Crus Colorá

Dendi Güiquipeya
Sartal a: Güiquipeandu, landeal
En colorau, los paisis ondi se llama Crus, i en verdi los de la Meia Luna.

Crus Colorá es el nombri comun con que se conoci al Movimientu Internacional la Crus Colorá i de la Meia Luna Colorá, tamien llamau Crus Colorá Internacional, qu'está entegrá por:

  • Comité Internacional la Crus Colorá (CICR).
  • Federacion Internacional de Socieais de la Crus Colorá i de la Meya Luna Colorá (FICR).
  • 186 Socieais Nacionalis la Crus Colorá i la Meia Luna Colorá.

Los componentis del Movimientu, enque conservan la su endependencia enos límitis el Estatutu el Movimientu, atúan siempri de conformiá conos sus Prencipius Hundamentalis i colaboran entre ellus i ellus nel desempeñu las sus tareas respetivas i pa realiçal la su mision comun.

Los componentis el Movimientu se reúnin conos Estaus Partis enos Convenius de Ginebra del 27 júliu de 1929 o del 12 agostu de 1949 ena Conferencia Internacional de la Crus Colorá i de la Meya Luna Colorá (palantri: la Conferencia Internacional).

Su origin estuvu en las ideas y el coraji del filántropu Henri Dunant, primel premiu Nobel de la Paz por esti motivu.

La crus colorá tamien es el emblema enicial el Movimientu, enversa de los goloris la Bandera Suiça, en reconocimientu a los sus hundaoris i la su neutraliá. La crus colorá, juntu cona meya luna colorá i el cristal colorau sobri hondu blancu, sonin emblemas umanitarius reconocius oficialmenti por abati la totaliá paisis el mundu i el su gastaeru está enmarcau nel Derechu Internacional Umanitariu, polo qu'ebin sel respetaus en toa circunstancia, pa que se puean desarrollal las laboris umanitarias enos desastris i conflitus armaus.