.6	24.5	24.5	24.8	25.2	25.5	24.5	25.7
Temp. mín. meya (°C)	18.9	21.2	21.8	21.8	21.3	21.1	20.4	20.6	20.4	20.4	20.3	19	20.6
Precipitacion (mm)	13	42	108	126	155	165	88	83	170	125	36	15	1126
Días de precipitacions (≥ )	0	0	2	2	1	3	3	3	3	2	0	0	19
Fonti: Climate-Data.org, altitú: 236 m

Estoria

Piedra pulía dela época pristórica topá en Costa de Marfil.

Prestoria

Las numerosas herramientas de piedra topás que datan de hazi varius centenaris de milis d'añus, del Paleolíticu, sobri to nel norti i centru del país, atestigan que Costa de Marfil fue ocupá dendi tiempus remotus pol hombri. Ya en tiempos más recientis, nel Neolíticu, la zona encetó a desertifical-si; la dessecación progressiva delas tierras cultivabris i los pastizalis angarió alos nativus a emigral hazia el sul a fin de topar mejoris condicionis climáticas, especialmenti un nivel de emelancia más artu qu’el-is permitiera siguil cultivandu i abasteciendu las pastorias. Esta migración azia el sul transformó la geografía umana delos paísis subsaharianus, dondi puebrus mu antiguus dela çona tuvurun que replegal-si pa dejal el lugal alos nuevus llegaus. Entri estus puebrus se topaban los pigmeos; ena actualidad ocupandu las çonas d'África central i cuya implantación enus tiempus pristóricus era señalá ya polos egicius i l'estoriaol griegu Heródoto ata la parti superiol del valli del Nilo.

Periou precolonial

Ata el sigru XV, nu ai huentis escritas sobri la puebración de Costa de Marfil, al contrariu que lo que sucedi colos reinus assitidaus más al norti. Los especialistas estiman nostanti que la puebración dela región de Yamusukro pol parti delos baoulé, como la dela región de Bouaké assitidá más al norti, fue el resultau dela epopeya qu’en el sigru XVIII siguió la reina Pokou i la su hermana Akwa Boni duranti la su migración a travéz dela sabana, partiendu de Ghana. Esta epopeya á síu contá esencialmenti de generación en generación polos griots ata llegal a ogañu.

Periou colonial

Yamusukro devi el su nombre ala reina Baoulé Yamousso, soberana en tiempos dela colonización francesa. En 1901, la reina Yamousso, tía de Kouassi N'Go, dirigía el puebru de N'Gokro, nel centru del país, nel momentu dela colonización francesa. El almenistraor francés Simón Maurice solo devió la su vía, en momentos dun alborotu anti-colonial, ala intervención de Kouassi N'Go, que recibió i alojó al almenistraor en casa dela su tía Yamusu, bisabuela de Félix Houphouët-Boigny, posteriormenti fundaor dela Repúbrica de Côte d’Ivoire. El puebru de N´Gokro fue renombrau posteriormenti Yamusukro (ciá de Yamusu) en onol ala reina Yamusu. En aquella época era una pequeña aldea (en 1901 sólo tenía 475 abitantis) llamada N'Gokro i dedicá ala agricultura. En 1939 la mássima autoriá del puebru pasó a sel Félix Houphouët-Boigny, líder dela endependencia de Costa de Marfil, que crió aquí el Sindicatu Agrícola Africanu. Una vezi nombrau presidenti del nuevu estau, Houphouët-Boigny destinó a Yamusukro emportantis inversionis económicas.

En marçu de 1983, Yamusukro se convirtió ena capital política i almenistrativa de Costa de Marfil endispués de que lu uvieran síu posteriormenti nel úrtimu sigru Grand-Bassam (1893), Bingerville (1900) i Abiyán (1933).

El 6 de noviembri de 2004, el aeropuerto de Yamusukro fue ataquau pola infantería francesa endispués de qu’un avión milital provienienti de ellí uviesse bombardeau alos soldaus dela fuerça de paz dela ONU, amás de diversos objetivos controlaus polos rebeldis, col resultau dela muerti de nuevi militalis francesis i un cevil estadounidense. El ataqui francés destruyó dos Sukhoi Su-25 de Costa de Marfil i diversos helicópterus Mil Mi-24, que constituían la mayol parti delas fuerças aéreas estatalis. Ellu provocó un motín contra las tropas francesas endispués dela incursión contra el aeropuerto, i la evacuación en urgencia de alreol de 9000 ciaunus francesis afincaus en Costa de Marfil.

