Amol

Dendi Güiquipeya
La primavera, de Pierre Auguste Cot.

El amol (del latín, amor, -ōris) es un concetu universal relativu a l'afiniá entre seris, definiu d'albondu holmas sigún las deferentis ideologías i puntus vista (científicu, filosóficu, religiosu, artísticu). Normalmenti s'enterpreta como un sentimientu, relacionau con el afehtu i el apegu, i resultanti i produtol duna serii d'emocionis, esperiencias i atituis. Con frecuéncia el términu s'asocia con el amol románticu. La su diversiá d'usus i senificaus, combiná con la complejiá del sentimientu enplicau en ca casu, hazi qu'el amol seya especialmenti difíci de definil dun mó consistenti. Las emocionis asociás al amol puein sel estremadamenti poerosas, llegandu con frecuéncia a sel irresistiblis. Con tó, el amol interpersonal se considera sanu o «verdaderu» quandu es contructivu pala personaliá, pa lo cual es endispensabli tenel una güena autoestima.