Ación de los cérculus hielu-deshielu nel ormigón

Horma en qu'el áugua se hiela

La ación de los cículus hielu-deshielu se da enus chascus en que los hundigahus el ormigón están hemplaus d'áugua, es izil, se da en superficis orizontalis, cuandu s'alternan helás i lluvias.

Esta ación nu se da nesezariamenti a 0ºC, puestu qu'el áugua contieni salis, que hazin qu'el puntu e conhelación seya menol.

Prohessu

El áugua, al llovel, penetra enos hundigahus el ormigón, hata que rebimba. El áugua assitiá nun hundigahu s'alcuentra bahu presión (que sedrá mas arta cuantu menol seya el diámetru el hundigahu).

El áugua supificial se helará enantis qu'el áugua assitiá nel enteriol el hundigahu, peru nu sedrá hata que se hieli esti úrtimu áugua hata cuandu se proucirán tensionis nel ormigón.

Tensionis ebias a la presión osmótica

Las salis continias nel áugua assitiá ena superfici pasan al áugua el hondu el hundigahu al prencipial a helalsi la parti esteriol, estu prevoca un aumentu la presión, dandu lugal a que se disuelva parti el hielu. Estu puei chegal a partil la pasta e cementu.

Depracau

Pa quital una capa e hielu e horma lihera se puei gastal sal, peru es mestel calol pa qu'el hielu se rediti. Esti calol lo laira el áugua nu helá nel enteriol los hundigahus, haziendu qu'esta se hieli, i prevocandu tensionis emportantis, que puein chegal a estrumpil pracas enteras (d'aí el su nombri)

Miias a tomal

Las miias a tomal pa qu'un ormigón seya durabri anti las helás son:

• Proyeutal la obra haziendu que nu aiga superficis orizontalis, esquinas...
• Gastal cementus adecuaus.
• Usal árius compatus, i cola mesma naturaleça.
• Hazel las relacionis d'áugua-cementu lo mas bahas posibris.
• Añiil ahentis airiantis.
• Cural bien el ormigón, pa que tenga pocus hundigahus.