Frenti alas maniobras del partíu de Laurent Gbagbo, sospechau de habel organizau el ataqui alos soldaus dela ONU pa ponel fin al artu el fuegu, i acusau pol el presidenti francés Jacques Chirac de "deriva fascista", el día 15 de noviembri de 2004, el Conseju de Seguriá delas Nacionis Unias adoptó pol unanimidá la resolución 1572, qu’imponía un embargu sobri la venta de armas a Costa de Marfil.

Demografía

En Costa del Marfil, la tasa de fecundidá es de 4,5 ijus pol mujel. El 40,8% dela puebración es menol de 14 añus, el 56,4% está entri 14 i 64 añus i el 2,8% tiene más de 64 añus. La esperança de vía promeiu es de 47,7 añus.

La puebración está compuesta prencipalmenti de Yamusukro Baoules colos sus abondus subgrupus, que, con 3 millonis de pressonas, lu que representa aprossimadamenti el 23% dela puebración. Esti es un asentu recienti ya que los espertus creen que dantis de 1730 Baoulés como tal dessistin. Sigún el censu de 1998, Costa del Marfil, una de cada quatru residentis es estranjeru. Esti es el casu a nivel local ena región de Yamusukro, la puebración estranjera, prencipalmenti provienienti de Burkina Faso i Malí, en particulal pa trabal enas plantacionis i nel sectol del comerciu.

Está previstu organizal un nuevu censu dela puebración en 2008.

Yamusukro tiene una puebración urbana aprossimá de 275.000 abitantis, la tasa de urbanización del destritu es del ordin del 55% frenti al 45% dela puebración que vivi enas zonas ruralis. La tasa de crecimientu anual osservá nel períodu 1988 a 1998 fue del 2.6%. Como en otras partis de África la puebración aborigen era animista, ena actualidad estas tradicionis coessistin con otras religiones monoteístas importás polos colonizaoris del oesti de África, como el catolicismu i el Islam.

Luengas

La luenga tradicional dela ciá es el baoulé. Dendi la endependencia, la luenga oficial en Yamusukro i en toa Costa de Marfil es el francés. La luenga vehiculal, palrá i comprendía pola mayol parti dela puebración es el diula. Ala ciá llegan, cada vez más, marfileñus procedentis de toas las regionis del país, i que pol tanto, traen las sus luengas con ellus ala ciá, ena que se palran alreol de sesenta luengas distintas, como el attié, el agnis, las senufo u el bété.

Urbanismu

La istación de otubusis de Yamusukro, cola Basílica de Nuestra Señora de la Paz al fondu.

La ciá se organiza alreol del eji prencipal que transcurri hazia el norti del país i dondi se á construíu la istación de otubusis, que constituye, como en toa África, un emportanti i animau puntu de reunión delos abitantis dela ciá. La ciá cuenta con casas construídas con sillaris i con tejaus recubiertus de chapa ondulá, i con barrios organizaus sigún el sistema del patiu colectivu, alreol del qual se construyin varias viviendas en adobe, que respeta la organización abituabri i multisecular delas ciaís africanas i que se topan arrodeás duna vegetación exuberanti. Cuenta tamién con inmensas avenias, anchas como autovías i siempri iluminás, peru normalmenti vacías, uniendu construccionis moernas, construídas endispués de 1980, i que desembocan bruscamenti ena sabana. La ciá se devidi en ochu barrios: Assabou, Habitat, Dioulako, Kokrenou, Morofe, N'zuessy, 220 Logements i Énergie.

Infraestruturas

La ciá

Dendi la istación de otubusis, distintas compañías de otubusis i de taxis brousses conectan la ciá colas localidades vecinas. Yamusukro disponi dun aeropuerto (código AITA: ASK). El aeropuerto enternacional de Yamusukro, con una meia de seiscientus pasajerus i 36 vuelus en 1995, era, al lau del de Dakar, unu delos dos aeropuertos del continente africanu que podían acogei el Concorde. Enos añus 1980, el antiguu presidenti Félix Houphouët-Boigny tenía la costumbre de regresal al país usandu esti avión.

