Calandáriu
El calandáriu o calandariu (del latín calenda) es una cuenta sistematizá del transcursu del tiempu, gastau pala organizacion cronológica de las ativiais umanas. Enantis, albondus estavan basaus enos ciclus lunaris, perdurandu el su gastaeru nel calandáriu musulmán, o ena fecha de várias fiestas religiosas cristianas. Ogañu, la mayol parti de los calandárius tienin por referéncia el ciclu que describi la Tierra alreol el Sol i se denominan calandárius solaris. El calandáriu sideral se hundamenta ena movicion terrestri respetu d'otrus astrus deferentis al Sol.