Veranu

Dendi Güiquipeya

El branu, tamién mentau comu veranu es una las quatru estacionis de las zonas templás. Es la mas cália d'ellas i s'alcuentra entri la primavera i el otoñu. El veranu se carateriza por poseel los dias mas largus i las nochis mas cortas. Las estacionis escomiençan en deferentis fechas en deferentis colturas basás en hechus astronómicus o meteorológicus. Sin embargu, quandu el veranu ocurri nel emisferiu sul, es iviernu nel emisferio norti i viceversa. Sigún se guipi, el veranu puei sel boreal, quandu ocurri nel emisferiu Norti, o austral, quandu ocurri nel emisferiu Sul. Astronómicamenti, el solsticiu de veranu (alreol del 21 diziembri el austral i el 21 juñu el boreal) marca la metá del veranu, mentris que coltural i meteorológicamenti, esti marca el su escomiençu, mentris qu'el equinociu d'otoñu (alreol del 21 marçu el austral i el 22-23 setiembri el boreal) marca el su final.