Nacionalismu cántabru
El Nacionalismu cántabru (i el dimanau endependentismu cántabru) es una corrienti de pensaeru que considera que Cantabria es una nación, basandu-si enos sus derechus estóricus, la su lengua, la su estoria i el su derechu civil.
Generalmenti el nacionalismu cántabru defiendi el derechu a l'autodeterminación, es dizil, el derechu delos cántabros a decidil a tentu delas sus hormas de goviernu. Pa muchus, estu es el passu anteriol ala endependencia de Cantabria.
Muchus nacionalistas cántabrus consideran que la nación cántabra no es namás la comunidá utónoma de Cantabria, que tamién son otrus territorius ondi tradicionalmenti se palra o s'á palrau cántabru, estu es, el norti de Castilla i León, (las provincias de Burgus, León i Palencia), el esti del País Vascu, (la provincia de Viscaya) i el oesti del Prencipau d'Asturias, hormandu lo que se conoci comu Paísis Cántabrus.