Departamentu

Nel departamentu ai 261 km de carreteras asfaltás, mentris que ai 1800 km de pistas de laterita. Nesta región del mundu, el costi dun quilómetru de carretera asfaltá se estima, de meia, en 100 millonis de francos CFA, lu que representa unos 1,6 millonis de euros. Delas 169 localidades ruralis del departamentu, 88 cuentan con suministru eléctricu. Algunas localidades que nu disponin de electricidá cuentan con grupus electrógenus.

La presa de Kossou, nel Bandama brancu, cuenta con una capacidá de augua tan grandi como el del lagu Leman. La su construcción, a partil de 1969, provocó el desplazamientu de 100.000 pressonas, prencipalmenti hazia el sul del país, ena región de San Pedro, que se topar a 40 km dela presa. Es la huenti prencipal de electricidá del país. Gracias a esta presa, Costa de Marfil produzi la totalidá dela energía eléctrica que consumi i puei exportal los escedentis alos países vecinos, como Ghana, Togo, Benín, Malí i Burkina Faso, gracias ala interconexión delas redis eléctricas.

Sanidá

El departamentu de Yamusukro cuenta con un centru ospitalariu regional, 37 centrus de salú, un centru de salú escolal i unu nuversitariu, una clínica odontológica, una clínica i sieti farmacias. Como ena mayoría delas ciaís del continente, el ospital nu proporciona las melecinas. Es necessari, dantis de acudil, compral vendas, jeringuillas, termómetru, etc. ena farmacia. Las autoridades de Costa de Marfil planean construil un centru oncológicu.

La lepra entavía causa estragos en algunas localidades dela región, assín como enos departamentos de Danané, Man, Biankouma, Touba, Tengréla, Boundiali, Korhogo, Katiola, Dabakala i Béoumi. Se diagnosticaron 856 nuevus casos en Costa de Marfil en 2007 i 1367 enfermos estaban en tratamientu sigún las autoridades del país. Entri 1995 i 1999, 269 nuevus casos de lepra uvieran síu diagnosticados nel destritu sanitario de Yamusukro. La poliquimioterapia que asocia tres melecamentus es el únicu tratamientu que cura verdaderamenti la lepra. Eficaz i gratuitu, está disponibri en todos los centrus de salú del país.

Religión

Yamusukro es la sei duna diócesis católica criá el 6 de marçu de 1992.

Yamusukro alberga la Basílica de Nuestra Señora de la Paz (en francés Basilique de Notre Dame de la Paix de Yamoussoukro) es un templu católicu assitidau en Yamusukro (Costa de Marfil), construíu a imagen dela Basílica de San Pedro.

Economía

Sectol primariu

Agricultura

TRADUCCIÓN

Granus de cacau.

Pescadol trasportandu un capitaine.

La agricultura constituye la prencipal huenti de ganáncias pa la mitá delos abitantis i es la actividá económica más emportanti dela región.

La región tiene plantacionis de cacau i de café. Se cuentan 4000 esplotacionis de café i 5000 de cacau ena región.

La agricultura local inclui tamién la agricultura de sussistencia: batata (133.000 toneladas añualis), plátanu (52.000 toneladas añualis), yuca (7500 toneladas añualis), maíz, arroz de riegu i arroz de secanu, con un rendimientu superiol al anteriol, i que presenta la ventaha de permitil dos cosechas añualis. Se carcula qu’el área total de cosechas de arroz es de 2260 ectáreas. El arroz constituye el alimentu básicu en Costa de Marfil, peru el país emporta ata 750.000 toneladas al añu.

Pesca

Gracias col lagu de Kossou que cubri de augua unos 1 750 km², la pesca pocu practicá tradicionalmenti nel país Baoulé, conoció a partil del añu 1969 un considerabri encursu. Se pescan carpas (Cyprinus carpio) i capitaines (Polydactylus quadrifilis) destinaus al consumu local. Los lagus dela región cubrin en total unas 15 000 ectáreas i produzin más de 1 000 toneladas de pescau frescu gracias a unos 400 pescaoiris. Los 60 lagus idro-agrícolas esperriaus pola región tamién favorecin la pesca, ala vezi que juegan un emportanti papel ornitológicu.

