Cocreta
La cocreta o cocleta es una massa reboçá en harina i güeu. Se manduca acompañá de jamón i sotras cossas, como bacalau u nicalus. Suelin tenel horma reondeá, aplastujá u buevá.
Avíu
[Edital | Editá'l códigu]La basi delas cocletas sueli sel de salsa bechamel, o salsa alemana, que siempri se mestura cun salpicón o picaillu de carni, mariscu, avi u sotrus agredientis. Se sueli gastal una proporción de quatru decilitrus de salsa por quinientus gramus de salpicón o picaillu.
Una ves enfriau, s'espessa i se le da horma, a menúu cun teneol, cuchara o conas manus, i se le da una horma alargá anque puei dal-si de sotras hormas comu reondeás o de corchu sigún el gustu.
Una ves dá la horma, se reboça en güevu batíu i pan rallau. Tamién es común reboçal primeru en harina, alogu en güevu i acabijal col pan.
Se fríi en abonu azielti o manteca de guarru hata qu'estén dorás.
Origi
[Edital | Editá'l códigu]La cocleta es un alimentu originariu de Francia, anque es más populal enos Paisis Baxus i n'España, ondi puei manducal-si comu acompañamientu, pratu prencipal, entranti o tapa.
Varianças
[Edital | Editá'l códigu]Essestin deferentis varianças delas cocletas dependiendu'l conteníu, que sueli consestil en taquitus de jamón, bacalau, etc. sonin conocías en gran parti'l mundu i quasi cualquiera gastronomía tien anguna variança: ena cozina japonesa se mentan Korokke (コロッケ), ena olandesa kroket. Ena cozina alemana i la belga sonin mu popularis las de patata. Tamién se hazin cocletas sin bechamel, gastándu-si nestus cassus sotras massas talus comu patata hervéa, moniatu, arrós.
Atijus p'ahuera
[Edital | Editá'l códigu]
En Commons ai conteníu multimedia sobre croquetas.
Véa-si tamién
[Edital | Editá'l códigu]Biblografía
[Edital | Editá'l códigu]Mestayer de Echagüe, María. Enciclopedia culinaria, La cocina completa. Madrid: Espasa-Calpe.S.A. ISBN 978-84-670-1990-2.