Nación

Dendi Güiquipeya
Sartal a: Güiquipeandu, Landeal

El concetu de nación puei varial en el su senificau. Puei referil-si a un estau soberanu o a un país endependienti, pero tamiñen puei hazel referéncia a una comuniá de pessonal que compartin luenga, estoria, coltura, origin o territoriu, con una mentaliá própia. D'esta manera, essestin nacionis sin estau. La parabra nación provien del latín nātio (derivau de nāscor, nacel), que podia senifical nacéncia, puebru (en sentiu étnicu), especii o crassi. El su gastaeru acontinó ena Edá Meia, sobri tó enas univelsiais, ondi los estudiántis se deevian en nacionis en huncion de la su luenga o el su lugal de nacencia.