Sectol secundariu

Una pranta de descascarau de algodón, gestioná pola empresa SORIZCI, se topar instalá ena región, en Toumbokro. Tamién posei un aserraeru assín como 46 unidais artesanalis de tratamientu de arroz.

La ciá alberga grandis depósitus de almacenamientu de idrocarburus gestionaus pol GESTOCI.

Se prevé pol parti dela agencia de cultivu de cauchu, la Agence ivoirienne de promotion de l'hévéaculture (Aiph) de Costa de Marfil, construil una pranta de procesamiento de látex.

Bancus

Ábate la totalidá delos bancus marfileñus están presentis en Yamusukro: SGBCI (Société générale de banques en Côte d’Ivoire), BICICI, BNI (Banque Nationale d’Investissement), BCEAO (Bancu Central delos Estaus de África Ocidental), CECP (Caisse d’Épargne et de Chèques Postaux), COOPEC (Coopérative d’Épargne et de Crédit).

Turismu

Cocodrilus del Palaciu presidencial

Concebía sigún el moelu dela basílica de San Pedru de Roma, la Basílica de Nuestra Señora de la Paz de Yamusukro se á convertíu nun lugal visitau polos turistas, assín como los cocodrilus de Yamusukro que rodean el Palaciu presidencial, prencipalmenti hazia las 17 h, qu’es quandu los guardianis el-is alimentan.

El Otel Président cuenta con 285 abitacionis i puei albergal a 800 pressonas. Disponi dun restaurant con vista panorámica ena parti más arta del edificiu, una galería comercial, un cine, un solárium i una discoteca. El otel se beneficia dun estatus semioficial ya que sirvi de alojamiento a numerosas personalidais que visitan la ciá. Cuenta tamién con dos pistas de tenis i un campu de golf enternacional con 18 oyus. Cerca del otel se á construíu una salón de congresus que disponi duna capacidá pa 1500 pressonas.

Como ena mayoría delas ciaís de África, Yamusukro cuenta con abondus otelis con précius asequibris, maquis i allocodromes, prencipalmenti alreol dela istación de otubusis. El parqui oteleru está estimau en unas 1000 abitacionis.

Coltura i patrimoniu

Monumentus i edificios destacaus

En Yamusukro se topar el qu’es seguramenti el lugal de cultu cristianu más grandi dela Tierra, i la ilesia más grandi de África: la basílica de Nuestra Señora de la Paz, consagrá pol el Papa Juan Pablo II el 10 de setiembri de 1990.

Tamién son destacabris la presa de Kossou, la Fundación Félix Houphouët-Boigny, la Casa del PDCI-GDR, las diversas escuelas del Enstitutu Politécnicu Félix-Houphouët-Boigny, el aeropuerto enternacional (con una meia de 600 pasajerus i 36 vuelus en 1995, es el únicu aeropuerto africanu nel que podría aterrizal el Concorde), el Ayuntamientu, el templu protestanti, la mezquita i el Palaciu de Emvitaus.

Parquis i reservas

El Parque de Aboukouamékro, qu’ocupa una superficii de 20 430 ectáreas, es una reserva de animalis que cobija rinocerontes, jirafas, búfalus, búbalos, antílopes, en particulal bosboks i cobos, i otras diversas especies animalis. Se topar a 50 km al norti de Yamusukro. El parqui cumpri dos pesquis: resguardal especies animalis salvajis amenaçás i la rentabilidá comercial al proyectal-si como una gran zona de turismu, al ejemplu delas reservas del este de África. An síu introducías jirafas i rinocerontes, especies qu’uvieran desaparecíu rondamenti del país. Nostanti, el parqui sufri constantis oleás de caza furtiva intensiva; los especialistas estiman entri 275 a 300 bosboks cazaús diariamente pal consumu en restaurantis dela región.

