Paleontologia

Dendi Güiquipeya

La Paleontologia (del griegu palaios = antiguu, onto = sel, logos = céncia) es la céncia qu'estuya i enterpreta el pasau la via sobri la Tierra a través de los fósilis. S'alcuentra endretu las Céncias Naturalis, posei un cuelpu dotrina propiu i comparti hundamentus i métodus cona Geologia i la Biologia, conas qu'está atijá.

Entri los sus ojetivus están, amás la reconstrucion los seris vivus pasaus, el estuyu el su origin, de los sus cámbeus nel tiempu (volucion i filogenia), de las relacionis entri ellus i ellus i con el su entornu (paleoecologia, volucion la biosfera), de la su distribucion espacial i migracionis (paleobiogeografia), de las estincionis, de los procesus de fosilizacion (tafonomia) o de la correlación i datacion las rocas que los contienin (bioestratigrafia).

La Paleontologia premiti conprendel la conposición (biodiversiá) i distribucion los seris vivus sobri la Tierra (biogeografia) d'ogañoti -enantis la entervencion umana-, á aportau prebas endispensablis pala solucion de dos de las mas grandis controversias centíficas del pasau sigru, la volucion los seris vivus i la deriva los continentis, i, guipandu al muestru futuru, ofreci herramientas pa el análisis de cómu los cámbeus climáticus puein afetal al conjuntu la biosfera.