Apianu

Dendi Güiquipeya
Sartal a: Güiquipeandu, Landeal

Apianu (griegu Αππιανός; Alejandria, Egitu, c. 95 d. C. – c. 165 d. C.) hue un estoriaol romanu.

Oriundu de Alejandría, ocupó altos puestus comu funcionariu en Egitu duranti el reinau de Antoninu Píu a meiaus del sigru II d. C., polo que puú acedel a documentación emperial. Desempeña diversus cargus almenistrativus en Alejandria, alogu sedrá avogau, comu ya hue Cicerón, i acabará comu procuraol del emperaol Antoninu Píu. Escrebió una larga estoria de Roma, en 24 librus, que abarca dendi la su fundación ata la muerti de Trajanu. Entri ellus, escrebió la estoria de Iberia con un caráctel etnográficu. En el su libru se narran las Guerras Celtíberas i la conquista de Numancia.

La su fuenti prencipal es Polibiu –suponiendu albondas partis perdías d'esti–, enque tamién gasta datus de Salustiu, Paulu Clodiu, Posidoniu, Liviu, Celiu Antipatru, Jerónimu de Cardia, Juliu Césa, Augustu, Asiniu Polión, Plutarcu, Diodoru i otrus autoris.