Microtonu

Dendi Güiquipeya
Sartal a: Güiquipeandu, Landeal
Canadian Aboriginal Syllabics Example.svg Nesta páhina se gasta una ortografia destinta a la que normalmenti se gasta ena Güiquipeya.

Ena música, se conoci cumu microtonu a ca unu los entervalus musicalis más chiqueninus qu'un semitonu.

Ena música ocidental, una octava se devíi en 12 semitonus igualis. Nel microtonalismu s'utiliðan más notas, llamás de microtonus.

Una tupa teóricus musicalis d'hogañu tratan d'organiðal la devisión de microtonus de tal jolma que se puean relacional melódicaenti y armónicaenti cumu los tonus utiliðáus nel sistema dodecafónicu. Sigún muchus compositoris, el microtonu abriría nuevas puertas nel mundu la música contemporania.

Pa refrejal entervalus de cuartu de tonu ena notación musical, a veðis se jaði usíu d'un signu + asiajáu riba el pentagrama pol cima la figura la nota afectá, senificandu qu'es un cuartu de tonu más arta que lo endicáu.

Amás d'ena música contemporania, las escalas microtonalis apaecin en una tupa tradicionis musicalis los divelsus puebrus del mundu, juendu nel folclori a menú la música temperá d'estilu occidental la escepción y no la nolma. La microtonaliá es típica ena música árabi, turca, persa, rumana, húngara u eslovaca. Ena península ibérica, se pue enjallal nel flamencu y en ciertus cantaris la tradición oral nel sul del Reinu de Lión u Estremaúra, normalmenti coloreandu melodías en mou frigiu y las sus variantis cromatiðás. Sin embalgu, l'únicu cancioneru estremeñu que refreja los microtonus sistemáticaenti enos cantaris ondi se dan es "Musica de la Tradición oral en Torrejoncillo", de Francisco Rodilla León, pubricáu nel 2003.