AIR
AIR es una banda musical francesa de música eletrónica, hormá de Nicolas Godin i Jean-Benoît Dunckel.
Biografía
[Edital | Editá'l códigu]La estoria d'AIR escomiença enos añus 80, nel estitutu Lycée Hoche de Versallis, ondi estuyavan JB i Godin. Cona ayúa d’Alex Gopher i Xavier Jamaux, ellus horman un primel grupu, llamau Orange.
Nel 1995 naci comu banda AIR, acrónimu d'Amor, Imagination, Rêve (Amol, Maginación, Sueñu). El primel discu de nombraía hue Moon safari (1998), que causó un chocazu nel mundu dela música eletrónica, con cancionis comu Sexy boy. Nel añu 2000, la dupla de músicus francesa compusu la banda sonora dela penícula Sofia Coppola, The virgin suicides, (Las virgin suicidas). El su siguienti discu, 10,000 Hz Legend, hue espubricau nel 2001, sin grandi acogía del púbricu. Alcançó mayol trascendencia Talkie Walkie, del 2004, pos s'acollerarun otra ves conos airis intimistas i eletrónicus de Moon safari i puyerun vendel más de 800.000 copias. Entavia más oníricu i ambiental es el su trebaju d’estuyu Pocket symphony (2007), que tresmiti sensacionis al oyenti relacionás con sueñus i espacius físicus. En 2009 espubricarun el discu Love 2, delicau comu'l su anteriol CD.
Discografía
[Edital | Editá'l códigu]- Premiers symptômes, 1997.
- Moon safari, 1998.
- The virgin suicides, 2000.
- 10,000 Hz Legend, 2001.
- City reading (Tre storie western), 2003 (con Alessandro Baricco).
- Talkie walkie, 2004.
- Pocket symphony, 2007.
- Love 2, 2009.