Arvu

Esti artícalu es un encetu Si te apeta, pueis enlial-ti a trebajal en él, precurandu más información i amejorandu lo escritu.

Arvu.

Un arvu es una pranta, de tallu leñosu, que se ramifica a cierta artura del suelu. El términu hazi referencia abitualmenti a aquellas prantas cuya artura supera un determinau límiti ena maures, diferenti sigún las huentis: dus metrus, tris metrus, cincu metrus​ o los seis metrus. Amás, produzin ramas segundarias ñuevas ca añu, que partin dun únicu troncu, con crara dominanzia apical,​ dandu lugal a una nueva copa separa del suelu. Argunus utoris establezin un mínimu de 10 cm de diámetru nel troncu (la longitu dela circunferencia sería de unus 30 cm).​ Las prantas leñosas que nu reúnin estas caraterísticas pol tenel varius troncus o pol sel de pequeñu tamañu son consideras arbustus.

Los arvus presentan una mayol longitu que otrus tipus de prantas. Ciertas espezis de vegetalis (cumu las secuoyas) puein superal los 100 m de artura, i llegal a vivil duranti milis de añus.​ Los arvus ain existiu endi hazi 370 millonis de añus. Se estima que ain pocu más de 3 billonis de arvus maúrus nel mundu.

Los arvus son un importanti componenti del paisaji natural ebiu a que previenin la erosión i propolzionan un ecosistema protegiu delas inclemencias del tiempu en su follaji i pol abaju del. Tamién desempeñan un papel importanti a la ora de produzil ossígenu i reduzil el dióssiu de carbonu ena atmósfera, asín cumu moeral las temperaturas nel suelu. Tamien, son elementus nel paisajismu i la agricoltura, tantu pol el su atrativu aspetu cumu pol el su produción de frutus en uertus de frutalis cumu el mançanu. La maera delos arvus es un material de construción, asín cumu una huenti de energía primaria en muchus paísis que se desarrollan. Los arvus desempeñan tamién un importanti papel en muchas mitologías del mundu.