Lombu
Dendi Güiquipeya
Un lombu es un acienti heográficu que se destiendi sobri el terrenu que lo cercunda, nun ária arrayá. Los lombus a menú tiinin várias cimeras, inque en árias con una topolohia mas escarpá, un lombu puei refirilsi a una seción particulal de repentinu escarpau sin una cimera craramenti definia, endrentu dun conhuntu cordilleranu.
La deferéncia entri un lombu i una montaña es argu difici i suhetiva, peru se puei izil qu'un lombu es heneralmenti argu mas bahu i menus escarpau qu'una montaña. Nel Reinu Uniu, la ahéncia gubelnamental de confeción de mapas (Ordnance Survey) defini "montaña" cumu una eminéncia topolóhica con una artitul mayol a 1.000 pies (305 metrus) sobri el nivel el mari. El Oxford English Dictionary, pola su parti, suhieri cumu arrayu los 2.000 pies d'artura (610 m). Ebiu a esta endefinición, en abondus lugaris se llama lombus a holmacionis qu'en realiá son montañas.
[eital] Holmaeru
Los lombus puein holmalsi pol várius fenóminus heomorfolóhicus: pol sulhil fallas heolóhicas; pola erosión dotrus acientis heográficus mayoris, talis cumu montañas (los lombus testigu); pol movición i deposición de sedimentus pun glacial (pol sabulugal, morrenas i drumlins); ecétera.
La horma rondeá dangunus lombus es ebiu a movicionis difusivus el suelu i a regolitus que cubrin el lombu, nun prohessu llamau retación.
Angunas rehionis que puun bel tiniu lombus nu los tiinin ebiu a que huerun cubiertus pol glaciaris duranti la Eá de Hielu.
