Clítori
El clítori es un órganu sessual del aparatu genital femeninu, presenti en mamíferus i sotrus vertebraus. L'órganu muestra munchas diferencias sigún la especii, mentris qu'enas embras umanas namás es visibli el su glandi, ena parti superiol dela vulva. La su parti interna se destiendi polos labius mayoris, el perineu, i rodea el terciu inferiol dela vagina.
El clítori es la parti erógena más sensibli delas embras umanas, i es generalmenti la huenti natómica prencipal del prazel sessual femeninu umanu. El glandi (cabeça) del clítori umanu es aprossimadamenti del tamañu dun guisanti, i s'estima que tien unas 8.000 terminacionis nerviosas sensitivas[1] (estuyus recientis palran de más de 10.000)[2]; es el órganu más inervau delos genitalis femeninus, i possiblimenti de tol cuerpu umanu [3] (el su equivalenti masculinu, el peni, tendría la mitá de terminacionis nerviosas, enque dessisti debati nestu)[4] i tien la única hunción de poporcional prazel sessual ala mugel.
Referencias[Edital | Editá'l códigu]
- ↑ Carroll, Janell L. (2013). Sexuality now : embracing diversity (4th ed edición). Wadsworth. ISBN 978-1-111-83581-1. OCLC 784120757. Consultado el 19 de julio de 2022.
- ↑ White, Franny. «Pleasure-producing human clitoris has more than 10,000 nerve fibers». News. Oregon Health & Science University.
- ↑ Carroll (2012). «Sexuality Now: Embracing Diversity». pp. 110–111, 252. ;
- ↑ Crooks, Baur (2010). «Our Sexuality». p. 54.