The Fox and the Hound
 Esti artícalu no tien huentis ni referencias |
 Esti artícalu es un encetu
Si te apeta, pueis enlial-ti a trebajal en él, precurandu más información i amejorandu lo escritu. |
The Fox and the Hound (en estremeñu: El zorru i'l sabuesu) es una penícula animá estauniensi de 1981 produzía por Walt Disney Productions i basá nel libru omónimu de Daniel P. Mannix. La penícula cuenta l'estoria de dos amigus que no puein sel-lu, un zorru colorau i un perru de caça.
En el su momentu hue la penícula mas cara de Disney cono prossupuestu de 12 millonis de dólaris. En 2006 s'hizu una secuela pal mercau de cini'n casa llamá The Fox and the Hound 2. The Fox and the Hound hue la cabera penícula ena qual trebajarun leyendas dela animación comu Ollie Johnston i ondi dierun los sus primerus psasus animaoris reconocius comu Glen Keane, quien más tardi s'encargaría d'otros pressonajis animaus en huturas penículas comu The Little Mermaid (1989) i Pocahontas (1995). La penícula está crassificá comu'l crássicu animáu númiru ventiquartu'l estuyu Disney. La penícula dura 83 minutus.
Argumentu
[Edital | Editá'l códigu]La penícula trata a tentu l'avenencia de dos animalis, un zorru colorau llamau Tod i un perru de caça llamau Copper (Toby ena vessión castellana), los qualis horman una huerti amistá siendu pequeñus. Copper es duna raza de perru caçaol i el su amu si-lu lleva duranti una temporá para adestral-lu, ansí creci comu un ferós caçaol de zorrus i olvía a su amigu dela infancia. Alogu dela estrenacencia, ya grandi, guelvi i es obrigau a sel enemigu de Tod. Peru Tod no á olviau a'l su amigu i en pesal de que Copper lu pressigui, termina defendiéndu-lo quandu lo vei'n peligru.
Atijus p'ahuera
[Edital | Editá'l códigu]- Ficha d'El zorru i'l sabuesu en Filmaffinity (español)
- Ficha d'El zorru i'l sabuesu en IMDb (ingrés)