J. R. R. Tolkien

Dendi Güiquipeya
Sartal a: Güiquipeandu, Landeal
Avissu
Esti endilgui ebi sel revissau por un corretol.
Tolkien en 1916

John Ronald Reuel Tolkien más conociu comu J. R. R. Tolkien (Bloemfontein, Sudáfrica, 3 de jeneru de 1892 — Bournemouth, Réinu Uniu, 2 de setiembri de 1973 ) hue un escrebiol británicu, poeta, filólogu i professol univelsitariu, conociu prencipalmenti pol sel el autol las obras crássicas la alta fantasia El hobbit i El Señor los Anillus.

De 1925 a 1945, Tolkien hue professol d'angrosajón en Rawlinson i Bosworth ena Univelsiá d'Oxford i, de 1945 a 1959, professol de luenga i literatura ingresa en Merton. Era amigu cercanu el tamién escrebiol C. S. Lewis i ambus los dos eran membrus d'un grupu de debati literariu conociu comu los Inklings. Tolkien hue nombrau Comandanti la Ordin el Empériu Británicu pola reina Isabel II el 28 de marçu de 1972.

Endispués la su muerti, el su tercel iju , Christopher, espubricó una serii d'obras basáas enas amprias notas i manuscritus inéditus el su pairi, entri ellus El Silmarillion i Los ijus de Húrin. Estus, juntu con El hobbit i El Señor los Anillus, horman un cuerpu conetau de cuentus, puemas, estórias de fición, luengas inventás i ensayus literarius al tentu un mundu imaginariu llamau Arda, i mas estensamenti al tentu el continenti conociu comu la Tierra Meya. Entri 1951 i 1955, Tolkien apricó la parabra legendarium a la mayol parti d'estus escritus.

Atijus[eital | edit source]