Província de Ciá Rial

Dendi Güiquipeya
Sartal a: Güiquipeandu, Landeal
Província e Ciá Rial
Escú e Ciá Rial Bandera e Ciá Rial
Localización provincia de Ciudad Real.png
País España
Comuniá Autónuma Castilla La Mancha
Capital Ciá Rial
Luenga oficial Castellanu
Puebración 506.864 ab. (2006)
Superfici 19.813 km²
Densiá 25,58 ab./km²
Hentilíciu Ciarialeñu
Coigu postal 13...
Páhina web Diputación

Ciá Rial es una província d'España assitiá ena Comuniá Autúnoma de Castilla-La Mancha. Tiini 510.122 abitantis (INE 2007) i 19.813 qm² de superfici repartius entri los sus 102 monicípius. La su capital provincial es Ciá Rial. Arraya al norti cola província e Toleu, al noresti cola província e Cuenca, al esti cola província d'Albaceti, al sul colas províncias de Córduba i Haén i al oesti cola província e Badahó.

Heugrafia[eital | edit source]

El su paisahi se defini pola Meseta Central, ena su metá miriyonal; se trata dun perfil chanu con pequeñus lombus normalmenti de poca artitú. El sul la província está arrayau pol Sierra Morena, cuyu prencipal pasu a la Comuniá Autúnoma d'Andalucia s'alcuentra en Despeñaperros. El norti está arrayau polos Montis de Toleu, de poca artitú.

La prencipal cuenca idrugráfica es la de Guadiana. Esti riu tiini cumu nacéncia las Lagunas de Ruidera, al esti la província, qu'esapaici i güervi a apaicel enas cercanias la localiá de Villarrubia de los Ojos. Angunus los sus afluentis ena província son el "Cigüela", el "Záncara" i el "Jabalón".

El clima e la província es mediterráneu continentalizau, con una e las mayoris oscilacionis térmicas de la península. Estu prevoca ibielnus frius i vranus mu calurosus i secus.

Localiais mas puebrás[eital | edit source]

Localiais mas puebrás de Ciá Rial
Asiahamientu Monicípiu Puebración
Ciá Rial 71.005
Puertollano 50.838
Tomelloso 35.637
Alcázar de San Juan 29.693
Valdepeñas 28.570
Manzanares 18.791
Daimiel 18.078
La Solana 16.039
Campo de Criptana 14.314
10ª Miguelturra 12.912
11ª Socuéllamos 12.333
12ª Bolaños de Calatrava 12.237
13ª Villarrubia de los Ojos 10.628
14ª Herencia 8.580
15ª Almagro 8.482
16ª Pedro Muñoz 8.237
17ª Malagón 8.124
18ª Argamasilla de Alba 7.161
19ª Almodóvar del Campo 6.790
20ª Membrilla 6.467

Comunicacionis[eital | edit source]

La província s'alcuentra nel caminu e Toleu a Andalucia, la prencipal via e comunicación d'España duranti práticamenti tola su estória, polo qu'el trasporti nunca á siu un pobrema en Ciá Rial. L'autuvia A-4 atraviesa de norti a sul la província entri "Puerto Lápice" i "Almuradiel" nel su trayetu endi Madril hata Andalucia. La capital, Puertollano i otras localiais están uñius a esta autuvia a través de las autuvias A-43 i A-41. El noresti la província está tamién comunicau a través de l'Autuvia los Viñeus.

El recorriu l'Arta Velociá Española (AVE) tiini parás enas localiais de Ciá Rial i Puertollano.