Osama bin Laden

Dendi Güiquipeya

Osama bin Mohammed bin Awad bin Laden (árabi: أسامة بن لادن; Riad, Arabia Saudita, 10 marçu de 1957) es un miembru la família bin Laden i guerrilleru yihadista. Es conociu ogañoti nel mundu por sel el hundaol al-Qaeda, i el FBI crei que tamien estuvu emplicau en numerosas runchas terroristas contra los Estaus Unius i otras nacionis ocientalis, encluiendu los ataquis a las embajás d'Estaus Unius en Quénia i Tanzánia el 7 agostu de 1998. L'almenistracion Bush le acusó amás d'estal detrás de los ataquis del 11 setiembri del 2001 al World Trade Center i al Pentágonu enas proissimiais de Washington DC, enque esta enholmación non está confirmá por FBI.

Parti de la opinion pública enternacional escomençó a afirmal que bin Laden estaria muertu dende hazi angunus añus. Essu hue desmentiu pol grupu terrorista al-Qaeda a través de Ayman al-Zawahiri, 2do. Jefe al mandu de la organizacion nuna entrevista emitia pola cadena televisiva al-Jazeera. Tamien hue desmentia la su muerti por parti la CIA, considerandu que vivia entovia enque aislau. Tamien s'asseñaló que la su figura s'avia mitificau en Uropa i Estaus Unius comu cabbeça asoluta d'al-Qaeda, simplificandu la estrutura descentralizá de la organizacion.

Referéncias[Edital | Editá'l códigu]