A. R. Rahman
Allah Rakha Rahman (en tamil ஏ.ஆர்.ரகுமான்) es un compositol, produtol, músicu i cantanti índiu.
Via[eital | eital coigu]
Tuvu nacéncia el 6 de Jeneru de 1966 en Madrás (ogañu Chennai) i le didun el nombri de A. S. Dileep Kumar. La su carrera comu compositol de música de cini escomençó enos prencípius la décaa los 90. Á ganau dos Oscars (dambus dos pola banda sonora la pilícula Slumdog Millionaire),[1][2] trezi prémius Filmfare, quatru Nacional Film Aware de la Índia, un prémiu BAFTA, un Golden Globe[3] i algotrus prémius mas p'aí.[4] Amás, á siu nominau pol dos vezis a los prémius Grammy.[5]
En 2003, trebajandu en la endústria el cini la Índia, el cini entrinacional i el teatru, en una carrera que duró mas duna décaa, Rahman llegó a vendel más de 100 millonis de grabacionis de las sus bandas sonoras en tol mundu[6] i 200 millonis de cintas,[7] hiziendu d'él unu los artistas musicalis más mercaus de la Estória.
La rivista Time s'á refiriu a él comu el "Mozart de Madrás"[8] i le pusun, en 2009, ena lista "TIME 100" de World's Most Influential People, ondi s'asseñalan las pressonas más enfruyentis del praneta.[9] Amás, angunus críticus tamilis l'án puestu el moti Isai Puyal ("Tolmenta musical" en tamil).[10]
Huentis[eital | eital coigu]
- ↑ http://www.blogdecine.com/oscars-2009/oscars-2009-slumdog-millionaire-gana-a-mejor-musica-del-ano
- ↑ El País: Los Oscar retumban en Bombay
- ↑ It's a bridge for Indian cinema: A R Rahman.
- ↑ http://www.arrahman.com/v2/journey-awards.html
- ↑ Two Grammy nominations for AR Rahman
- ↑ Indian film composer for Rings
- ↑ Composing a winning score
- ↑ http://www.arrahman.com/v2/journey-biography.html
- ↑ The 2009 TIME 100 - A.R. Rahman TIME.
- ↑ All About Rahman - Oscars 2009 Special
