AIR
Dendi Güiquipeya
AIR es un duu musical francés d’eletrónica, compuestu pol Nicolas Godin i Jean-Benoît Dunckel.
[eital] Biografia
La estória de AIR escomiença enos añus 80 nel estitutu Hoche de Versallis, ondi estuyan JB i Godin. Cola ayua d’Alex Gopher i Xavier Jamaux, ellus holman un primel grupu Orange.
Nel 1995 naci cumu banda AIR, acrónimu de Amor, Imagination, Rêve (Amol, Mahinación, Sueñu). El primel discu de nombraria hue Moon safari (1998), que prevocó un chocazu nel mundu la música eletrónica, con temas cumu Sexy boy.
Pa la pinicla Sofia Coppola, The virgin suicides, (Las vilhin suicias) del 2000, el duu francés compusu la banda sonora.
El su siguienti discu, 10,000 Hz Legend lo espubricarun nel 2001, sin grandi acohia. Arcançó mayol populariá el discu Talkie Walkie, del 2004, pos acollerarun otra vezi colos airis entimistas i eletrónicus de Moon safari, vendiendu 800.000 cópias.
Entavia mas oníricu i ambiental es el su úrtimu trebahu d’estuyu Pocket symphony (2007).
[eital] Discografia
- Premiers symptômes, 1997.
- Moon safari, 1998.
- The virgin suicides, 2000.
- 10,000 Hz Legend, 2001.
- City reading (Tre storie western), 2003 (con Alessandro Baricco).
- Talkie walkie, 2004.
- Pocket symphony, 2007.
