Ir al contenido

Carmen Laffón

Dendi Güiquipeya
Carmen Laffón
Enhormación pressonal
Nacencia 8 de octubre de 1934 Ver y modificar los datos en Wikidata
Sevilla (España) Ver y modificar los datos en Wikidata
Muerti 7 de noviembre de 2020 Ver y modificar los datos en Wikidata
Sanlúcar de Barrameda (España) Ver y modificar los datos en Wikidata
Nacionalidá Española
Educación
Educau en Real Academia de Bellas Artes de San Fernando Ver y modificar los datos en Wikidata
Enhormación profissional
Oficiu Pintol y escoltol Ver y modificar los datos en Wikidata
Destincionis
  • Premio Nacional de Artes Plásticas de España (1982)
  • Medalla de Andalucía (1988)
  • Medalla de Oro al Mérito en las Bellas Artes (1999)
  • Premio Tomás Francisco Prieto (1999)
  • Hijo Predilecto de Andalucía (2013)
  • Gran Cruz de la Orden Civil de Alfonso X el Sabio (2017) Ver y modificar los datos en Wikidata

Carmen Laffón de la Escosura (Sevilla, 8 d'outubri del 1934 - Sanlúcar de Barrameda, Cai, 7 de novembri del 2021), hue una pintora i escoltora figurativa española.[1][2] Reconocía cola Gran Cruz de la Orden Civil de Alfonso X el Sabio i el Premio Nacional de Artes Plásticas, hue académica dela Real Academia de Bellas Artes de San Fernando.[3][4] Recebió'l nombramientu de Hija Predilecta de Andalucía nel añu 2013.[5]

Biografía[Edital | Editá'l códigu]

Tuvu la su nacencia en Sevilla, España, nel 1934, nuna familia leyía, pogressista i acomodá. Los sus pairis, que s'avían conocíu ena Residencia de Estudiantes de Mairil, decedierun no lleval-la ala escuela. La su educación se llevó a cabu ena su casa, en Sanlucar de Barrameda, pandi acuía'l professorau.

Correúra artística[Edital | Editá'l códigu]

Los sus prencipius ena pintura tuvun lugal alos dozi añus dela manu'l pintol Manuel González Santos, amigu i vezinu dela su familia assina comu antiguu professol de debuju'l su pairi, por cuya endicación engressó ena Escuela de Bellas Artes de Sevilla, alos quinzi añus d'edá. Tras de cussal estudius n'esta estitución por tres añus se muó a Mairil, en cuya Escuela de Bellas Artes acabijó la su carrera. N'essi mesmu añu, nel 1954, hizu'l su viagi d'acabaeru d'estudius a París, aondi queó especialmenti clissá pola obra de Marc Chagall. Al añu hizu una estancia de estudius en Roma cona beca'l Ministerio de Educación. Los sus viagis a Viena i Olanda huerun tamién hinconis emportantis n'essus añus de hormación.[6]

Ala su güelta a Sevilla nel 1956 acontinó pintandu ena su casa de branu familial en La Jara, frenti al Coto de Doñana, qu'acabijó huendu'l lugal central dela su atividá artística. Nel 1958 enxaretó las sus dos primel esposicionis endividualis, una nel Ateneo de Madrid i sotra nel Club La Rábida de Sevilla. Entri'l 1960 i 1962 residió a Mairil. Nel 1961 conoció a Juana Mordó, quien s'interessó abondu pola su obra i le ofreció un contratu cona galería Biosca. La su avenencia con Juana Mordó siguió más tardi quandu ésta enxaretó la su propria galería. Nel grupu d'artistas que trebajava para Mordó andavan muchus delos nombris más emportantis dela pintura española dela epoca: Manuel Millares, Antonio Saura, José Luis Mauri, Lucio Muñoz, Eusebio Sempere, Manuel Hernández Mompó, Pablo Palazuelo, Gustavo Torner, Fernando Zóbel, Jaime Burguillos i Antonio López, l'únicu figurativu de toa la lista. El móu de pintal de Carmen Laffón era enormimenti destintu dela astuación qu'imperava enos alreoris criativus d'España d'aquel momentu, enos que los artistas de Juana Mordó tenían un puestu ressaltau.[6]

