Riau

Dendi Güiquipeya
Sartal a: Güiquipeandu, Landeal
Canadian Aboriginal Syllabics Example.svg Nesta páhina se gasta una ortografia destinta a la que normalmenti se gasta ena Güiquipeya.
Pruvincia Riau en Indonesia

Riau es una pruvincia d'Indonesia, assitiá nel centru la isla Sumatra unta l'estrechu de Malaca. La mayol ciá, y la capital pruvincial, es Pekanbaru. Algotras ciáis emportantis son Dumai y Bengkalis.

El prencipal grupu étnicu originariu de Riau y el más numirosu en ella sonin los malayus, pero uguañoti namás que representan el 40% la pobración. El sigundu grupu más numirosu sonin los javanesis, llegáus dende Java en processus de trasmigración, que representan el 25%. Pa las zonas lindandu conas pruvincias que quean al norti y al uesti dexisti una emportanti pobración de batak y minangkabau. Tamién están los chinus, que representan el 4%.

La luenga indonesia está basá nel malayu de Riau. Riau es una las zonas malayupalrantis con una traición literaria más rica.

Riau es una las zonas más ricas en reculsus naturalis de toa Indonesia, talis cumu petroliu, gas natural, goma y aðeiti palma. La mayol parti la pruvincia sonin bosquis y selvas. La esprotación forestal tíni una gran emportancia.

Las Islas Riau jolmarun parti de la pruvincia jata 2004, en que se jiðun una pruvincia aparti.