Climi

Dendi Güiquipeya
A = Tropicalis, B = Secus, C = Templau (Oceánicus, Subtropicalis y mediterráneus), D = Continentalis, E = Fríus.

El climi es l'estadística del tiempu atmosféricu, normalmenti sobri un intervalu de 30 añus.[1][2] Se midi al evalual los patronis de variación en temperatura, humedá, presión atmosférica, vientu, precipitación, cuenta de partícula atmosférica y otras variablis meteorológicas en una región dá sobri periodus largus de tiempu. El climi difieri del tiempu, en que el tiempu solu describi las condicionis de cortu plazu d'estas variablis en una región dá.

El climi d'una región está generau pol sistema climáticu, el cual tié cincu componentis: atmósfera, hidrosfera, criosfera, litosfera y biosfera.[3]

El climi d'una ubicación está afectau pol su latitú, terrenu y altol, asín comu cuerpus d'áugua cercanus y las sus corrientis. Los climis puein clasificalsi según la meya y las gamas típicas de diferentis variablis, generalmenti temperatura y precipitación. El esquema de clasificación más utilizau la clasificación climática de Köppen, originalmente desarrollá por Wladimir Köppen. El sistema Thornthwaite, en usu desdi 1948, incorpora la evapotranspiración juntu con l'información de temperatura y precipitación y s'utiliza en el estudiu la diversidá biológica y los efectus potencialis de cambius de climi sobri ella.[4] Los sistemas de clasificación de Bergeron y Spacial Synoptic se centran en el origin las massas d'airi que definin el climi d'una región.

La paleoclimatología es el estudiu los climas antigus. Ya que no se disponi d'observacionis directas del climi endenantis del sigru XIX, los paleoclimas s'infierin a partil de variablis proxy qu'incluyi pruebas no bióticas comu los sedimentus encontraus en lechus lacustris y núcleus de hielu, y prueba biótica comu los anillus d'árbol y coral. Los modelus climáticus son modelus matemáticus de climis del pasau, presenti y huturu. Un cambiu climáticu puei ocurril duranti periodus largus y cortus a partil d'una variedá de factoris; el calentamientu recienti se trata en Calentamientu global. El calentamientu global produci redistribucionis. Por ejemplu, "un cambiu de 3 °C en la temperatura meya anual correspondi a un cambiu en las isotermas en aproximadamenti 300-400 km en latitú (en la zona térmica) o 500 m en elevación. Polo tantu, se prevé que las especis se muevan hacia arriba en elevación o hacia los polus en latitú en respuesta a los cambius las zonas climáticas".[5][6]

Guípesi tamién[Edital | Editá'l códigu]

Referéncias[Edital | Editá'l códigu]

  1. Baede, A.P.M. "Annex I. Glossary: IPCC - Intergovernmental Panel on Climate Change". https://web.archive.org/web/20180205090936/http://www.ipcc.ch/pdf/glossary/ar4-wg1.pdf
  2. Shepherd, Dr. J. Marshall; Shindell, Drew; O'Carroll, Cynthia M. " What's the Difference Between Weather and Climate?". http://www.nasa.gov/mission_pages/noaa-n/climate/climate_weather.html
  3. http://www.ipcc.ch/publications_and_data/ar4/syr/en/annexes.html "AR4 SYR Synthesis Report Annexes"
  4. http://www.unc.edu/courses/2007fall/geog/801/001/www/ET/Thornthwaite48-GeogrRev.pdf C. W. Thornthwaite. "An Approach Toward a Rational Classification of Climate". Geographical Review. volumen 38; número 1; páginas: 55–94. (1948)
  5. "Biological consequences of globalwarming: is the signal already". Hughes, Lesley. (2000). Página: 56.
  6. Hughes, Leslie. "Biological consequences of global warming: is the signal already apparent?". http://www.cell.com/trends/ecology-evolution/abstract/S0169-5347(99)01764-4 Trends in Ecology and Evolution, volumen 15; capítulo 2; páginas: 56-61

Atijus[Edital | Editá'l códigu]