Nel 1962 golvió pa Sevilla peru acontinó la su relación con Juana Mordó. Cola criación nel 1967 dela escuela El Taller, junta Teresa Duclós i José Soto, Carmen Laffón si acercó al mundu l'enseñaeru artísticu, al que golvería añus más tardi al encorporal-si nel 1975 ala Cátedra de Dibujo del Natural de la Escuela de Bellas Artes de Sevilla, aondi acontinó ata'l 1981. Nel 1982 acebió el Premio Nacional de Artes Plásticas.[6]

Nel 1991 hue presidenta'l jurau el Premio Durán de pintura, nel que tamién era jurau Antonio Manuel Campoy. El primel premiu essi añu lo ganó'l pintol Santos Hu, espolichi el Realismo Onírico.[7]

Nel 1992 tuvu lugal nel Museo Reina Sofía de Mairil una téntiga esposición del passau de Laffón, qu'acorrió la huerça dela su carrera artística. La su obra, hecha liquiamenti conas ténicas del carvoncillu, el pastel i el óliu, abarcavan el retratu (á hechu dambus dos retratus delos reis d'España, Juan Carlos I i Sofía de Grecia), la naturaleza muerta, los ojetus de al sonrueu i, de horma mu especial, el paisagi. Las sus vistas del Coto de Doñana son una verdaera maravilla de limpiura estilística i de intesidá estética. Dendi mediaus delos añus 90 Carmen Laffón esplorava el mundu dela escoltura.[8]

Nel 1998 hue nombrá académica dela Real Academia de Bellas Artes de San Fernando de Mairil. El 16 de heneru del 2000 mentó el su discussu de engressu entitulau "Visión de un paisaje" (n'estremeñu "Visión dun paisagi") nel que palró al tentu el su atillu con Sanlúcar de Barrameda i el Coto de Doñana. Vivía entri Sanlúcar de Barrameda i Sevilla i almirava enormimenti a Mark Rothko.[8]

«El Guadalquivir es el ríu de Sevilla, la mi ciá de nacencia, que me lleva pa Sanlúcar de Barrameda, la mi sotra ciá, aondi escomencé a pintal i a soñal»[9]

Nel 2007 espusu ena cripta'l claustru el Monasterio de Silos la su obra "La Viña", espirá pola viña que cudiava comu si huera un jardín ena su residencia de La Jara. Esta esposición consestió nun óliu omenagi a Santu Domingu, debujus de hormatu grandi al tentu'l paisagi dela viña de Santa Adela, en La Jara, i otrus en tornu al tema dela viña i la vendimia, assina comu una escoltura n'escayola, endispués alquiría pol Museo Nacional Centro de Arte Reina Sofía de Mairil, i deziochu canastus de bronzi en referimientu craru alas lavoris dela vendimia.[10]

Espenó el 7 de novembri del 2021 alos 87 añus, en Sanlucar de Barrameda.[11]

Obra artística[Edital | Editá'l códigu]

Museus[Edital | Editá'l códigu]

Las sus obras artísticas s'alcuentran repartías en varius museus i edificius d'España, comu el Museo de Arte Abstracto de Cuenca, el Museo Nacional Centro de Arte Reina Sofía, el Museo Colecciones ICO de Mairil, el Museo Provincial de Jaén, el Centro Andaluz de Arte Contemporáneo en Sevilla o el Museo de Arte Contemporáneo Helga de Alvear,[12] dentri otrus.

Esposicionis[Edital | Editá'l códigu]

Angunas esposicionis hechas pola su vida huerun:

  • Ateneo de Madrid, 1958
  • Sala Biosca Madrid, 1961
  • Galería La Pasarela, Sevilla, 1966
  • Galería Juana Mordó, Mairil, 1967
  • Galería Juana de Aizpuru, Sevilla, 1978
  • Galería Maese Nicolás León 1980
  • Museo Nacional Reina Sofía, 1992
  • Fundación Focus Exposición retrospectiva 1995
  • Casa de la Moneda de Madrid, 2000
  • Doce artistas nel Museo del Prado (Mayu - Juñu de 2007).

