Bailaus

La danza o el bailaus es un arti dondi s'utiliza el movimientu del cuerpu usualmenti con música, como una forma d'espresión, d'interazión social, con finis d'entretenimientu, artísticus o religiosus. Es el movimientu en el espaciu que se realiza con una parti o toïto el cuerpu del ejecutanti, con ciertu compás o ritmu com'espresión de sentimientus individualis, o de símbolus e la cultura y la sociedá. En esti sentíu, el bailaus tamién es una forma de comunicación, ya que se usa el lenguaji no verbal enti los seris humanus, dondi el bailarín o bailarina espresa sentimientus y emocionis a través de los sus movimientus y gestus. Se realiza mayormenti con música, ya sea una canción, pieza musical o sonidus.

Drentu el bailaus existi la coreografía, qu'es el arti de crial bailaus. La persona que cria coreografía, se le conoci comu coreógrafu. El bailaus se pué bailal con un númeru variau de bailarinis, que va dendi solitariu, en pareja o grupus, pero el númeru polo general dependerá del bailaus que se va a ejecutar y tamién del su objetivu, y en argunus casus más estructuraus, de la idea del coreógrafu.

El bailaus en otras aplicacionis

En el deporti tamién s'incorpora el bailaus, comu en la gimnasia, el patinaji artísticu sobri gielu o sobri ruedas, la natación sincronizá y la gimnasia rítmica, com'asinmesmu el kata, de las artis marcialis, que pué asocialsi com'un tipu de bailaus. Por otru lau tamién s'utiliza comu figura literaria metafórica, por ejemplu, al describil el movimientu d'objetus inanimaus: las hojas bailaban con el vientu. Asinmesmu el bailaus tamién desempeña un papel comunicativu drentu los patronis e comportamientu los animalis, comu el bailaus e las abejas, o argunas especis d'avis comu'l Fusil magnífica, en que el machu baila pa atrael a la hembra al apareamientu (a estu se le conoci comu corteju).

Véasi tamién

Huentis

Referéncias

Bibliografía

Marcelle Michel, Isabelle Ginot - La danse au XXe siècle. París, Larousse, 1995 (ISBN 2-04-019984-5).
Amelie Soyka - Tanzen und tanzen und nichts als tanzen. Tänzerinnen der Moderne von Josephine Baker bis Mary Wigman. AvivA, Berlín, 2004. ISBN 3-932338-22-7.
Blogg, Martin. Dance and the Christian Faith: A Form of Knowing, The Lutterworth Press (2011), ISBN 9780718892494
Carter, A. (1998) The Routledge Dance Studies Reader. Routledge. ISBN 0-415-16447-8.
Cohen, S, J. (1992) Dance As a Theatre Art: Source Readings in Dance History from 1581 to the Present. Princeton Book Co. ISBN 0-87127-173-7.

Atijus

En Commons ai conteníu multimedia sobre Bailaus.
Ilustracionis estóricas del bailaus dendi 3300 A.C. a 1911 D.C. del Proyectu Gutenberg