Transistol
Dendi Güiquipeya
 |
|
El transistol es un dispositivu semicondutol d'estau sóliu que se gasta pa l'amplificación i la conmutación, i tien tres telminalis: una corrienti u vortahi apricá a unu los bichus controla la corrienti los otrus dos. El transistol es el componenti prencipal de tola eletrónica muelna. Enos circuitus dehitalis, el transistol s'utiliza cumu un enterrutol elétricu mu liheru, i l'olganización sistemática los transistoris premiti que enhuncionin cumu una puerta lohica, memórias tipu RAM i microprohessaoris. Enos cercuitus analóhicus los transistoris se gastan cumu amplificaoris. Los amplificaoris d'audiu, las huentis d'alimentación estabiliçás i los amplificaoris de frecuéncia son cercuitus analohicus que llevan transistoris. Ái dos tipus basicus de transistoris, los bipolaris (BJT) i los d'efeutu campu (FET), i ca unu hunciona de holma deferenti.
[eital] Huncionamientu
El transistol bipolal se huchea asina polquè el canal de condución prencipal gasta tantu electronis cumu vacius pa transpoltal la corrienti eletrica prencipal. Un transistol de uñón bipolal está hormau pol dos Uniones PN nun solu cristal semicondutol, separaus pol una rehión mu estrecha. De esta maera quean hormadas tres rehionis:
- Emisol, que se diferencia de las otras dos pol estal huertimenti dopada, comportándosi cumu un metal.
- Basi, la intermeya, mu estrecha, que separa el emisol del coletol.
- Coletol, de estensión muchu mayol.
Zona de rutura : El hechu de sel nula la correnti de base, es equivalenti a mantenel el circuitu basi emisol abieltu, en estas circustancias la correnti e coletol es praticamenti nula i pol esu se puei consideral el transistol nel su circuitu cumu un enterrutol abieltu. Un transistol esta en corti cuandu:
- corrientidecoletol = corrientideemisol = 0,(Ic = Ie = 0)
Zona de saturacion : El díodu colectol està polariçau directamenti i el transistol se porta cumu una pequeña resistencia.
- Rehión aitiva:
- Cuandu un transistol no está ni en su rehión de saturación ni en la región de rutura astoncis está en una rehión intermeya, la región aitiva. Nesta rehión la corrienti e coletol (Ic) ependi prencipalmenti de la corrienti de basi (Ib), de β (ganancia de corrienti, es un datu del fabricanti) i de las resistencias que se encuentrin conetadas nel coletol i emisol. Esta rehión es la más emportanti si lu que se anhea es utilizal el transistol cumu un amplificadol de señal.
