Vinu

Dendi Güiquipeya
Sartal a: Güiquipeandu, Landeal
Vinu tintu

El vinu es un bebérciu aconsiguiu endi la uva pol mé de la fomentación alcólica del su mostu u çumu; la fomentación proúcisi pola ación de ludias que güervi los açucas del frutu en alcol etílicu i anídriu cargónicu.

Se mentará «vinu» namás al líquiu resurtanti e la fomentación alcólica, total u parcial, del çumu d'uvas, sin revortura e denguna sustáncia. En muchas lehislacionis s'arrepara namás cumu vinu al bebérciu aconsiguiu endi la Vitis vinifera, inque s'aconsiguin bebércius autaus endi la Vitis labrusca, Vitis rupestris, i tal i mas.

Orihin de la su proución[eital | edit source]

La proución de vinus tié mas de 5.000 añus, ubiendu el su primel focu conociu ena tierra cuasi enmeyata pal sul de la cordillera el Cáucasu endi la Capadócia hata las costas meriyonalis del Mari Cáspiu.

Etimulohia[eital | edit source]

L'etimulohia conocia de la parabrina vinu ahorra e la latina vinum i esta e la griega οινος, inque arrepárasi que la raís ahila mas pal caminu e la parabra sáscrita vana (amol) que tamién orihinó las parabras Venus i Venera. Esta relación semántica s'eberie a la creyéncia d'ogañazu enos pueris afrodisiacus del vinu.

Crasis de Vinus[eital | edit source]

  • Vinus corrientis: cuaharingaus sin las sustáncias u práticas gastás palos "vinus especialis", sin destinguil la su gradación, siempri que seya natural. Entri ellus destíngansi, polo menus:
    • Vinus tintus: cuaharingaus mayolmenti e uvas tintas, cumu el colol está nel sollehu, la fomentación audecha a haçelsi con el mostu i el sollehu, i namás una vezi acabihá la fomentación (arreol 20 dias) procéisi al escubi u sangrau. El vinu tintu se puei avehantal, i con el tiempu que pasi nel tonel, barrica i botella, audéchasi dali crasificaeru en:
      • Nuevu u Cohecheru: entri ceru i seis mesis en barrica e maera.
      • Criáncia: dos añus avehantau, de los cualis polo menus seis mesis en maera.
      • Reserva: tres añus avehantau, de los cualis polo menus unu en maera.
      • Gran Reserva: cincu añus, de los cualis polo menus dos en maera.
    • Vinus brancus: se puein cuaharingal con uvas brancas u tintas, en esti segundu chascu aseparandu el mostu el sollehu denmeyatu, pa que nu se chambi el colol. Heneralmenti la fomentación hacisi con mostu, aseparandu de los sollehus, pebas, rasponis, i tal i mas, i ingue nu s'audecha avahantalu, desistin vinus brancus con criáncia.
    • Vinus rosaus: son vinus cuaharingaus con uvas tintas enos que se premitin una mihina maceración de la uva enantis de achapaçal el mostu, desta maea el mostu toma colol. Alú se fomenta el mostu rebufau.
    • Vinus craretis:El su nombri ahorra e la prevelsión i imitación de "Claret", el vinu desembranquinau tintu d'orihin Burdeus. Normalmenti se cuaharingan con uvas tintas i brancas, hidiéndusi la fomentación colos sollehus. El su cuaharingui se haci deque s'ententa proucil vinu con suficienti colol rosau peru nu se tié la cantiá nesezária d'uvas tintas.
  • Chacolí: vinu aconseguiu endi la fomentación alcólica del çumu e las uvas, que pol razonis de l'orilla nu mauren normalmenti.
  • Vinu rahosu, secu u durci: tié mayol gradación alcólica qu'el corrienti, avehantau i cuaharingau con métus particularis. Amás s'audecha avahantalu pol mé la solera, cola que las cohechas de deferentis añus están a mesturalsi solén-solén. Esti vinu avezis es llamau vinu hortificau.
  • Vinu espumosu u d'auha: tié anídriu cargónicu prouciu nel gusupetu, orihinau pol una segundera fomentación alcólica nuna cachaparra afechá. Estandu a téncias de la crasi de cachaparra gastá ena segundera fomentación variará la caliá del vinu. Puemus destinguil, hormi esti critériu, tres crasis de vinus espumosus:
    • Cava u champán: consiguiu endi una segundera fomentación en botella.
    • Transfer: consiguiu endi vinu cuya segundera fomentación se hazi en cachaparras de gran arcanci pa endispués acabihal el su avehantau en botella.
    • Gran Vas: consiguiu endi una segundera fomentación en cachaparras de gran arcanci afechaus a presión.
  • Vinu gasificau: se l'añiiu anídriu cargónicu endispués de bel acabihau el su cuaharingui.
  • Vinus quinaus u medecinalis: án alcibiu la añiición de quina u algotra sustáncia medecinal utorizá pola lehislación.
  • Vermut: bebérciu en cuyu cuaharingui s'entra el vinu, con añiición d'açuca u mostu d'uva concentrau i estratus u airomas consiguius endi prantas airomáticas. Algotrus bebércius apaicius que nu cumpran estus condicionis se huchearán «aperitivus».