Premius i reconocencias[Edital | Editá'l códigu]

Referencias[Edital | Editá'l códigu]

  1. «Carmen Laffón. Bodegones, figuras y paisajes». Museo Nacional Centro de Arte Reina Sofía. Consultado el 26 de abril de 2020. 
  2. Sevilla, Diario de (7 de noviembre de 2021). «Muere Carmen Laffón, una artista incontestable» [Mueri Carmen laffón, una artista incontestabli]. Diario de Sevilla. Consultado el 7 de noviembre de 2021. 
  3. 3,0 3,1 «BOE-A-2017-12702 Real Decreto 970/2017, de 3 de noviembre, por el que se concede la Gran Cruz de la Orden Civil de Alfonso X el Sabio a doña Carmen Laffón de la Escosura.» [BOE-A-2017-12702 Real Decreto 970/2017, de 3 de Noviembri, pol que s'atorga la Gran Cruz de la Orden Civil de Alfonso X el Sabio a doña Carmen Laffón de la Escosura.]. www.boe.es. Consultado el 17 de Mayu de 2023. 
  4. EuropaPress (6 de septiembre de 2012). «Carmen Laffon, Premio de Cultura de la Comunidad de Madrid en la categoría de Artes Plásticas» [Carmen Laffon, Premio de Cultura dela Comunidad de Madrid ena categoría d'Artes Plásticas]. Consultado el 9 de noviembre de 2012. 
  5. «Aprobadas las distinciones de Hijo Predilecto y Medallas de Andalucía 2013» [Aprovás los destinguimientus d'Hijo Predilecto i Medallas de Andalucía 2013]. Junta de Andalucía. Consultado el 17 de Mayu de 2023. 
  6. 6,0 6,1 6,2 6,3 6,4 6,5 «Carmen Laffón: se apagó la luz sobre el Coto» [Carmen Laffón: S'apagó la lús sobri el Coto]. sevilla. 7 de noviembre de 2021. Consultado el 7 de noviembre de 2021. 
  7. China (Taiwan), Ministry of Foreign Affairs, Republic of (26 de agosto de 1994). «Una visión artística totalmente nueva». Noticias de Taiwan. Consultado el 12 de marzo de 2021. 
  8. 8,0 8,1 8,2 «Carmen Laffón, una mujer que ha hecho historia en el arte y la sociedad» [Carmen Laffón, una muger qu'á hechu estoria nel arti i la sociedá]. Archivado desde el original el 15 de agosto de 2016. Consultado el 11 de Mayu de 2023. 
  9. «Carmen Laffón y la sal de su vida» [Carmen Laffón i la sal dela su vida]. El Español. 24 de marzo de 2021. Consultado el 29 de abril de 2023. 
  10. «Carmen Laffón. La viña | Museo Nacional Centro de Arte Reina Sofía». www.museoreinasofia.es. Consultado el 14 de abril de 2023. 
  11. «Carmen Laffón y sus sensibles trazos de luz – Moove Magazine» [Carmen Laffón i los sus sentíus destraçus de lús]. Consultado el 17 de Mayu de 2023. 
  12. Benito, Gema Guerra (9 de marzo de 2022). ««El Helga es un museo vivo»» [El Helga es un museu vivu]. El Periódico Extremadura. Consultado el 14 de abril de 2023. 
  13. Luque, Alejandro (7 de noviembre de 2021). «Adiós a Carmen Laffón, mucho más que la pintora del Guadalquivir» [Adiós a Carmen Laffón, muchu más que la pintora'l Guadalquivir]. ElDiario.es. Consultado el 7 de noviembre de 2021. 

Atijus p'ahuera[Edital | Editá'l códigu]