Gálibu

Dendi Güiquipeya
Sartal a: Güiquipeandu, Landeal
Puenti con mayol gálibu ena zona e navegación

Gálibu, del arabi qálib, qālab o qālib, i esti el griegu antíguu καλόπους, kalópous – horma.

1) Se refiei a las dimensionis máisimas, tantu d’artura cumu d’anchón, que puein tenel tolos veículus, amás, tamién se gasta pa hadel referéncia a la zona heumétrica qu’ebi estal libri d’estáculus alreol dun lugal. Pol nolmas de seguráncia, los veículus de grandol especial cumu autubusis, maquinária pa obras púbricas, camionis… están obrigaus a tenel unas ludis brancas ena palti frontal i unas rohas ena trasera.

2) En puentis, se huchea gálibu a la distáncia entri la palti inferiol de la superestrutura, i el nivel meyu el cursu d’augua. Es un parametru emportanti pa la navegación de barcus pombahu, i s’alcuentra relacionau cola franquia, distáncia entri la palti inferiol la superestrutura i el nivel de la máisima crecienti conocia.

El gálibu se tiei en cuenta duranti el proyeutu namás si se contempla la navegación pol cursu d’augua i, pol esi mistériu, las puentis tiein, con cierta frecuéncia, un perfil que se pahi al perfil duna puenti en arcu. Estu nu atelmina la crasi e puenti, que se denomina hormi la horma básica e trebahu e la estrutura, peru sí logra un mayol gálibu sobri la zona e navegación, sin que seya mestel subila en tol su esarrollu, con el aumentu e costus qu’esu sedrie.

A la escontra, la franquia siempri ebi sel tinia en cuenta, ya que afeta la seguráncia la puenti duranti las crecias.