Algotrus ahorraus de la uva[eital | edit source]

  • Mistela: bebérciu cuyu cuaharingui estriba ena añiición d'alcol al mostu d'uva sin fomental u fomentau poncima, una miaha pa nu se prouça u aiga la fomentación del mostu, sin añiición de denguna otra sustáncia.
  • Mostu: líquiu risurtanti el pisau u prensau de las uvas frescas, si nu á encetau la su fomentación natural. Se hucheará "mostu apagau" deque la su fomentación natural aiga siu empiia u apará pol cualisquiel proceimientu físicu, cumu el friascu, u quémicu, i siempri sin alcol.
  • Mostu concentrau: consiguiu del mostu pol proceimientus endustrialis, con arta gradación. d'açucas sin caramelizal.
  • Arropi u mostinu: proutu risurtanti e concentral los mostus pol mé del apricaeru e calol, ondi la caramelización d'azucas quea bien definia.
  • Azi: líquiu risurtanti e la fomentación acética el vinu, cun ménimu e 40 gramus de ázeu acéticu cristalizabri pol litru. La su varianti mas depurá i concentrá se huchea acetu barsámicu i se gasta cumu aliñu.
  • Voruhu: alguardienti consiguiu endi la destilación del bagazu e la uva.
  • Grappa: huerti destilau italianu ahorrau de los orhuelus i esperdícius d'uvas. Disponibri pol varietal u pol proutol. Avehantau avezis en barrica. Populal cumu dehestivu u aperitivu.
  • Pisco: El piscu es un agraabri alguardienti e moscatel, de la crasi d'uva quebranta, sin airoma, inque se hazin algotras con uva italiana, moscatel d'Alehandria i torontel. Tié el su nombri el puertu e Piscu, dondi era esportau pa Lima nel sigru XVI.
  • Singani: licol del norti d'Arhentina i sul de Bolívia, de la família del alguardienti d'uvas, cuaharingau con uvas moscatel d'Alehandria.

Vinus el mundu[eital | edit source]

Nu desisti una nolma asoluta pa crasifical las deferentis crasis de vinus que desistin. Una horma gastá pol estitucionis cumu Le Cordon Bleu, respeta la denominación gastá nel Viehu Mundu (Uropa i Ásia Menol, cuandu se palra de vinus), que lista los vinus asigún la tierra e proceéncia. Estu se gasta asina polque la climi i la crasi e tierra ondi la parra á envelneciu, tién la mayol enfruyin en mayol miia nel caraiti el bebérciu. Esti sistema á tiniu lehislacionis nacionalis en abondus paisis, ondi el télminu denominación d'orihin (D.O. en España, A.O.C. en Fráncia, DOCG en Itália, QmP en Alemaña, D.O.C. en Purtugal) es atihi pa vendel los vinus. Con el sistema D.O., las crasis d'uva gastás nun vinu tién menol emportáncia.

Nel Nuevu Mundu se prefiri llamal a los vinus sigún la crassi d'uva gastá. Nel mundu vinícola, "Nuevu Mundu" senifica tolo que nu es "Viehu Mundu", es izil, c'amás d'América, s'encruin Austrália, Nueva Zelanda i África el Sul [1].

La deferéncia entri las dos crasis de crasificacionis estriba en qu'el Nuevu Mundu, cumu está menus envinculau cola traición vinícola Uropea, prefiri vendel los sus vinus cumu varietalis. Un vinu varietal es el qu'está cuaharingau con una crasi d'uva namás, u es una mesturança, ondi ai una crasi d'uva que tié predomiñu sobri los demás (endi 75 hata 90%, asigún el país).

Vinus d'Estremaura[eital | edit source]

Estremaura tié mas de 87.000 etárias de vineu deviia en seis grandis zonas: Cañameru i Montanche en Caçris; Ribera Arta, Ribera Baha, Matanegra i Tierra e Barrus ena província de Badahó. Uguañoti ain mas de 7.000 etárias bahu la Denominación d'Orihin Ribera el Guadiana. Velaquí la lista hecha pola famosa rivista "Mi Vino" de la mehol carta e vinus d'esta tierra e 1998:

  • Tintus
    • Blasón del Turra
    • Campobarro
    • Castelar
    • Marqués de Villalba
    • Orgullo de Barros
    • Señoró de Silva
    • Vega Esteban
    • Viña Jara
    • Viña Puebla Cencibel
    • Viña Romale
    • Viña Roniel
    • Viña Telena
    • Zaleo Tempranillo
    • Castelar
    • De Payva
    • Heredad de Barros
    • Privilegio de Romale
    • Valdegracia
    • Viña Canchal
    • Melitón
    • Torre Julia
    • Lar de Lares
    • Palacio de Monsalud
    • Ruiz Torres Cabernet
    • Monasterio de Tentudía
    • Corte Real
  • Brancus
    • Blasón del Turra
    • Campobarro Macabeo
    • Castillo de Vigía
    • De Payva Chardonnay
    • Lar de Oro Chardonnay B.
    • Marqués de Villalba
    • Orgullo de Barros
    • Señorío de Silva
    • Trampal
    • Vega Esteban
    • Viña Canchal
    • Viña Pueblo Macabeo
    • Viña Romale
    • Zagalón
    • Zaleo
    • Zorzalino
  • Rosaus
    • Blasón del Turra
    • Señorío de Villalba
    • Viña Canchal
    • El vinu. Le Cordon Bleu Internacional, Barcelona, 2002; p. 20.