El Parque de la Marahoué, con una superficii de 101 000 ectáreas i clasificau patrimoniu mundial dela UNESCO, se topar cerca de Bouaflé. Presenta paisajis de sabana i bosque virgen, i resguarda numerosas especies animalis, sobri to elefantes, babuinus, cocodrilus, antílopes, ipopótamus, panteras, civetas, facoceros, assín como más de 300 especies de pájarus. Se topar sujetu, como la mayoría delos parquis del país, a dos tipos de amenaças : la caza furtiva i la busca de oru. Dendi hazi algunos añus, varias puebraciones se an instalau nel corazón del parqui, lu que á conducíu ena destrución de árbolis protegius i ala caza nu autorizá de cuniculus i gacelas que son luegu vendías alos dueñus delos restaurantis dela región.

Tradicionis

Máscara típica dela étnia delos Gouros.

Tradicionalmenti, los abitantis de Costa de Marfil, como ena mayoría delas sociedais africanas, se saben deudoris dela asociación umana, ya topá nel momentu dela su nacencia, qu’el-is guía i enceta ena vía. Está mu arraigau un cultu alos ancestrus i un respetu al passau. Como en toas partis de África, la tradición oral se topar mu desenvolvía: los griots cumprun una función social esencial, guardan la memoria delos puebrus i transmitin la estoria dela región de generación en generación. Los polvoreus i los problemas entri familiaris u de vecinos son resueltos a menú polos ancianus, respetabris «prudentis», reuniús al pie del árbol de palabras, a menú un baobab que presidi cada puebru. En África, la pallabra «vieju» nu es peyorativa, to lu contrariu, desina alos ancianus «qu’an adquiríu sensatez». Es la razón pola quala las sus decisiones son considerás como sabias i efectuás, inque sin valol legal nel sentíu como se considera abituarmenti en Uropa.

Máscara Zaouli.

Ena mayoría delos puebrus se organizan ceremonias pa «cazar el Kodiahou». En baoulé, el Kodiahou es el mal que, con pallabras i actos, hazi to lu possibri pa desestabilizal la estrutura social i los alcuerdus entri pressonas i entidais, col únicu pesqui de dañal u pala su propia tendencia.

Los bailis Zaouli i Goly son mu practicaus polos puebrus dela región, fuerun de fechu adoptaus pol una gran parti dela puebración baoulé hazia el añu 1910.

Como en toas las aldeas africanas, las máscaras tien gran emportancia i están asociaus con una danza específica: las máscaras con horma de animalis son llamadas Banun Amuin (amuin del bosque) u Amuin Yaswa (amuin viril). Estas máscaras de baile encarnan igualmente a unu delos sus dioses, el más terribli. El términu Amuin desina un arti religiosu qu’engloba todos los poeris i los objetos sometidus al sacrificiu sangrientu (pol lu general un pollu). La horma destas máscaras, los sus nombres i el ordin delos bailis enos que se gastan varían dun puebru a otru, peru nu puein sel vistus polas mujeri i los estranjerus. Tien los sus santuarios nel bosque i se realizan duranti toa una nuechi. Las máscaras Bonun Amuin u Amuin Yaswa, "Dioses delos ombris", i prácticas religiosas asociás con ellas, se identifican cola viriliá, el bosque, la rugosidá dela naturaleza. Encarnan el carátel peligrusu i implacabri dela naturaleza.

Paralelamenti al rápiu desenvolvimiento delas telecomunicaciones de alta tecnología, el tambol sigui siendu utilizau tradicionalmenti pa transmitir notícias de puebru a puebru.

Desportis

La ciá quenta con dos clubis de fútbol, la Union Sportive de Yamoussoukro, qu'ajuega ena MTN Ligue 2, i la Société Omnisports de l'Armée, qu'ajuega ena MTN Ligue 1. Dambos dos clubis letigan los sus encuentrus comu local nel estadiu monicipal.

Quenta tamién cun club aficionay de Rugby a XV, los Béliers de Yamoussoukro, un club de balonmanu, el Sports Plus de Yamoussoukro, i quenta cunas nombraias estalacionis de golf, el Président Golf Club de Yamoussoukro, que dependi del Otel Président, que acogi numerosas competiciones enternacionalis.

En 2007, Korhogo se convirtió ena ciá de llegá del Tour de l'or blanc. En 2008, Yamusukro acogió una etapa desta prueba ciclista: la etapa Bouaflé-Yamusukro, una contrarreloj por equipus, que rucó el AS CAVEL de Koumassi.