País Vascu

Dendi Güiquipeya
Sartal a: Güiquipeandu, Landeal
País Vascu
Euskadi
Bandera e Pais Vascu Escú de Pais Vascu
Sitación
Localización del País Vasco.svg
Datus estaísticus
Capital Vitória-Gasteiz
Luengas oficialis Castellanu i euskera
Superfici
 - total
 - % d'España
Puestu núm. 14
7.234 Qm²
1,4%
Puebración
 - Total (2007)
 - % de España
 - Densiá
Puestu núm 7
2.141.860
4,8 %
295,0 ab./qm²
Hentilíciu Vascu/a, vascongau/a
Estatutu d'autunomia 22 de Diciembri de 1979
ISO 3166-2 PV
Arrepresentación
palramentária

 - Congresu
 - Senau
 
 
18 escañus
15 escañus
Presienti Íñigo Urkullu (PNV)
Gobiernu Vascu
Basque country map.png

Pais Vascu u Euskadi es una Comuniá Autúnoma española, assitiá nel estremu nororiental la franja cantábrica, ruizandu pal norti con Mari Cantábricu i Fráncia, pol sul con La Rioja i Castilla i Lión, al oesti con Cantábria i pol esti con Navarra. Lo holman las províncias (denominás Territorius Estóricus nel ordenamientu autunómicu) d'Álava (Araba ena luenga vasca u euskera), Guipúscua (Gipuzkoa) i Viscaya (Bizkaia) abarricandu 251 municipis: Álava 51, Guipúscua 88 i Viscaya 112.

Nel pasau, las províncias que componin l'atual País Vascu hueron conocías tamien cumu Províncias Vascas, Províncias Esentas (hata 1841), Províncias Vascungás u, sencillamenti, Vascungás. Ena atualiá, la denominacion Comuniá Autúnuma Vasca (CAV) es gastá con frecuencia, especialmenti ena própia comuniá autúnuma i Navarra, ya que las denominacionis Euskadi i Pais Vascu tamién huerun gastás estóricamenti endi la su criacion cona grafía Euzkadi nel sigru XIX la primel, i enantis de 1897 la segundera, pa referil-se un concetu diferenti a la Comuniá Autúnuma, el de Vasconia (Basconia) u Euskal Herria. Tamién Navarra tien derechu a arremetel-se nesta Comuniá Autúnuma, nel supuestu que liga la su encorporacion d'alcuerdu cono dispuestu ena dispusicion transitoria cuarta la Costitucion española, i regramentau nel mejoramientu del Fueru, si bien no á ejerciu enjamás esti derechu. Las relacionis entre dambas las dos comuniais án siu de carater mu ampliamenti variau endi la Transición.

Geografia[eital | edit source]

Tien una estensión total de 7.234 km² i una puebracion de 2.141.860 abitantis (INE 2007), con una densiá puebración de 295,0 ab/qm². La su capital es Vitoria-Gasteiz, en Álava, ondi s'alcuentran el Palramentu i la séi el Gobielnu Vascu, enque la ciá más grandi es Bilbau.

Luengas[eital | edit source]

En Euskadi s'án palrau dos luengas dendi hazi sigrus: el castillanu i l'euskera, siendu las dos originarias de la region, pos el castillanu surgió nuna zona amplia qu'abadaba tamien territoris de l'ocidenti de l'atual Álava. L'euskera, a diferencia el restu luengas ibéricas muelnas, no procei el latín ni preteneci a la família induropea. Nel añu 2001, un 49,6% la puebración era monolingüe castillanu, un 32,2% era bilingüe i un 18,2% era bilingüi pasivu (entendia euskera enque lo palraba con dificultá). Estus porzentahis varian duna provincia a otra, siendu Guipúscua ondi más se palra euskera i Álava ondi menus. Las puebracionis gascunas asentás en Guipúscoa trajherun con ellas la su luenga: el gascón (ya esaparecía nel País Vascu).

Territóriu[eital | edit source]

Territórius estóricus
El Pais Vascu comprendi tres províncias, las qualis recibin la denominación de territórius estóricus nel ordenamientu autunúmicu:
Álava (305.459 abitantis). Capital: Vitória-Gasteiz.
Guipúscua (694.944 abitantis). Capital: San Sebastián.
Viscaya (1.139.863 abitantis). Capital: Bilbau.

Tamién guipal[eital | edit source]