Bilbau

Dendi Güiquipeya
Sartal a: Güiquipeandu, Landeal

Bilbau

Bandera e Bilbau
Ayuntamientu de Bilbau
Ayuntamientu de Bilbau
Nombri oficial {{{nombri_oficial}}}
País Flag of Spain.svg España
Comuniá Autónoma Pais Vascu
Província Viscaya
Província Viscaya
Comarca {{{Comarca}}}
Ciá {{{monicípiu}}}
Coigu postal 48001 - 48015
Supifícii 41,26 km²
Artitú 8,8 (es l'altura oficial miia nel 5º
escalón la escalinata el ayuntamientu) msnm.
Longol 395 km a Madril
Puebración 353.168 ab. (2007)
Gentilíciu Bilbainu/a
Rius Nervión, Cadagua,
Elguera
Página web www.bilbao.net

Bilbau (en euskera Bilbo, oficial Bilbao) es una ciá española, capital de la província e Viscaya (Pais Vascu). Possei el entítulu onoríficu de "La mu leal, nobri i envita villa e Bilbau". Los Reis Católicus le dierun el entítulu de nobri en 1475 i Felipe III el de mu nobri i mu leal nel añu 1603. La reina María Cristina le dió el d'envita en 1837 pol bel aguantau el sítiu de las tropas carlistas.

La ciá s'alcuentra assitiá nel valli el cursu bahu el Nervión, arrayandu con Erandio, Barakaldo, Sondika i Etxebarri, es un emportanti centru comercial, financieru i endustrial.

Hue hundá pol D. Diego Lopez de Haro nel añu 1300.

Geografia i clima[eital | edit source]

La ciá e Bilbau esta assitiá ena veltienti alántica oriental la Peninsula Ibérica. Las cordenás de la ciá son latitú: 43º 15' 42 N, lonhitú 2º 55' 43 W, i s'alcuentra a 19 metrus sobri el livel del mari. El clima e Bilbau es de tipu oceanicu úmeu, enfruenciau pola corrienti calienti el golfu, con temperaturas suavis a lo largu tol añu. El áugua el mari tiini una temperatura e 14º en ibielnu i en vranu chega alos 23º. Las temperaturas meyas de Bilbau oscilan entri los 20,7º de Agostu i los 9,1 d'Eneru.

Estória[eital | edit source]

Bilbau nació cumu un pequeñu bárriu pretenecienti a Begoña. El su asiahamientu previlehiau, pol estal cerca el puertu, hizu de Bilbau un encravi emportanti pal comérciu marítimu. Esminció con solamenti tres callis, alogu se hue espandiendu, chegandu a sel anombrá en 1602 capital de Viscaya, entítulu que hata altonci tinia Bermeo. A finalis del sigru XVII Bilbau superó la crisis que afetaba a meya Uropa grácias a las minas de hierru i al comérciu con el Réinu Uniu i Olanda. Nel sigru XIX prencipió la Revolución endustrial. Bilbau hue escenáriu de várias gerras nel passau, cumu las Guerras Carlistas i la Guerra Cevil.

Nel sigru XX se muó el su centru neurálhicu dendi el cascu antigu al ensanchi i se anessionarun Abando, Begoña i Deusto. Endispués del declivi endustrial de los ochenta i las enundacionis de 1983, la ciá se gorvió a revitalizal con nuevas infraestruturas, los muellis de carga se gorvierun passeus i se costrullerun eifícius emblemáticus cumu el Museu Guggenheim de Bilbau adeicau al Arti Muelnu, el Paláciu de Congressus Euskalduna u el ferrocarril metropolitanu de Bilbau.

Coltura i deporti[eital | edit source]

En Bilbau an naciu grandis presonahis del mundu la coltura, cumu Miguel de Unamuno, Arriaga, Gabriel Aresti. Bilbau cuenta con una tupa istalacionis i estitucionis colturalis i eucátivas, cumu el Teatru Arriaga, la Univelsia e Deusto, i enfiniá de museus i salas d'esposicionis. Bilbau al igual que San Sebastián ofrez la opoltunidá de degustal los mehoris pratus de la cucina vasca en gran cantidá e restaurantis. Bilbau tiini un equipu e fubu ena primel devisión: el Atletic Club(únicu club huntu con el FC Barcelona i el Real Madrid que siempri s'á manteniu ena máissima categoria) hue hundau nel añu 1898, Bilbau hue huntu con Güerva e los primerus lugaris ondi se hugó al fubu nel estau Español grácias a las traicionalis güenas relacionis comercialis que Bilbau tinia con el Reinu Uniu.

Atihus estelnus[eital | edit source]